PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ହାଇକୋର୍ଟ ରହିତାଦେଶକୁ ଅବଜ୍ଞା, ଦୋକାନ ଭାଙ୍ଗିଲେ, ଅଭିଯୁକ୍ତ ଜେଲ ଗଲା

ବାରଙ୍ଗ,୨୮ା୧(ଆ.ପ୍ର.): ଚନ୍ଦ୍ରଶେଖରପୁର ଥାନା ପୁଲିସ ଗତ ୨୬ ତାରିଖରେ ଜଣେ ଚିକେନ ଦୋକାନୀଙ୍କ ଭାଇ ନିରଞ୍ଜନ ସାହୁଙ୍କୁ ଦାଦା ବଟି ଆଦାୟ ଅଭିଯୋଗରେ ଗିରଫ କରି ଜେଲ୍‌ ପଠାଇଛି । ଶୈଳଶ୍ରୀ ବିହାର ରାସ୍ତା କଡରେ ଥିବା ଚିକେନ ଦୋକାନକୁ ଉଠାଇବା ପାଇଁ ଗତ କିଛିମାସ ହେଲା ଚିକେନ ଦୋକାନୀଙ୍କ ସହ ଜଣେ ବିଲଡରଙ୍କ ମଧ୍ୟରେ ବିବାଦ ଉପୁଜି ଥିଲା। ଏହିି ବିବାଦ ହାଇକୋଟରେ ବିଚାର ଚାଲିଥିଲା । ବିବାଦୀୟ ସ୍ଥାନରେ ନିର୍ମାଣ କାର୍ଯ୍ୟ ନ କରିବାକୁ ଚଳିତ ମାସ ୧୮ରେ ହାଇକୋର୍ଟ ରହିତା ଦେଶ ଜାରି କରିଥିଲେ । ଏହା ସତ୍ତେ୍ୱ ବିଏମସି ଏବଂ ପୁଲିସ ଉକ୍ତ ବିବାଦୀୟ ସ୍ଥାନରେ ଥିବା ଚିକେନ କୋକାନକୁ ଗତ ସପ୍ତାହରେ ଭାଙ୍ଗି ଦେଇ ଥିଲେ । ୨୬ରେ ଉକ୍ତ ସ୍ଥାନରେ ପୁଲିସ ଉପସ୍ଥିତିରେ ବିଲିଡର ପାଚେରୀ ନିର୍ମାଣ କରୁ ଥିବା ବେଳେ ନିରଞ୍ଜନ ଏହାର ପ୍ରତିବାଦ କରିଥିଲେ । ପୁଲିସକୁ ନିରଞ୍ଜନ ରହିତାଦେଶ ଦେଖାଇ ନିର୍ମାଣ କାମ ବନ୍ଦ କରିବା ପାଇଁ କହିଥିଲେ । ମାତ୍ର ଏଥିରେ ପୁଲିସ କ୍ଷୁବ୍ଧ ହୋଇ ନିରଞ୍ଜନକୁ ଥାନାକୁ ନେଇ ତାଙ୍କ ନାମରେ ମିଥ୍ୟା ମାମଲା ରୁଜୁ କରି ରାତାରାତି ଜେଲ୍‌ ପଠାଇ ଥିବା ଚିକେନ ଦୋକାନୀ ମନୋଜ ସାହୁ ଅଭିଯୋଗ ଆଣିଛନ୍ତି ।
ସୂଚନା ମୁତାବକ ଚନ୍ଦ୍ରଶେଖରପୁର ମୌଜା ପ୍ଲଟ ନଂ ୨୩୨ ଯାହା କି ସାବିତ୍ରୀ ରାଉତ ଏବଂ ଜୟନ୍ତୀ ରାଉତ ଙ୍କ ନାମରେ ଥିଲା । ସେ କେତେକ ସବ ପ୍ଲଟ କରି ସମ୍ପୃକ୍ତ ବିଲିଡର ସମେତ କିଛି ଲୋକଙ୍କୁ ବିକ୍ରି କରିଛନ୍ତି । ଏହାକୁ ଲାଗି ଥିବା ଶୈଳଶ୍ରୀ ବିହାର ମୁଖ୍ୟ ରାସ୍ତାର କିଛି ବଳକା ସରକାରୀ ଜମି ଉପରେ ମନୋଜ ଚିକେନ ଦୋକାନ କରିଥିଲେ । ଏହାକୁ କେନ୍ଦ୍ରକରି ମନୋଜ ଏବଂ ବିଲଡର ମଧ୍ୟରେ ବିବାଦ ଉପୁଜିଥିଲା । ଗତ ନଭେମ୍ବର ୨୮ରେ ମନୋଜଙ୍କ ଦୋକାନ ଉପରକୁ ଦୁଇଟି ବୋମା ମାଡ ହୋଇ ଥିଲା । ‘ବିବାଦ ଚାଲିଥିବା ବେଳେ ପୁଲିସ ନିରଞ୍ଜନଙ୍କୁ ଯୋଜନାବଦ୍ଧ ଭାବେ ଦାଦାବଟି ମାମଲା ରୁଜୁ କରି ଜେଲ୍‌ ପଠାଇଛନ୍ତି । ଏହାର ବିଧିବଦ୍ଧ ତଦନ୍ତ କରାଯିବା ପାଇଁ ମନୋଜ ଦାବି କରିଛନ୍ତି’ । ଏ ସମ୍ପର୍କରେ ଥାନା ଅଧିକାରୀଙ୍କୁ ପଚାରିବାରେ ସେ କହିଥିଲେ ‘ଅଭିଯୋଗ ଆଧାରରେ ପୁଲିସ ଦୁଇ ଜଣଙ୍କୁ ଖୋଜୁ ଥିଲେ, ଜଣଙ୍କୁ ଗିରଫ କରାଯାଇଛି ଅନ୍ୟ ଜଣେ ଫେରାର ଅଛନ୍ତି । ମନୋଜଙ୍କ ନାମରେ ଗାଡି ପୋଡି ମାମଲା ପୂର୍ବରୁ ଥିଲା, ସେ ଜେଲ ଯାଇଥିଲା । ଜଣଙ୍କ ଘରୋଇ ଜମି ସାମନାରେ ଥିବା ସରକାରୀ ଏବଂ କିଛି ଘରୋଇ ଜମିକୁ ଦୀର୍ଘ ବର୍ଷ ଧରି କକୁଡା ଦୋକାନ କରି ମାଡି ବସିଥିଲା । ଏଠାରୁ ହଟିବା ପାଇଁ ଜମି ମାଲିକ ଠାରୁ ୫ ଲକ୍ଷ ନେଇ ଆହୁରି ୨୦ ଲକ୍ଷ ମାଗୁ ଥିଲା’ ।