PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚାୟତିରାଜ୍‌ ଦିବସ ଲାଗି ଆସନ୍ତା କାଲି ସ୍କୁଲ କଲେଜ୍ ଛୁଟି ଘୋଷଣା କଲା ଉଚ୍ଚ ଶିକ୍ଷା ବିଭାଗ
  • ||
  • ଆଠଗଡ଼ – ବାବା ଧବଳେଶ୍ୱରଙ୍କ ପୀଠରେ ହେବନି ଜାଗର ଯାତ୍ରା, କେବଳ ପୂଜକଙ୍କ ଦ୍ୱାରା କରାଯିବ ନୀତିକାନ୍ତି
  • ||
  • ଭିଜିଲାନ୍ସ ଜାଲରେ ଅନୁଗୁଳର ଡିଡବ୍ଲୁଓ ଚାରୁଲତା ମଲ୍ଲିକ , ୪୯ ହଜାର ଲାଞ୍ଚ୍‌ ନେଉଥିବା ବେଳେ ଧରାପଡ଼ିଲେ
  • ||
  • ଆସନ୍ତା ୨୬ରେ ବାଂଲାଦେଶ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , କୋଭିଡ୍‌ ପରେ ମୋଦିଙ୍କ ଏହା ପ୍ରଥମ ବାଂଲାଦେଶ ଗସ୍ତ
  • ||
  • ବାଲି ଚୋରା ରାକେଟ୍‌ର ପର୍ଦ୍ଦାଫାସ କଲା କ୍ରାଇମ୍‌ ବ୍ରାଞ୍ଚର ଏସ୍‌ଟିଏଫ୍ ଟିମ୍ । ସୁନ୍ଦରଗଡ଼ ଇବ୍ ନଦୀରୁ ବାଲି ଚୋରା ଚାଲାଣ ବେଳେ ଧରିଲା ଏସ୍‌ଟିଏଫ୍
  • ||
  • ଧର୍ମଗଡ଼ : ବାଇକ୍ ଉପରେ ମାଡ଼ିଗଲା ବସ୍‌ , ୩ ମୃତ ଗୋଲାମୁଣ୍ଡା ଥାନା ଡ଼ଙ୍ଗରିଗୁଡ଼ା ନିକଟରେ ଏହି ଦୁର୍ଘଟଣା ଘଟିଛି
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ପ୍ରଥମ ଇନିଂସରେ ୨୦୫ ରନରେ ଇଂଲଣ୍ଡ ଅଲଆଉଟ୍
  • ||
  • ଛତ୍ରପୁର: ସରକାରୀ ଜମିରେ ବେଆଇନ ଘର କରିଥିବା ଜନସାଧାରଣଙ୍କ ଉନ୍ମକ୍ତକାଣ୍ଡ,ଏନଏସି କାର୍ଯ୍ୟାଳୟରେ ଭଙ୍ଗାରୁଜା ସହ ସିଇଓଙ୍କୁ ପିଟିଲେ,
  • ||
  • ସୁନ୍ଦରଗଡ଼: ଡୁଡୁକା ହାଇସ୍କୁଲର ପ୍ରଧାନ ଶିକ୍ଷକଙ୍କ ଠାରୁ ୩୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ପଞ୍ଝାରେ ପଡ଼ିଲେ ହେମଗିର ବିଇଓ ସୁରେନ୍ଦ୍ର କୁମାର ସାହୁ
  • ||
  • ପାରାଦୀପ: କୁଜଙ୍ଗ ଅଞ୍ଚଳରୁ 700 ଗ୍ରାମ ଗଞ୍ଜେଇ ଜବତ କଲା ପାରାଦୀପ ଅବକାରୀ ବିଭାଗ
  • ||
  • ଗଞ୍ଜାମ: ଛତ୍ରପୁର ତାରାତାରିଣୀ ରାସ୍ତା ବଡଶଙ୍ଖ ନିକଟ ରେଳଲାଇନ ତଳେ ଶିଶୁର ମୁଣ୍ଡ- ଗଣ୍ଡି ଅଲଗା ମୃତଦେହ ଠାବ, ବଳି ସନ୍ଦେହ
  • ||
  • କେନ୍ଦ୍ରାପଡ଼ାରେ ଷ୍ଟିଲ୍ ପ୍ଲାଣ୍ଟ ପାଇଁ ମୁଖ୍ୟମନ୍ତ୍ରୀଙ୍କ ଉପସ୍ଥିରେ ଏମ୍‌ଓୟୁ ସ୍ବାକ୍ଷର, ମିତ୍ତଳ କରିବେ ଷ୍ଟିଲ୍ ପ୍ଲାଣ୍ଟ
  • ||
  • ଓଡିଶା ସୀମାନ୍ତ ଝାଡ଼ଖଣ୍ଡର ଟକଲୋ ଥାନା ଅଞ୍ଚଳରେ ନକ୍ସଲଙ୍କ ଲ୍ୟାଣ୍ଡ ମାଇନ ବିସ୍ପୋରଣରେ ଜାଗୁଆର ଫୋର୍ସର ତିନି ଯବାନ ଶହୀଦ, ଦୁଇ ଜଣ ଗୁରୁତର
  • ||
  • ବଲାଙ୍ଗିର: ଟିଟିଲାଗଡରେ ବଡ଼ଧରଣର ଜିଏସଟି ଚଢଉ, ଏକକାଳୀନ ୪ଟି ସ୍ଥାନରେ ଚଢ଼ଉ କରୁଛି ଏନ୍ଫୋର୍ସମେଣ୍ଟ ଟିମ୍
  • ||
  • ନନ୍ଦପୁର: ସାପ୍ତାହିକ ହାଟକୁ ଆସୁଥିବା ବେଳେ ଓଲଟିଲା ଅଟୋ, ୧୨ ଆହତ, ୩ ଗୁରୁତର
  • ||
  • ଭୁବନେଶ୍ବର: ଖୁବ ଶୀଘ୍ର ହେବ ପୌର ନିର୍ବାଚନ, ଏ ନେଇ ପ୍ରକ୍ରିୟା ଚାଲିଛି: ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା
  • ||
  • କଟକ: ସିଏମ୍‌ସି ବିକାଶ ଭବନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ଦମକଳ ବାହୀନି ନିଯୋଜିତ
  • ||
  • କେନ୍ଦୁଝର: ଘାଟିରେ ଓଲଟିଲା ଯାତ୍ରୀବାହୀ ବସ୍ ‘ହ୍ୟୁମାଲ୍’, ଅନେକ ଯାତ୍ରୀ ଆହତ, ବସ୍‌ରେ ଥିଲେ ୪୦ରୁ ଅଧିକ ଲୋକ‌
  • ||
  • ଭୁବନେଶ୍ବର: ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ଆଜିଠୁ ବିବନକୁ ୨ଦିନିଆ ରିମାଣ୍ଡରେ ନେବାକୁ ସିବିଆଇ
  • ||
  • ଆଗ୍ରା: ତାଜମହଲରେ ବମ୍ ଥିବା ସୂଚନା ପରେ ପର୍ଯ୍ୟଟକଙ୍କ ଭିତରେ ଆତଙ୍କ, ତିନୋଟି ଗେଟକୁ କରାଗଲା ବନ୍ଦ
  • ||

ମୋଦିଙ୍କ ଅରୁଣାଚଳ ଗସ୍ତରେ ଚୀନର ଆପତ୍ତି

ନୂଆଦିଲ୍ଲୀ,୯ ।୨(ଏଜେନ୍ସି): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଆଜି ଅରୁଣାଚଳ ପ୍ରଦେଶ ଗସ୍ତ ଉପରେ ଆପତ୍ତି ଉଠାଇଛି ଚୀନ୍‌ । କହିଛି ଏହା ଦୁଇଦେଶ ମଧ୍ୟରେ ଉତ୍ତେଜନା ବଢ଼ାଇବା ସହ ସୀମା ବିବାଦକୁ ଅଧିକ ଜଟିଳ କରିବ । ହେଲେ ଚୀନ୍‌ର ଆପତ୍ତି ଉପରେ ଭାରତ କଡା ଜବାବ ଦେଇଛି । କହିଛି ଅରୁଣାଚଳପ୍ରଦେଶ ଭାରତର ଅବିଚ୍ଛେଦ୍ୟ ଅଙ୍ଗ ।
ଚୀନ୍‌ ବିଦେଶ ମନ୍ତ୍ରଣାଳୟର ମୁଖପାତ୍ର ହୁଆ ଚୁନୟିଂ କହିଛନ୍ତି ସୀମା ପ୍ରସଙ୍ଗରେ ଚୀନ୍‌ର ଆଭିମୁଖ୍ୟ ସ୍ପଷ୍ଟ ଓ ସେଥିରେ କୌଣସି ପରିବର୍ତ୍ତନ ହୋଇନାହିଁ । ତେଣୁ ଦୁଇଦେଶର ସୀମାରେ ଅବସ୍ଥିତ ଅରୁଣାଚଳକୁ ଚୀନ୍‌ କେବେ ବି ସ୍ୱୀକୃତି ଦେଇନାହିଁ କିମ୍ବା ଏହା ଭାରତର ଅଂଶ ବୋଲି ଗ୍ରହଣ କରେନାହିଁ । ଏହା ଦକ୍ଷିଣ ତିକ୍ରତ ଓ ଆମ ଦେଶର ଏକ ଅଂଶ ଭାବେ ଆମେ ବିଶ୍ୱାସ କରୁ । ତେଣୁ ଭାରତୀୟ ନେତାମାନଙ୍କ ସେହି ବିବାଦୀୟ ଅଞ୍ଚଳ ଗସ୍ତ ଦୁଇଦେଶ ମଧ୍ୟରେ ବିବାଦକୁ ଆହୁରି ବଢ଼ାଇବ । ଗତବର୍ଷ ୟୁହାନରେ ପ୍ରଧାନମନ୍ତ୍ରୀ ମୋଦି ଓ ଚୀନ୍‌ ରାଷ୍ଟ୍ରପତି ସି. ଜିନପିଙ୍ଗଙ୍କ ମଧ୍ୟରେ ଯେଉଁ ସୌହାର୍ଦ୍ଦ୍ୟପୂର୍ଣ୍ଣ ଆଲୋଚନା ଆରମ୍ଭ ହୋଇଥିଲା ଭାରତର ଏଭଳି ପଦକ୍ଷେପ ଯୋଗୁ ତାହା ପ୍ରଭାବିତ ହେବ । ତେଣୁ ଦୁଇଦେଶର ସ୍ୱାର୍ଥକୁ ଦୃଷ୍ଟିରେ ରଖି ତଥା ତାକୁ ସମ୍ମାନ ଜଣାଇ ଭାରତ ବିବାଦ ସୃଷ୍ଟିରୁ ଦୂରେଇ ରହିବା ଆବଶ୍ୟକ ।
ଚୀନ୍‌ର ଏଭଳି ଆପତ୍ତି ଉପରେ ଭାରତର ବିଦେଶ ମନ୍ତ୍ରଣାଳୟ କଡା ପ୍ରତିକ୍ରିୟା ପ୍ରକାଶ କରିଛି । ମନ୍ତ୍ରଣାଳୟ ପକ୍ଷରୁ ଏକ ବିବୃତ୍ତିରେ କୁହାଯାଇଛି ଯେ ଅରୁଣାଚଳ ହେଉଛି ଭାରତର ଅବିଚ୍ଛେଦ୍ୟ ଅଙ୍ଗ । ଏକଥା ଚୀନ୍‌ କର୍ତ୍ତୃପକ୍ଷଙ୍କୁ ଅନେକଥର ଅବଗତ କରାଯାଇଛି । ଅରୁଣାଚଳ ହେଉଛି ଦେଶର ଅନ୍ୟ ରାଜ୍ୟ ଭଳି । ତେଣୁ ଅନ୍ୟ ରାଜ୍ୟକୁ ଯେଭଳି ପ୍ରଧାନମନ୍ତ୍ରୀ କିମ୍ବା ଅନ୍ୟ ନେତାମାନେ ଗସ୍ତ କରନ୍ତି ଠିକ ସେହିଭଳି ଅରୁଣାଚଳକୁ ଗସ୍ତରେ ଯାଇଥାନ୍ତି । ଏଥିରେ ଚୀନ୍‌ ଆପତ୍ତି ଉଠାଇବାର କୌଣସି ଯଥାର୍ଥତା ନାହିଁ । ଭାରତ ଓ ଚୀନ୍‌ ମଧ୍ୟରେ ୩,୪୮୮ କି.ମି. ସୀମା ରହିଛି । ତା’ଛଡା ଅରୁଣାଚଳ ପ୍ରଦେଶକୁ ଚୀନ୍‌ ନିଜର ବୋଲି ଦାବି କରିଆସୁଛି । ସେହି କାରଣରୁ ଭାରତୀୟ ନେତାଙ୍କ ଗସ୍ତ ଉପରେ ଆପତ୍ତି ଉଠାଉଛି । ୧୯୬୨ ପରଠାରୁ ଦୁଇଦେଶ ମଧ୍ୟରେ ସୀମାକୁ ନେଇ ବିବାଦ ଲାଗି ରହିଛି ।
ସୂଚନାଯୋଗ୍ୟ ଯେ ଆଜି ଦିନିକିଆ ଉତ୍ତର-ପୂର୍ବାଞ୍ଚଳ ଗସ୍ତରେ ଯାଇ ପ୍ରଧାନମନ୍ତ୍ରୀ ମୋଦି ଅରୁଣାଚଳ ପ୍ରଦେଶରେ ପ୍ରାୟ ୪ ହଜାର କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦ୍‌ଘାଟନ ଓ ଶିଳାନ୍ୟାସ କରିଛନ୍ତି । ସେ ହୋଲୋଙ୍ଗି ଠାରେ ଗ୍ରୀନ୍‌ଫିଲ୍ଡ ଏୟାରପୋର୍ଟର ଶିଳାନ୍ୟାସ କରିବା ସହ ଲୋହିତ ଜିଲ୍ଲାର ତେଜୁରେ ସମ୍ପ୍ରସାରିତ ବିମାନବନ୍ଦରର ଉଦ୍‌ଘାଟନ କରିଛନ୍ତି । ଏଥିସହ ସେ ଅରୁଣାଚଳ ପ୍ରଦେଶ ପାଇଁ ନୂଆ ଦୂରଦର୍ଶନ ଚ୍ୟାନେଲ ‘ଅରୁଣ ପ୍ରଭା’ର ଶୁଭାରମ୍ଭ କରିଛନ୍ତି । ମୋଦି ଜୋଟ୍‌ଠାରେ ଫିଲ୍ମ ଆଣ୍ଡ ଟେଲିଭିଜନ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଇଣ୍ଡିଆ (ଏଫଟିଆଇଆଇ)ର ଏକ ସ୍ଥାୟୀ କ୍ୟାମ୍ପସର ଶିଳାନ୍ୟାସ କରିବା ସହିତ ୧୧୦ ମେଗାୱାଟ କ୍ଷମତା ସମ୍ପନ୍ନ ପାରେ ଜଳବିଦ୍ୟୁତ ପ୍ରକଳ୍ପକୁ ଦେଶ ଉଦେଶ୍ୟରେ ଉତ୍ସର୍ଗ କରିଛନ୍ତି । ସେହିଭଳି ପ୍ରଧାନମନ୍ତ୍ରୀ ୫୦ଟି ହେଲ୍‌ଥ ଆଣ୍ଡ ୱେଲନେସ ସେଣ୍ଟର ଉଦ୍‌ଘାଟନ କରିଥିବା ଜଣାପଡିଛି ।