ବିଜେପି ନେତା ଭୃଗୁ ଓ ଗୋଲକଙ୍କୁ ଅନ୍ତରୀଣ ସୁରକ୍ଷା ଦେଲେ ହାଇକୋର୍ଟ, ମାର୍ଚ୍ଚ ୧୯ ତାରିଖ ପର୍ଯ୍ଯନ୍ତ ଗିରଫ କରିପାରିବନି ପୋଲିସ

କଟକ ୧୨/୩: ଛତ୍ରପୁର ବିଜେଡି କାଉନସିଲର ଲକ୍ଷ୍ମୀଦତ୍ତ ପ୍ରଧାନ ହତ୍ଯା ଘଟଣାରେ ବିଜେପି ନେତା  ଭୃଗୁ ବକ୍ସିପାତ୍ର ଓ ଗୋଲକ ମହାପାତ୍ରଙ୍କୁ ମିଳିଲା ଆଶ୍ୱସ୍ତି । ଉଭଯଙ୍କୁ ହାଇକୋର୍ଟ ଆଜି(ମଙ୍ଗଳବାର) ଅନ୍ତରୀଣ ସୁରକ୍ଷା ପ୍ରଦାନ କରିଛନ୍ତି । ମାର୍ଚ୍ଚ ୧୯ ତାରିଖ ପର୍ଯ୍ଯନ୍ତ ପୋଲିସ ଏମାନଙ୍କୁ ଗିରଫ କରିପାରିବନି ବୋଲି ହାଇକୋର୍ଟ କହିଛନ୍ତି ।

ସୂଚନାନୁସାରେ ଗୋଲକ ମହାପାତ୍ର ଓ ଭୁଗୁ ବକ୍ସିପାତ୍ରଙ୍କୁ ଲକ୍ଷ୍ମୀଦତ୍ତ ପ୍ରଧାନ ହତ୍ଯା ମାମଲାରେ ପୋଲିସ ସମନ ଜାରି କରିଥିଲା । ଗୋଲକ ମହାପାତ୍ର ପ୍ରଥମଥର ସମନ ପାଇ ସମନ ପରେ ଥରେ ଛତ୍ରପୁର ପୋଲିସ ନିକଟରେ ହାଜର ହୋଇଥିଲେ । କିନ୍ତୁ ଦ୍ୱିତୀୟ ଥର ସମନ ପରେ ସେ ନିଜର ଅସୁସ୍ଥତା ଦର୍ଶାଇ ଥାନାରେ ହାଜର ହୋଇନଥିଲେ । ସେହିଭଳି ଭୃଗୁ ବକ୍ସିପାତ୍ର ମଧ୍ଯ ସମନ ପାଇବା ପରେ ନିଜ ଓକିଲଙ୍କ ମାଧ୍ଯମରେ ଅସୁସ୍ଥତା ଦର୍ଶାଇ ହାଜର ହୋଇନଥିଲେ । ତେବେ ଉଭୟ ଗିରଫ ଭୟରେ ଆଗୁଆ ଜାମିନ୍ ଆବେଦନ କରିଥିଲେ । ଅଦାଲତ ଆଗୁଆ ଜାମିନ ସମ୍ପର୍କରେ ସମ୍ପୂର୍ଣ୍ଣ ଶୁଣାଣି କରିନଥିଲେ ମଧ୍ଯ ଏମାନଙ୍କୁ ମାର୍ଚ୍ଚ ୧୯ ତାରିଖ ପର୍ଯ୍ୟନ୍ତ ଅନ୍ତରୀଣ ସୁରକ୍ଷା ପ୍ରଦାନ କରିଛନ୍ତି ।

ସେପ୍ଟେମ୍ବର ୧୬ ୨୦୧୭ ମସିହାରେ ତାଙ୍କ ଛତ୍ରପୁର ସ୍ଥିତ ବାସଭାବନରେ ଗୋଷ୍ଠୀବଦ୍ଧ ଭାବେ ଆକ୍ରମଣ କରାଯାଇଥିଲା । ଏଥିରେ ସେ ଗୁରୁତର ଭାବେ ଆହତ ହୋଇ ବ୍ରହ୍ମପୁର ମେଡିକାଲକୁ ନେବା ରାସ୍ତାରେ ସେ ମୃ୍ତ୍ଯୁବରଣ କରିଥିଲେ । ହତ୍ଯାକାଣ୍ଡର ମୁଖ୍ଯ ଅଭିଯୁକ୍ତମାନେ ଫେରାର ହୋଇ ଯାଇଥିଲେ । ଅଭିଯୁକ୍ତମାନଙ୍କୁ ଫେରାର କରିବାରେ ଗୋଲକ ମହାପାତ୍ର ସାହାଯ୍ଯ କରିଥିଲେ ବୋଲି ଅଭିଯୋଗ ହୋଇଥିଲା । ଫେବୃୟାରୀ ମାସ ୭ ତାରିଖ ଓ ୯ ତାରିଖରେ ଗୋଲକ ଓ ଭୃଗୁ ବକ୍ସିପାତ୍ରଙ୍କୁ ହାଜର ହେବାପାଇଁ ପୋଲିସ ସମନ ଜାରି କରିଥିଲା ।

   ସମ୍ବନ୍ଧିତ ଖବର


ସେମିଳିଗୁଡ଼ା ପୋଲିସକୁ ବଡ଼ ସଫଳତା, ୫୦ ଲକ୍ଷ ଟଙ୍କାର ଗଞ୍ଜେଇ ଜବତ

ମାନସିକ ଅବସାଦ ଅର୍ଥ ନୁହେଁ ପାଗଳାମି, ଅପରାଧ ପାଇଁ ମିଳିବ ଦଣ୍ଡ

ରାଉରକେଲା ସ୍କର୍ପିଓ ପୋଡି ଘଟଣା; ଗୋମାଂସ ଚାଲାଣ ସନ୍ଦେହରେ ଦୁର୍ବୃତ୍ତ ଜାଳିଥିଲେ ଗାଡି, ଡ୍ରାଇଭର ସମେତ ୪ ଗିରଫ

ଲଭ ଜିହାଦକାରୀଙ୍କୁ ଯୋଗୀ ରୋକଠୋକ୍‌ ଶୁଣାଇଲେ ରାମ ନାମ ସତ୍ୟ ହୈ…ସୁଧୁରି ନଗଲେ ହୋଇଯିବ ଶେଷ

ଯଦି ଭଗବାନ ବି ମୁଖ୍ୟମନ୍ତ୍ରୀ ହୋଇଯାଆନ୍ତି ତେବେ ୧୦୦ ପ୍ରତିଶତ ଚାକିରି ଦେବାରେ ବିଫଳ ହେବେ: ଗୋଆ ମୁଖ୍ୟମନ୍ତ୍ରୀ

କାଷ୍ଟିଂ କାଉଚ୍‌ର ଶିକାର ହୋଇଥିଲେ ଏହି ଟିଭି କଳାକାର, କାମ ବଦଳରେ ସାଥିରେ ଶୋଇବାକୁ କହିଥିଲେ ସିରିଏଲର ନିର୍ଦ୍ଦେଶକ…