PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମବିଭୂଷଣ ରଘୁନାଥ ମହାପାତ୍ରଙ୍କର କରୋନାରେ ପରଲୋକ
  • ||
  • ହିମନ୍ତ ବିଶ୍ବା ଶର୍ମା ହେବେ ଆସାମର ନୂତନ ମୁଖ୍ୟମନ୍ତ୍ରୀ, ସୋମବାର ନେବେ ଶପଥ
  • ||
  • ଖପ୍ରାଖୋଲ: ଜାମଚୁଆଁ ଗାଁରେ ବିଦ୍ୟୁତ ସଟସର୍କିଟରେ ଜଳିଗଲା ଘର , ଲକ୍ଷାଧିକ ଟଙ୍କା ସମ୍ପତ୍ତି ନଷ୍ଟ
  • ||
  • ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୱାଲଙ୍କ ଇସ୍ତଫା, ରାଜ୍ୟପାଳ ଜଗଦୀଶ ମୁଖୀଙ୍କୁ ଇସ୍ତଫାପତ୍ର ଦେଲେସର୍ବାନନ୍ଦ ସୋନୱାଲ
  • ||
  • କୋଭିଡ ମୁକାବିଲା ପାଇଁ ଓଡିଶାକୁ ୩୩୩.୮ କୋଟି ଅନୁଦାନ, କେନ୍ଦ୍ର ଅର୍ଥ ମନ୍ତ୍ରାଳୟ ପକ୍ଷରୁ ସୂଚନା
  • ||
  • ରାଉରକେଲା : ସଟଡାଉନରେ ଦୋକାନ ଖୋଲିବା ପଡିଲା ମହଙ୍ଗା, ୪ଟି ଦୋକାନ ସିଲ୍, ଦୁଇ କୁଇଣ୍ଟାଲ ମାଛ ଓ ଦଶ କେଜି ମାଂସ ଜବତ
  • ||
  • ଭୁବନେଶ୍ୱର : ସୁନ୍ଦରଗଡ଼ ଓ ଅନୁଗୁଳରେ ପ୍ରତିଷ୍ଠା ହେବ ନୂଆ କେନ୍ଦ୍ରୀୟ ବିଦ୍ୟାଳୟ, ଏମସିଏଲ୍‌ ବୋର୍ଡର ଅନୁମୋଦନ ପାଇଁ କେନ୍ଦ୍ର କୋଇଲା ଓ ଖଣି ମନ୍ତ୍ରୀଙ୍କୁ ଧନ୍ୟବାଦ ଦେଲେ ଧର୍ମେନ୍ଦ୍ର
  • ||
  • ଭୁବନେଶ୍ଵର : ସପ୍ତାହାନ୍ତ ସଟଡାଉନର ଦ୍ଵିତୀୟ ଦିନ, ଆଉ ଚଳିବନି ‘ଆଇ- କାର୍ଡ’, ବେସରକାରୀ ସଂସ୍ଥାର କର୍ମଚାରୀଙ୍କ ତାଲିକା ମାଗିଲା ପୁଲିସ୍‌
  • ||
  • ଭୁବନେଶ୍ୱର : ବରିଷ୍ଠ ସାମ୍ବାଦିକ ତଥା ‘ପ୍ରମେୟ’ର ଖଣ୍ଡପଡ଼ା ପ୍ରତିନିଧି ସୋମନାଥ ମହାନ୍ତିଙ୍କ ପରଲୋକ
  • ||
  • ଘଟଗାଁ : ମାଲବାହୀ ଟ୍ରେନ ଧକ୍କାରେ ହାତୀ ଗୁରୁତର
  • ||
  • କୋଲକାତା : ପଶ୍ଚିମବଙ୍ଗରେ ଥମୁନି ହିଂସା, ପୁଣି ଥରେ ଟିଏମସି ଓ ବିଜେପି କର୍ମୀ ହାତାହାତି, ଜଣେ ମୃତ ୬ ଆହତ
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୯ ଜଣଙ୍କ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୧୮୦କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କରୋନା ବିସ୍ଫୋରଣ, ୨୪ଘଣ୍ଟାରେ ଚିହ୍ନଟ ହେଲେ ୧୦ ହଜାର ୬୩୫ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୩୪ ହଜାର ପାର୍
  • ||
  • ନୂଆଦିଲ୍ଲୀ : ଭାରତକୁ ଡବ୍ଲ୍ୟୁଏଚଓର ସତର୍କ ବାଣୀ, ଘାତକ ହେଉଛି କରୋନାର ନୂଆ ମ୍ୟୁଟାଣ୍ଟ, ଭାରତକୁ ତୀବ୍ର କରିବାକୁ ପଡିବ ଟିକାକରଣ
  • ||
  • ଭୁବନେଶ୍ୱର : ଏବେ ମିଳିଛି ସାମାନ୍ୟ ଆଶ୍ୱସ୍ତି, ଦୁଇଦିନ ପରେ ରାଜ୍ୟରେ ପୁଣି ବଢ଼ିବ ତାତି, ୨୦ ଜିଲ୍ଲାରେ ଘଡ଼ଘଡ଼ି ସହ ଧୂଳିଝଡ଼ ବର୍ଷା ଆଶଙ୍କା
  • ||

ପୁଲିସ୍‌ ଏନ୍‌କାଉଣ୍ଟର; ପିଏଲ୍‌ଏଫ୍‌ଆଇ କମାଣ୍ଡର ସହ ୫ ନିହତ

ରାଉରକେଲା/କୁଆରମୁଣ୍ଡା,୨୯ା୧(ବ୍ୟୁରୋ/ଆପ୍ର): ଝାଡ଼ଖଣ୍ଡର ଖୁଣ୍ଟି ଜିଲ୍ଲା ଅନ୍ତର୍ଗତ ଅଡକୀ ଗ୍ରାମର ତିର୍‌ଲା ପାହାଡ଼ରେ ଆଜି ସକାଳ ସାଢ଼େ ୬ଟାରେ ପୁଲିସ୍‌ ଓ ପିପୁଲ୍ସ ଲିବରେସନ ଫ୍ରଣ୍ଟ ଅଫ୍‌ ଇଣ୍ଡିଆ (ପିଏଲ୍‌ଏଫ୍‌ଆଇ) ମଧ୍ୟରେ ହୋଇଥିଲା ଗୁଳି ବିନିମୟ । ଯବାନଙ୍କ ଗୁଳିରେ ପିଏଲ୍‌ଏଫ୍‌ଆଇ କମାଣ୍ଡରଙ୍କ ସମେତ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଆହତ ହୋଇଛନ୍ତି । ଘଟଣା ସ୍ଥଳରୁ ୨ଟି ଏକେ-୪୭, ଗୋଟିଏ ପିସ୍ତଲ, ୩ଟି ଦେଶୀ ପିସ୍ତଲ, ଏକେ-୪୭ର ମାଗାଜିନ, ୩ଟି ବନ୍ଧୁକର ମାଗାଜିନ, କାରବାଇନ୍‌ର ମାଗାଜିନ, ୨୬୪ ରାଉଣ୍ଡ ଅଫୁଟା ଗୁଳି ଓ ୮ଟି ପିଠୁ ମିଳିଛି ।
ଝାଡ଼ଖଣ୍ଡ ପଶ୍ଚିମ ସିଂହଭୂମର ଖୁଣ୍ଟି ଜିଲ୍ଲା ଏଏସ୍‌ପି ଅନୁରାଗ ରାଜଙ୍କୁ ସୂଚନା ମିଳିଥିଲା ଯେ ପିଏଲ୍‌ଏଫ୍‌ଆଇର ଏକ ଗ୍ରୁପ୍‌ ଅସ୍ତ୍ରଶସ୍ତ୍ର ସହ ତିର୍‌ଲା ପାହାଡ଼ରେ ଲୁଚିଛନ୍ତି ଓ ସେମାନେ କୌଣସି ଘଟଣା ଘଟାଇବା ଲାଗି ଯୋଜନା କରୁଛନ୍ତି । ଏହି ଖବର ପାଇବା ପରେ ଅଡକୀ ଓ ବଦଗାଁ ଥାନା ପୁଲିସ୍‌କୁ ସେଠାରେ ଚଢଉ କରିବା ଲାଗି ନିର୍ଦ୍ଦେଶ ଦେଇଥିଲେ । ଦୁଇ ଥାନାର ପୁଲିସ୍‌ ବାହିନୀ ଏବଂ ୨୦୯ କୋବ୍ରା ବାଟାଲିୟନର ଯବାନମାନେ କମାଣ୍ଡାଣ୍ଟ ବିକି କୁମାର ପାଣ୍ଡେ ଓ ସହକାରୀ କମାଣ୍ଡାଣ୍ଟ ଜିତେନ୍ଦ୍ର ସିଂହଙ୍କ ନେତୃତ୍ୱରେ ଗତକାଲି ରାତିରୁ ଅଡକୀ ଗ୍ରାମରୁ ସର୍ଚ୍ଚ ଅପରେସନ୍‌ ଆରମ୍ଭ କରିଥିଲେ । ଆଜି ସକାଳ ସାଢ଼େ ୬ଟା ସମୟରେ ଯବାନମାନଙ୍କୁ ଦେଖି ପିଏଲ୍‌ଏଫ୍‌ଆଇ ସଦସ୍ୟମାନେ ପ୍ରଥମେ ଗୁଳି ଚାଳନା କରିଥିଲେ । ଏହାର ପାଲଟା ଜବାବ ଯବାନମାନେ ଦେଇଥିଲେ । ପ୍ରାୟ ଅଧଘଣ୍ଟା ଧରି ଉଭୟଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଯବାନଙ୍କ ଗୁଳିରେ ଅଡକୀ ଅଞ୍ଚଳରେ ସକ୍ରିୟ ଥିବା କମାଣ୍ଡର ପ୍ରଭୁ ସାଏବ ବୋଦ୍ରା ଓ ତାଙ୍କର ୪ ଜଣ ସହଯୋଗୀ ନିହତ ହୋଇଛନ୍ତି । ପ୍ରଭୁଙ୍କୁ ଧରାଇ ଦେବା ଲାଗି ଝାଡ଼ଖଣ୍ଡ ସରକାର ୨ ଲକ୍ଷ ଟଙ୍କା ପୁରସ୍କାର ଘୋଷଣା କରିଥିଲେ । ଅପରପକ୍ଷରେ ଏହି ଗୁଳି ବିନିମୟ ସମୟରେ ପିଏଲ୍‌ଏଫ୍‌ଆଇର ସଦସ୍ୟ ସାମୁ ଚୁଟିଆ ପୂର୍ତ୍ତି (୨୫) ଏବଂ ପ୍ରବୀଣ ମୁଣ୍ଡୁ (୨୦) ଆହତ ହୋଇଛନ୍ତି । ସେମାନଙ୍କୁ ରାଞ୍ଚି ସ୍ଥିତ ରିମ୍ସ ହସ୍ପିଟାଲରେ ଭର୍ତ୍ତି କରାଯାଇଛି । ବାକି ୪ ମୃତକଙ୍କ ପରିଚୟ ମିଳି ପାରିନାହିଁ । ଖସି ଯାଇଥିବା ପିଏଲ୍‌ଏଫ୍‌ଆଇ ସଦସ୍ୟମାନଙ୍କୁ ଧରିବା ଲାଗି ସର୍ଚ୍ଚ ଅପରେସନ୍‌ ଜାରି ରହିଛି ଏବଂ ଅଡକୀର ସୀମାବର୍ତ୍ତୀ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ପ୍ରାୟ ଦୁଇ ବର୍ଷ ହେବ ପ୍ରଭୁ ସଂଗଠନର କମାଣ୍ଡର ଦାୟିତ୍ୱ ନେବା ସହ ଅଡକୀ ଅଞ୍ଚଳରେ ସକ୍ରିୟ ଥିଲେ ।