ଭୋପାଳ- ଶିଖ୍‌ ଯୁବକଙ୍କ ଚୁଟି ଧରି ଘୋଷାଡିବା ଘଟଣାରେ ୨ ପୁଲିସ ଅଧିକାରୀ ନିଲମ୍ବିତ

ଭୋପାଳ- ମଧ୍ୟ ପ୍ରଦେଶର ବାରଓ୍ୱାନିରେ ଜଣେ ଶିଖ୍‌ ଯୁବକଙ୍କ ଚୁଟି ଧରି ଘୋଷଣାଡିବା ଘଟଣାରେ ଦୁଇଜଣ ପୁଲିସ ଅଧିକାରୀ ନିଲମ୍ବିତ ହୋଇଛନ୍ତି । ଏକ ଭିଡିଓରେ ଜଣେ ପୁଲିସ ଅଧିକାରୀ ଶିଖ୍‌ ଯୁବକଙ୍କର ଚୁଟି ଧରି ଘୋଷାଡୁଥିବାର ଭିଡିଓ ଭାଇରାଲ୍‌ ହୋଇଥିଲା । ୫୦ ସେକେଣ୍ଡରେ ଏହି ଭିଡିଓରେ ପୁଲିସ ଅଧିକାରୀ ଏବଂ ଶିଖ୍‌ଯୁବକଙ୍କ ମଧ୍ୟରେ କୌଣସି ଏକ ଘଟଣାକୁ ନେଇ ଯୁକ୍ତି ତର୍କ ଲାଗିଥିବା ଦେଖିବା ପାଇଁ ମିଳିଥିଲା । ସେ ରାସ୍ତାପାର୍ଶ୍ୱରେ ଏକ ଷ୍ଟଲ୍‌ ତିଆରି କରୁଥିବା ନେଇ ପୁଲିସ କର୍ମଚାରୀ ଏବଂ ଯୁବକଙ୍କ ମଧ୍ୟରପେ ଯୁକ୍ତି ତର୍କ ଚାଲିଥିଲା । ଏବି ସମୟରେ ପ୍ରେମ ସଂହଙ୍କୁ ପୁଲିସ ଅଧିକାରୀ ଜଣଙ୍କ ଚୁଟି ଧରି ଘୋଷାଡି ଥିଲେ । ପରେ ତାଙ୍କୁ ରକ୍ଷା କରିବା ପାଇଁ ଆସୁଥିବା ଆଉ ଜଣଙ୍କୁ ମଧ୍ୟ ପୁଲିସ ଅଧିକାରୀ ଧକ୍କା ମାରିଥିଲେ। ସେ ଭିଡର ଲୋକଙ୍କୁ ସାହାଯ୍ୟ କରିବା ପାଇଁ କହିଥିଲେ ।

ଷ୍ଟଲ୍‌ ପାଇଁ ପୁଲିସ ଲାଞ୍ଚ ମାଗିବା ସହ ସେମାନଙ୍କୁ ପୁଲିସ ମାରଧର କରୁଥିବା ଯୁବକ ଜଣଙ୍କ ଅଭିଯୋଗ କରିଥିଲେ । ମଧ୍ୟପ୍ରଦେଶ କଂଗ୍ରସ ମୁଖପାତ୍ର ନରେନ୍ଦ୍ର ସାଲୁଜା ଏହି ଭିଡିଓକୁ ଟ୍ୱିଟ୍‌ କରିଛନ୍ତି । ସେ ଏହି ଘଟଣାରେ ତଦନ୍ତ ଦାବି କରିଥିଲେ । ଏହି ଘଟଣା ପାଇଁ ଦୁଇ ଜଣ ପୁଲିସ ଅଧିକାରୀ ଏବଂ କର୍ମଚାରୀଙ୍କୁ ନିଲମ୍ବିତ କରାଯାଇଥିବା ବରଓ୍ୱାନିର ଏସ୍‌ପି ସୂଚନା ଦେଇଛନ୍ତି । ଏହା ସହ ମଧ୍ୟପ୍ରଦେଶ ଗୃହମନ୍ତ୍ରୀ ଡକ୍ଟର ନରୋତ୍ତମ ମିଶ୍ର ମଧ୍ୟ ଏହି ଘଟଣା ପାଇଁ ଦୁଃଖ ପ୍ରକାଶ କରିବା ସହ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ସୂଚନା ଦେଇଛନ୍ତି ।

ବରଓ୍ୱାନୀର ଏସ୍‌ପି ନିମିଷ ଅଗ୍ରଓ୍ୱାଲ ଏହି ଘଟଣାର ତଦନ୍ତ ନିର୍ଦେଶ ଦିଆଯାଇଥିବା ସୂଚନା ଦେଇଛନ୍ତି । ହେଲେ ଏହି ଯୁବକ ଜଣଙ୍କ ତିନୋଟି ଚୋରି ମାମଲାରେ ସମ୍ପୃକ୍ତ ଥିବା କଥା ସେ ପ୍ରକାଶ କରିଛନ୍ତି । ଏହି ଯୁବକ ଜଣଙ୍କ ଗୋଟିଏ ମଟର ସାଇକେଲ୍‌ରେ ଯାଉଥିଲା , ତାହାର ଡ୍ରାଇଭିଂ ଲାଇସେନ୍ସ ନଥିଲା । ପୁଲିସ ଅଟକାଇବାରୁ ଯୁକ୍ତି ତର୍କ କରୁଥିଲା ବୋଲି ଏସ୍‌ପି କହିଛନ୍ତି । ନିଶାଗ୍ରସ୍ତ ଅବସ୍ଥାରେ ସେ ପୁଲିସ ସହ ଯୁକ୍ତି ତର୍କ କରୁଥିଲା ବୋଲି ଏସ୍‌ପି ସୂଚନା ଦେଇଛନ୍ତି ।

   ସମ୍ବନ୍ଧିତ ଖବର


୧୩ ବର୍ଷିୟା ନାବାଳିକାଙ୍କୁ ନିଶା ଦେଇ ଗଣଦୁଷ୍କର୍ମ – ୨ ଗିରଫ

୧୧୦ ଜଣ ଶ୍ରମିକଙ୍କୁ ଗଳାକାଟି ହତ୍ୟା କଲେ ବୋକୋ ହରାମ ଆତଙ୍କବାଦୀ,ମହିଳାଙ୍କୁ ଉଠାଇ ନେଲେ

ପାକ୍‌ ଅଧିନାୟକ ବାବରଙ୍କ ବଢ଼ିଲା ଅଡୁଆ, ପୀଡ଼ିତା ମହିଳା ଆଣିଲେ ପ୍ରତାରଣା ଓ ନିର୍ଯାତନା ଅଭିଯୋଗ

ଯୁବ ଇଂଜିନିୟର୍‌ଙ୍କୁ ମହଙ୍ଗା ପଡ଼ିଲା ଏକତରଫା ପ୍ରେମ: ଯୁବତୀଙ୍କ ହଷ୍ଟେଲ୍‌ ସମ୍ମୁଖରେ ହାଲ୍ଲାବୋଲ କରିବାରୁ ନିସ୍ତୁକ ଛେଚିଲେ ଦେଖଣାହାରୀ

ତୃତୀୟ ଥର ବି ଝିଅ ଜନ୍ମହେଲା, ରାଗରେ ନବଜାତ ଶିଶୁ କନ୍ୟାକୁ ପାଣିରେ ବୁଡାଇ ମାରିଦେଲା ମା’

ଡି’ବ୍ରଦର୍ସର ପ୍ରମୁଖ ସହଯୋଗୀ ଭାରତ ସ୍ୱାଇଁକୁ ତଡ଼ିପାର୍‌ କଲା ପୁଲିସ, ୩ ମାସ ଯାଏଁ କଟକ କମିସନ୍‌ରେଟ୍‌ ଅଞ୍ଚଳରେ ପଶିପାରିବନି