PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ଥାନାରେ ପଶି ପୁଲିସ ମୁଣ୍ଡ ଫଟାଇଲେ

ଭୁବନେଶ୍ୱର,୩ ।୩(ବ୍ୟୁରୋ): କମିଶନରେଟ୍‌ ପୁଲିସରେ ଅଜବ ଘଟଣା ଦେଖିବାକୁ ମିଳିଛି । ଥାନା ଭିତରେ ପଶି ଆଇଆଇସିଙ୍କୁ ପିଟିବା ସହ ଜଣେ ଏଏସ୍‌ଆଇଙ୍କ ମୁଣ୍ଡ ଫଟାଇ ଦେଇଛନ୍ତି ଦୁର୍ବୃତ୍ତ । ଖାଲି ଏତିକିରେ କଥା ସରିନି । ଥାନା ଭିତରେ ଥିବା ଚେୟାର ଟେବୁଲ ଓ ଟିଭି ଭଂଗାରୁଜା କରିବା ସହ ଅନ୍ୟ କର୍ମଚାରୀଙ୍କୁ ବି ଗୋଡ଼ାଇ ଗୋଡ଼ାଇ ପିଟିଛନ୍ତି । ଏହି ଘଟଣା ଘଟିଛି ରାଜ୍ୟର ବେଷ୍ଟ ପୁଲିସ ଏରିଆ କହୁଥିବା ସହିଦନଗର ଥାନାରେ ।
ଆତଙ୍କ ଖେଳାଇଥିବା ବ୍ୟକ୍ତିମାନେ ହେଉଛନ୍ତି ଏକ ସରକାରୀ ଶିକ୍ଷାନୁଷ୍ଠାନର କିଛି ଛାତ୍ର, କୁଜି ନେତା ଓ ପଥରବନ୍ଧ ବସ୍ତିର କିଛି ଯୁବକ । ଏହି ଘଟଣାରେ ପୁଲିସ ଏପର୍ଯ୍ୟନ୍ତ କାହାରିକୁ ଗିରଫ କରିପାରିନାହିଁ । ଏବେ ପୁଲିସ ସାହାଯ୍ୟ ଖୋଜୁଛି ପୁଲିସର ।
ଥାନାରୁ ମିଳିଥିବା ସୂଚନା ମୁତାବକ, ଭିଏସଏସ ନଗର ଡିଏଲ କଲୋନୀରେ ଗାଡ଼ି ସାଇଡ ମରାକୁ କେନ୍ଦ୍ର କରି ୩ ଯୁବକଙ୍କ ସହ କିଛି ଛାତ୍ର ଓ ପଥରବନ୍ଧ ବସ୍ତିର କିଛି ପିଲାଙ୍କର ପାଟିତୁଣ୍ଡ ହୋଇଥିଲା । ଛାତ୍ରମାନେ ପିସିଆରକୁ ଫୋନ କରିଥିଲେ । ପିସିଆର ସଂଗେ ସଂଗେ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ୩ ଜଣଙ୍କୁ ଥାନାକୁ ଆଣୁଥିଲା । ପୁଲିସ ପଛେ ପଛେ ଛାତ୍ର ଓ ପଥରବନ୍ଧ ବସ୍ତିର ଯୁବକମାନେ ଥାନାରେ ପହଞ୍ଚିଥିଲେ । ଆଉ କିଛି ଛାତ୍ରଙ୍କୁ ମଧ୍ୟ ସେମାନେ ଫୋନ କରି ଡାକି ଦେଇଥିଲେ । ପିସିଆର ଭ୍ୟାନ ଥାନାରେ ପହଞ୍ଚିବା ପୂର୍ବରୁ ଥାନା ସମ୍ମୁଖରେ ପହଞ୍ଚି ଯାଇଥିଲେ, ଛାତ୍ର, ଅଣଛାତ୍ର ଓ କିଛି ଗୁଣ୍ଡାଶ୍ରେଣୀୟ ବ୍ୟକ୍ତି । ଏହି ସମୟରେ ସେମାନେ କହିଥିଲେ, ଜେଲ ଯିବା ପୂର୍ବରୁ ଆମେ ଅଭିଯୁକ୍ତକୁ ଉଚିତ ଶିକ୍ଷା ଦେବୁ । ଏହି ସମୟରେ ପିସିଆର ଧରି ଆଣିଥିବା ୩ ଯୁବକଙ୍କୁ ଥାନା ଭିତରେ ଦୁର୍ବୃତ୍ତମାନେ ନିର୍ଘାତ ମାଡ଼ ମାରିଥିଲେ । ୩ ଯୁବକଙ୍କର ମୁଣ୍ଡ ଫାଟିବା ସହ ଗୋଡ଼ ଭାଂଗିଥିଲା । ପିଠିରେ ବି ନୋଳା ଫାଟିଲା ।
କାର୍ଯ୍ୟରତ ଥିବା ଏଏସ୍‌ଆଇ ଡିସିଓ ଅଭୟ ରାଉତ(୪୯) ପ୍ରଥମେ ଏହାକୁ ବିରୋଧ କରିଥିଲେ । ସେତେବେଳକୁ ୩ ଯୁବକ ଥାନା ଭିତରେ ରକ୍ତାକ୍ତ ଅବସ୍ଥାରେ ପଡି ରହିଥିଲେ । ସଂଗେ ସଂଗେ ଆଉ କିଛି ଯୁବକ ଆସି ଥାନାରେ ପହଞ୍ଚିଥିଲେ । ବାସ୍‌ ମାମଲା ଏଥର ଉଗ୍ର ରୂପ ନେଲା । ଏଥିରେ ଉତ୍ତ୍ୟକ୍ତ ହୋଇ ଯୁବକମାନେ ଥାନାର ଏଏସ୍‌ଆଇଙ୍କୁ ଥାନା ଭିତରେ ଧକ୍କା ମାରିଥିଲେ । ପୋଷାକରେ ଥିବା ଏଏସ୍‌ଆଇ ଏହାକୁ ବିରୋଧ କରିଥିଲେ ।
ତା’ପରେ ଆରମ୍ଭ ହୋଇଗଲା ଯୁବକଙ୍କ ଆତଙ୍କରାଜ୍‌ । ପାଟି ଶୁଣି ବାହାରି ଆସିଲେ ଆଇଆଇସି । ଆଇଆଇସିଙ୍କୁ ଦୁର୍ବୃତ୍ତମାନେ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ତାଙ୍କୁ ମାଡ଼ ମାରିଥିଲେ । ଏହା ଦେଖି ଥାନାର ଅନ୍ୟ କର୍ମଚାରୀମାନେ ପ୍ରତିବାଦ କରିଥିଲେ । ପ୍ରତିବାଦ ଦେଖି ସଂଘବଦ୍ଧ ହୋଇ ପ୍ରାୟ ୨୦ ଜଣ ଯୁବକ ଥାନାରେ ଥିବା ଚେୟାର, ଟେବୁଲ ଓ ଟିଭି ଭାଂଗିବା ସହ ଏଏସ୍‌ଆଇଙ୍କ ମୁଣ୍ଡ ଫଟାଇ ଦେଲେ ।
ଏତିକିରେ ସେମାନଙ୍କ ରାଗ ଥଣ୍ଡା ହୋଇନଥିଲା । ଥାନାରେ ଯାହାକୁ ପାଇଲେ ଗୋଡ଼ାଇ ପିଟିଲେ । ପୁଲିସ କ’ଣ କରିବ କିଛି ଜାଣି ପାରିଲା ନାହିଁ । ଏଭଳି ଆତଙ୍କରାଜ୍‌ ଦେଖି ପୁଲିସ ଭୟରେ ଥରିଥିଲା । ସ୍ଥିତି ଖରାପ ହେବା ଦେଖି ଘଟଣାସ୍ଥଳରୁ ଦୁର୍ବୃତ୍ତମାନେ ଚମ୍ପଟ ମାରିଥିଲେ । ଲହୁଲୁହାଣ ହୋଇଥିବା ୫ ପୁଲିସ ଅଧିକାରୀଓ ଆତ ୩ ଯୁବକଙ୍କୁ ସଂଗେ ସଂଗେ କ୍ୟାପିଟାଲ ହସପିଟାଲରେ ଭର୍ତ୍ତି କରାଯାଇଥିଲା । ଅନ୍ୟପକ୍ଷରେ ଏଏସଆଇ ଶ୍ରୀ ରାଉତଙ୍କ ମୁଣ୍ଡରେ ୫ଟି ଷ୍ଟିଚ ପଡିଛି । ତାଙ୍କୁ ପରେ ପରେ ଏକ ଘରୋଇ ହସପିଟାଲରେ ଭର୍ତ୍ତି କରାଯାଇଛି । ଏଠାରେ ପ୍ରଶ୍ନ ଉଠୁଛି ଯେଉଁଠି ପୁଲିସ ନିଜକୁ ସୁରକ୍ଷା ଦେଇପାରୁନାହିଁ, ସେଠି ସାଧାରଣ ଜନତା କେତେ ସୁରକ୍ଷିତ? ବଡ଼ କଥା ହେଲା ଆକ୍ରମଣକାରୀ ହେଉଛନ୍ତି ସହିଦନଗର ଥାନା ପୁଲିସର ଅତି ଖାସ୍‌ । ସେମାନଙ୍କୁ ସବୁ ବେଳେ ଆଇଆଇସି ଓ ଏସିପି ପାଖରେ ବସାଇ ଖଟି କରନ୍ତି ତ’ ଆଉ କେତେବେଳେ ଥାନା ପଛରେ ମଦର ଆସର ଜମାନ୍ତି । ଏବେ ଦେଖିବାକୁ ବାକି ରହିଲା ଯେ ଆକ୍ରମଣକାରୀଙ୍କ ବିରୋଧରେ ପୁଲିସ କି କାର୍ଯ୍ୟାନୁଷ୍ଠାନ ନେଉଛି ନା ମାମଲାକୁ ସବୁ ଘଟଣା ଭଳି ରଫାଦଫା କରୁଛି ।