PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଦଳିଲେ ବିଏମସି କମିଶନର, ସଞ୍ଜୟ କୁମାର ସିଂହ ହେଲେ ନୂଆ କମିଶନର
  • ||
  • ବିନିକା : ପରିବା ବୋଝେଇ ପିକଅପ ଭ୍ୟାନକୁ ପିଟିଲା ଟ୍ରକ୍, ୩ ଗୁରୁତର
  • ||
  • ରାଜସୁନାଖଳା : ବନ୍ଧୁକ ମୁନରେ ଦମ୍ପତିଙ୍କୁ ଲୁଟ୍
  • ||
  • କେନ୍ଦୁଝର : କେନ୍ଦୁଝର ଜେଲରେ ପଶିଲା କରୋନା, ୯ କଏଦୀ ପଜିଟିଭ ଚିହ୍ନଟ
  • ||
  • ମାଲକାନଗିରି : ମାଓବାଦୀଙ୍କ ବର୍ବରକାଣ୍ଡ, ଯବାନଙ୍କୁ ଗଳାକାଟି ହତ୍ୟା
  • ||
  • ବୋରିଗୁମ୍ମା : ବୋରିଗୁମ୍ମା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଟିକା ନେବାକୁ ଛକାପଞ୍ଝା, ସାମାଜିକ ଦୂରତାକୁ ଫୁ, ଯେତିକି ଆସୁଛି ଅଣ୍ଟୁନି, ସ୍ଥାନୀୟ ଲୋକେ ଅସନ୍ତୋଷ
  • ||
  • ଭୁବନେଶ୍ଵର : ରାଜ୍ୟରେ ପୁଣି ୧୦ ହଜାର ଟପିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୦ ହଜାର ୯୮୨ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୬୫ ହଜାର ପାର୍
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୭ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୨୩୨କୁ ବୃଦ୍ଧି
  • ||

ଝଗଡ଼ା ତୁଟାଇବାକୁ ଯାଇଥିବା ପୁଲିସକୁ ଆକ୍ରମଣ: ଜଣେ ଗିରଫ, ୩ ଫେରାର୍‌

source:www.deccanherald.com

ଭୁବନେଶ୍ୱର,୨୫ ।୨(ବ୍ୟୁରୋ): ଝଗଡ଼ା ତୁଟାଇବାକୁ ଯାଇଥିବା ପିସିଆର କର୍ମଚାରୀଙ୍କୁ କିଛି ଉତ୍ତ୍ୟକ୍ତ ଜନତା ଆକ୍ରମଣ କରିଛନ୍ତି । ଖଣ୍ଡଗିରି ଥାନା ପୁଲିସ ଜଣେ ଆକ୍ରମଣକାରୀଙ୍କୁ ଗିରଫ କରିଛି । ସେ ହେଲେ ଶିରିପୁର ଅଞ୍ଚଳର ଜେ. ପ୍ରଧାନ । ଏହି ଘଟଣାରେ ସଂପୃକ୍ତ ଅନ୍ୟ ୩ଜଣ ଆକ୍ରମଣକାରୀଙ୍କୁ ଧରିବାକୁ ଖଣ୍ଡଗିରି ଥାନା ପୁଲିସ୍‌ ତନାଘନା ଚଳାଇଛି । ଏ ସମ୍ପର୍କରେ ପିସିଆର ନମ୍ବର -୨୮ର ଏସ୍‌ଡିଓ ତଥା ଅବସରପ୍ରାପ୍ତ ଏଏସ୍‌ଆଇ ପ୍ରଦୀପ କୁମାର ନନ୍ଦ ଥାନାରେ ଏତଲା ଦେଇଛନ୍ତି ।
ପୁଲିସ୍‌ ରିପୋର୍ଟ ମୁତବାକ, ଗତକାଲି ରାତିରେ ଶିରିପୁର ନିକଟସ୍ଥ ସିଟି ଓମେନ୍ସ କଲେଜ ନିକଟରେ କୌଣସି କାରଣରୁ ଦୁଇ ଗୋଷ୍ଠୀ ମଧ୍ୟରେ ମାରପିଟ୍‌ ଚାଲିଥିଲା । ଜରୁରିକାଳୀନ ସେବା-୧୦୦ରୁ ଖବର ପାଇ ପିସିଆର-୨୮ ଘଟଣାସ୍ଥଳରେ ପହଞ୍ଚିଥିଲା । ଉଭୟ ପକ୍ଷକୁ ଝଗଡ଼ା ନ କରିବା ପାଇଁ ବୁଝାଇଥିଲେ । ତଥାପି ଉତ୍ତେଜନା ନ କମିବାରୁ ପ୍ରଦୀପ କିଛି ଲୋକଙ୍କୁ ତାଗିଦ୍‌ କରିଥିଲେ । ଯାହାକି, ତାଙ୍କୁ ମହଙ୍ଗା ପଡ଼ିଥିଲା । ଗୋଟିଏ ଗୋଷ୍ଠୀ ପକ୍ଷରୁ ଜେ ପ୍ରଧାନ ଓ ଅନ୍ୟ ୩ ଅଭିଯୁକ୍ତ ପ୍ରଦୀପଙ୍କୁ ଆକ୍ରମଣ କରିଥିଲେ । ଏପରିକି ତାଙ୍କୁ ଘଟଣାସ୍ଥଳରୁ ପଳାଇବା ପାଇଁ ଧମକାଇଥିଲେ । ପରିସ୍ଥିତି ଉତ୍ତେଜନାପୂର୍ଣ୍ଣ ହୋଇଥିଲା । ଘଟଣାସ୍ଥଳରେ ଅନ୍ୟ ଏକ ପିସିଆର ଭ୍ୟାନ ପହଞ୍ଚିବାରୁ ଦୁଇ ଗୋଷ୍ଠୀ ଖସି ପଳାଇଥିଲେ । ହେଲେ ପ୍ରଦୀପ ଜେ ପ୍ରଧାନଙ୍କୁ କାବୁ କରିନେଇଥିଲେ । ପୁଲିସ ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି ।