ଏଥର ଚାନ୍ଦା ମାଗିଲେ ବନ୍ଧା ହେବେ

ଭୁବନେଶ୍ୱର ୨୫/୮: ପୂଜା କମିଟି ସଦସ୍ୟ ଜୋର ଜବରଦସ୍ତି ଚାନ୍ଦା ମାଗିଲେ ବନ୍ଧା ହେବେ । ଏନେଇ ଖୁବ୍‌ଶୀଘ୍ର ସମସ୍ତ ପୂଜା ମଣ୍ଡପ କମିଟିକୁ ଜଣାଇ ଦିଆଯିବ । ଯଦି କାହା ନାଁରେ ଜବରଦସ୍ତ ଚାନ୍ଦା ଆଦାୟ ଅଭିଯୋଗ ଆସିଲା ତେବେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଡିସିପି ଅନୁପ ସାହୁ କହିଛନ୍ତି ।

ଆରମ୍ଭ ହେଲାଣି ପାର୍ବଣ ୠତୁ । ଗଣେଶ ପୂଜା ପାଇଁ ଏବେ ମଣ୍ଡପର କର୍ମକର୍ତ୍ତାମାନେ ଜୋର ଜବରଦସ୍ତି ଚାନ୍ଦା ଆଦାୟରେ ଲାଗି ପଡିଛନ୍ତି । ବର୍ତ୍ତମାନ ସୁଦ୍ଧା ୧୨୦ଟି ଗଣେଶ ପୂଜା କମିଟି କମିଶନରେଟ୍‌ ପୁଲିସ୍‌ର ଲାଇସେନ୍ସ ସେଲ୍‌ରେ ଆବେଦନ କରି ସାରିଲେଣି । ଆଉ କିଛି ଆବେଦନ କରିବେ । ତେବେ ଏସବୁ ପୂଜା କମିଟିର କର୍ମକର୍ତ୍ତାମାନେ ଉଠା ଦେକାନି ଠାରୁ ୫ ଶହରୁ ୧ ହଜାର ଓ ସ୍ଥାୟୀ ଦୋକାନୀଙ୍କ ଠାରୁ ୨ରୁ ୫ ହଜାର ଟଙ୍କା ଚାନ୍ଦା ଫିକ୍ସି କରିଥିବା ଅଭିଯୋଗ ହେଉଛି । କେହି ଯଦି ଦେବାକୁ ମନା କରୁଛି ତାଙ୍କୁ ଧମକ ମିଳୁଛି । ଘର ଘର ବୁଲି ଏବଂ ବାଟରେ ଗାଡ଼ି ଅଟକାଇ ମଧ୍ୟ ଚାନ୍ଦା ଆଦାୟ କରୁଛନ୍ତି ।

ଏହାକୁ ଦୃଷ୍ଟିରେ ରଖି କମିଶନରେଟ୍‌ ପୁଲିସ୍‌ ଏକ ନିର୍ଦ୍ଦେଶନାମା ଜାରି କରିଛି । ଏଭଳି କରୁଥିବା ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହାଛଡା ପୂଜା ସମୟରେ ସହର ଭିତରେ ଭାରି ଯାନ ପ୍ରବେଶ ଓ ୬୫ ଡେସିବଲ୍‌ରୁ ଅଧିକ ଜୋର୍‌ରେ ଡିଜି ବଜାଇବା ନିଷିଦ୍ଧ କରାଯାଇଛି । ଭାରି ଯାନ ଯାତାୟାତ ପାଇଁ ରୁଟ୍‌ ମ୍ୟାପ୍‌ ପ୍ରସ୍ତୁତ କରାଯାଇଛି ।

ଶ୍ରୀ ସାହୁ କହିଛନ୍ତି, ଯଦି କେହି ଜୋର ଜବରଦସ୍ତି ଚାନ୍ଦା ଆଦାୟ କରୁଛନ୍ତି ତେବେ ତୁରନ୍ତ ଥାନାରେ ଜଣାନ୍ତୁ । ପୁଲିସ୍‌ କାର୍ଯ୍ୟାନୁଷ୍ଠାନ ଗ୍ରହଣ କରିବ । ସେପଟେ ଗଣେଶ ପୂଜା ସୁରକ୍ଷାକୁ କମିଶନରେଟ୍‌ ପୁଲିସ୍‌ ଅଧିକ ଗୁରୁତ୍ୱ ଦେଇଛି । ୧୫ ପ୍ଲାଟୁନ ଫୋର୍ସର ବ୍ୟବସ୍ଥା ହୋଇଛି । ଜଟଣୀ ପାଇଁ ୧୨ ପ୍ଲାଟୁନ୍‌ ଓ ଭୁବନେଶ୍ୱର ପାଇଁ ୩ ପ୍ଲାଟୁନ ପୁଲିସ୍‌ ଫୋର୍ସ ବ୍ୟବସ୍ଥା କରାଯାଇଛି ।

   ସମ୍ବନ୍ଧିତ ଖବର


ବୋଲେରୋ ଭିତରେ ଯୁବତୀଙ୍କୁ ଗଣଦୁଷ୍କର୍ମ ଘଟଣାର ପର୍ଦ୍ଦାଫାର୍ଶ: ୩ ଅଭିଯୁକ୍ତଙ୍କୁ ବାନ୍ଧିଲା ପୁଲିସ,ପୁରୁଷ ବନ୍ଧୁଙ୍କ ନାଁରେ ମାମଲା ରୁଜୁ

କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀଙ୍କୁ କରୋନା

କରୋନା – ଆଜି ସୁସ୍ଥ ହେଲେ ୪୩୮୮

ସମ୍‌ରେ ସଫଳ କିଡ୍‌ନୀ ପ୍ରତିରୋପଣ – ରୋଗୀଙ୍କୁ ଉତ୍କୃଷ୍ଟ ସେବା ଯୋଗାଉଛି ସମ୍ ଅଲ୍ଟିମେଟ୍ ମେଡିକେୟାର

ଭୁବନେଶ୍ୱରରେ ପିସ୍ତଲ ଡିଲ୍‌ର ପର୍ଦ୍ଦାଫାସ : ସ୍କର୍ପିଓରୁ ଉଦ୍ଧାର ହେଲେ କଲଗାର୍ଲ !

ରାଜଧାନୀରେ ବନ୍ଧୁକ ଡିଲ୍‌ ବେଳେ ମହିଳା ସମେତ ୩ ଗିରଫ, ଖସିଗଲେ ବିକିବାକୁ ଆସିଥିବା ବ୍ୟବସାୟୀ