ବିଶ୍ବସ୍ଥ କରଦାତାଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ପୁରସ୍କାର, ଆରମ୍ଭ ହେଲା ନୂତନ ଟ୍ୟାକ୍ସ ପ୍ଲାଟଫର୍ମ

ନୂଆଦିଲ୍ଲୀ,୧୩।୮: ବିଶ୍ବସ୍ତ କରଦାତାଙ୍କୁ ପ୍ରୋତ୍ସାହନ ଓ କର ପ୍ରଣାଳୀରେ ପାରଦର୍ଶିତା ବଢାଇବା ପାଇଁ ପ୍ରଧାନମନ୍ତ୍ରୀ ​‌ନରେନ୍ଦ୍ର ମୋଦି ଗୁରୁବାର ଏକ ସ୍ବତନ୍ତ୍ର ଫ୍ଲାଟଫର୍ମ ଆରମ୍ଭ କରିଛନ୍ତି।  ଦେଶର ବିଶ୍ବସ୍ଥ କରଦାତାଙ୍କ ପାଇଁ ‘ପାରଦର୍ଶୀ କରଧନ ବିଶ୍ବସ୍ଥ ସମ୍ମାନ ବା Transparent Taxation – Honoring the Honest) ମଞ୍ଚର ଆରମ୍ଭ କରିଛନ୍ତି।  ଏହି ନୂଆ ସିଷ୍ଟମ ଦ୍ବାରା ଦେଶର କରଦାତାଙ୍କୁ ସୁବିଧା ଦିଆଯିବ। ସେମାନଙ୍କୁ ଇନକମ୍ ଟ୍ୟାକ୍ସ ବିଭାଗର ଚକ୍କର ଲଗାଇବା  ଓ  ବିନା କାରଣରେ ବିବାଦରୁ ମଧ୍ୟ ମୁକ୍ତି ମିଳିଯିବ। ପ୍ରଧାନମନ୍ତ୍ରୀ ମୋଦି ଏହି ମଞ୍ଚକୁ ଲଞ୍ଚ କରି ଗୋଟିଏ ପଟେ ବିଶ୍ବସ୍ଥ ଟ୍ୟାକ୍ସପେୟର୍ସଙ୍କୁ ପ୍ରଶଂସା କରିଥିବା ବେଳେ ଟ୍ୟାକ୍ସ ଦେଉନଥିବା ଲୋକଙ୍କୁ ପରାମର୍ଶ ଦେଇଛନ୍ତି।

ଏହି ଅବସରରେ ପ୍ରଧାନମନ୍ତ୍ରୀ ମୋଦି କହିଛନ୍ତି, ଦେଶ ପରାଧୀନ ଥିବା ସମୟରୁ ନେଇ ଆଜି ପର୍ଯ୍ୟନ୍ତ ଖୁବ୍ ପରିବର୍ତ୍ତନ କରାଯାଇଛି। ଦେଶରେ ଚାଲୁଥିବା Structural Reforms ଆଜି ଏକ ନୂଆ ସ୍ତରରେ ପହଁଞ୍ଚିଛି। ଟ୍ରାନ୍ସପରେଣ୍ଟ ଟ୍ୟାକ୍ସେସନ୍, ଅନରିଂ ଦ ଅନେଷ୍ଟ, ଏକବିଂଶ ଶତାବ୍ଦୀର ଟ୍ୟାକ୍ସ ସିଷ୍ଟମର ଏହି ନୂଆ ବ୍ୟବସ୍ଥା ଆଜି ଲୋକାର୍ପଣ କରାଯାଇଛି। ଏହି ପ୍ଳାଟଫର୍ମରେ Faceless Assessment, Faceless Appeal  ଓ Taxpayers Charter ଭଳି ବହ ରିଫର୍ମସ୍ ରହିଛି।  ଏହା ଦ୍ବାରା ଟ୍ୟାକ୍ସ ଦେବାରେ ସହଜ ହେବ। ଟେକ୍ନିକାଲର ସହାୟତାରେ ଲୋକଙ୍କ ଉପରେ ସେ ଭରସା ରଖାଯିବ।

ପ୍ରଧାନମନ୍ତ୍ରୀ କହିଛନ୍ତି, ୨୦୧୨-୧୩ରେ ଯେତିକି ଟ୍ୟାକ୍ସ ରିଟର୍ନ ହେଉଥିଲା ଓ ଏହାର ସ୍କ୍ରୁଟନୀ ହେଉଥିଲା ତାହାଠାରୁ ମଧ୍ୟ କମ୍ ରହିଛି।   କାରଣ ଆମେ ଟ୍ୟାକ୍ସପେୟର୍ସଙ୍କ ଉପରେ ଭରସା କରିଛୁ।  ଏବେ ବିଶ୍ବସ୍ଥଙ୍କର ସମ୍ମାନ କରାଯିବ, ଜଣେ ବିଶ୍ବସ୍ଥ ଟ୍ୟାକ୍ସପେୟର ରାଷ୍ଟ୍ରନିର୍ମାଣରେ ଭୂମିକା ଗ୍ରହଣ କରିଥାଏ। ଆଜିଠାରୁ ନୂଆ ବ୍ୟବସ୍ଥା ଆରମ୍ଭ ହେଉଛି, ନୂଆ ସୁବିଧା ମିନିମମ୍ ଗର୍ଭମେଣ୍ଟ-ମାକ୍ସିମମ୍ ଗର୍ଭନାନ୍ସକୁ ଆଗକୁ ବଢାଇଥାଏ। ଏହାଦ୍ବାରା ସରକାରଙ୍କ ହସ୍ତକ୍ଷେପ କମ୍ ହୋଇଥାଏ। ଏହି ସମୟରେ ପ୍ରଧାନମନ୍ତ୍ରୀ କହିଛନ୍ତି, ଦେଶର କିଛି ଲୋକଙ୍କ ପାଇଁ ବହୁ ଲୋକ ଅସୁବିଧାର ସମ୍ମୁଖୀନ ହୋଇଥାନ୍ତି।  କିଛି ଲୋକଙ୍କ କାରଣରୁ କୋଟି କୋଟି ବିଶ୍ବସ୍ଥ କରଦାତାଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିଥାଏ। ପୂର୍ବରୁ ୧୦ ଲକ୍ଷ ଟଙ୍କାର ମାମଲା ମଧ୍ୟ କୋର୍ଟ ପଳାଉଥିଲା, କିନ୍ତୁ ଏବେ ହାଇକୋର୍ଟ-ସୁପ୍ରିମକୋର୍ଟ ଯାଉଥିବା ମାମଲାର ସୀମା କ୍ରମଶଃ ୧-୨ କୋଟି ଟଙ୍କା କରିଦିଆଯାଇଛି।

ପ୍ରଧାନମନ୍ତ୍ରୀ ମୋଦି ଟ୍ୟାକ୍ସ ସିଷ୍ଟମରେ ପାରଦର୍ଶିତା ଆସିବା ପାଇଁ ୩ଟି ବଡ ସୁଧାର ଆଣିଥିବା କଥା କହିଛନ୍ତି।  ଏଥିରେ ଫେସଲେସ୍, ଫେସଲେସ୍ ଅପିଲ ଓ ଚାର୍ଟର ରହିଛି। ଯଦି ସହଜର ଶବ୍ଦରେ ବୁଝିବା ତେବେ ଟ୍ୟାକ୍ସପେୟର ଚାର୍ଟର ଏକ ପ୍ରକାର ଲିଷ୍ଟ, ଯେଉଁଥିରେ ଟ୍ୟାକ୍ସପେୟର୍ସଙ୍କ ଅଧିକାର, କର୍ତ୍ତବ୍ୟ ବ୍ୟତୀତ ଟ୍ୟାକ୍ସ ଅଧିକାରୀଙ୍କ ପାଇଁ କିଛି ନିର୍ଦେଶ ରହିବ। ଏହା ଜରିଆରେ କରଦାତା ଓ  ଇନକମ୍ ଟ୍ୟାକ୍ସ ବିଭାଗ ଭିତରେ ବିଶ୍ବାସ ବଢାଇବାର ଚେଷ୍ଟା କରାଯିବ। ଫେସଲେସ୍ ଅପିଲର ସୁବିଧା ଚଳିତ ବର୍ଷ ୨୫ ଡିସେମ୍ବର​‌ରେ ଦୀନ ଦୟାଲ ଉପାଧ୍ୟୟଙ୍କ ଜୟନ୍ତୀ ଅବସରରେ ଆରମ୍ଭ ହେବ। ଏହି ସୁବିଧା ଦ୍ବାରା ଭ୍ରଷ୍ଟାଚାର ଓ ମନମାନୀ ରୋକିବାର ଚେଷ୍ଟା କରାଯିବ।  ଏହା ଅନୁସାରେ ଟ୍ୟାକ୍ସପେୟର୍ସଙ୍କର ଯଦି କୌଣସି ଅଭିଯୋଗ ରହିବ ତେବେ ଚୟନ କରାଯାଇଥିବା ଅଫିସରଙ୍କ ପାଖରେ ଅପିଲ କରିବାର ଅଧିକାର ରହିବ। ସେଭଳି ପୂର୍ବରୁ ସ୍କ୍ରୁଟନି ଥିବା ମାମଲାରେ ଆସେସମେଣ୍ଟ ପକ୍ରିୟା ସମୟରେ କରଦାତାଙ୍କୁ ବହୁବାର ଟ୍ୟାକ୍ସ ଅଧିକାରୀଙ୍କ ନିକଟରେ ଚକ୍କର ଲଗାଇବାକୁ ପଡିଥାଏ। ଏହା ଏକ ପ୍ରକାର ଭ୍ରଷ୍ଟାଚାରର କାରଣ କହିଥାଏ ଓ ବିଶେଷ ଭାବରେ ଅଧିକ ଟଙ୍କା ମାମଲାରେ ଏଭଳି ଅଭିଯୋଗ ଲାଗିଥାଏ। ଲେଣ-ଦେଣ ଜରିଆରେ ମାମଲାର ସମାଧାନର ଚେଷ୍ଟା ହେଉଥିଲ। କିନ୍ତୁ କ୍ୟାସଲେସ୍ ଆସେସମେଣ୍ଟରେ ଏହି ରାସ୍ତା ବନ୍ଦ ହୋଇଯିବ।

   ସମ୍ବନ୍ଧିତ ଖବର


ଟିମ୍‌ ଇଣ୍ଡିଆ ଖେଳାଳି ଆଇପିଏଲରେ ହିରୋ, ଇଣ୍ଟରନ୍ୟାସନାଲ ମ୍ୟାଚରେ ଜିରୋ! ବିରାଟ ବାହିନୀକୁ କାହିଁକି ‘ଠୁ ଓଲ୍ଡ ସ୍କୁଲ’ କହିଲେ ମାଇକେଲ ଭନ୍

ରାଜ୍ୟ ସରକାର ଜାରି କଲେ ଡିସେମ୍ବର ଗାଇଡଲାଇନ୍

Ola-Uber ଉପରେ ସରକାରଙ୍କ କଟକଣା, ଆଉ ନେଇ ପାରିବେନି ଅଧିକ ଭଡ଼ା

ଏବେ ବାହନ ପଞ୍ଜୀକରଣ ବେଳେ ନୋମିନିଙ୍କ ନାଁ ଦେବାକୁ ପଡିବ, କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରାଳୟର ପ୍ରସ୍ତାବ

PNB ଗ୍ରାହକଙ୍କ ପାଇଁ ଜରୁରୀ ସୂଚନା : ୧ ଡିସେମ୍ୱରରୁ ବଦଳିବ ଟଙ୍କା ଉଠାଇବାର ନିୟମ

ଚୀନ୍‌ର ଚୋରପଣ- କହିଲା ଭାରତରୁ ବ୍ୟାପିଛି କରୋନା ଭାଇରସ୍‌