ମୁମ୍ବାଇ ୨୧/୦୫: ଆଉ ଜଣେ ଷ୍ଟାର୍ କିଡ୍ ଏଣ୍ଟ୍ରି କରିବାକୁ ଯାଉଛନ୍ତି ବଲିଉଡ୍ରେ । ବଲିଉଡ୍ର ଲୋକପ୍ରିୟ ଅଭିନେତ୍ରୀ ପୂନମ୍ ଢିଲୋଁଙ୍କ ଝିଅ ପାଲୋମା ଖୁବ୍ଶୀଘ୍ର ବଡ଼ ପରଦାରେ ନଜର ଆସିବେ । ସୂରଜ ବଡ଼ଜାତ୍ୟାଙ୍କ ଅପ୍କମିଙ୍ଗ ଫିଲ୍ମରେ ସେ ସିଲଭର ସ୍କ୍ରିନ୍କୁ ଓହ୍ଲାଇବେ। ଫିଲ୍ମମେକର୍ ଏ ବିଷୟରେ ଗତକାଲି ଘୋଷଣା କରିଛନ୍ତି । ରାଜଶ୍ରୀ ପ୍ରଡକ୍ସନ୍ ଅଧୀନରେ ଫିଲ୍ମଟି ନିର୍ମିତ ହେବ। ଏଇଟି ଏକ ଆଧୁନିକ ପ୍ରେମ କାହାଣୀ । ଅଭିନେତା-ରାଜନେତା ସନ୍ନି ଦେଓଲଙ୍କ ସାନ ପୁଅ ରାଜବୀର ଦେଓଲ ମଧ୍ୟ ଏହି ଫିଲ୍ମରେ ଅଭିନୟ କ୍ଷେତ୍ରରେ ଏଣ୍ଟ୍ରି କରୁଛନ୍ତି ।
{"id":418947,"sizeSlug":"large","linkDestination":"none"}ଫିଲ୍ମରେ ପାଲୋମାଙ୍କୁ କାଷ୍ଟ କରାଯିବା ବିଷୟରେ ରାଜଶ୍ରୀ ପ୍ରଡକ୍ସନ୍ ନିଜ ଔପଚାରିକ ଟ୍ୱିଟର ପେଜ୍ରେ ଘୋଷଣା କରିଛି । ଏଥିରେ ଉଲ୍ଲେଖ ହୋଇଛି ‘ରାଜଶ୍ରୀର ଅପ୍କମିଙ୍ଗ ପ୍ରୋଜେକ୍ଟରେ ରାଜବୀର ଦେଓଲଙ୍କ ଅପୋଜିଟ୍ରେ ପାଲୋମାଙ୍କୁ କାଷ୍ଟ୍ କରି ପ୍ରଡକ୍ସନ୍ ହାଉସ୍ ଗର୍ବିତ । ସୂରଜ ବଡ଼ଜାତ୍ୟାଙ୍କ ପୁଅ ଅବନିଶ ବଡ଼ଜାତ୍ୟା ଏହାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି । ଏକ ସ୍ମରଣୀୟ ଯାତ୍ରା ଆରମ୍ଭ ହୋଇଛି ।’
{"id":418948,"sizeSlug":"large","linkDestination":"none"}ସୋସିଆଲ ମିଡିଆରେ ଖୁବ୍ ସକ୍ରିୟ ରହୁଥିବା ପାଲୋମା ନିଜ ଦୈନନ୍ଦିନ ଜୀବନଶୈଳୀର ଫଟୋ ଓ ଭିଡିଓ ନିୟମିତ ଫ୍ୟାନ୍ଙ୍କ ସହ ଶେୟାର କରନ୍ତି । ଯୋଗକୁ ଭଲପାଉଥିବା ଏହି ସୁନ୍ଦରୀଙ୍କର ଅନେକ ଯୋଗ ଭିଡିଓ ଖୁବ୍ ପ୍ରଶଂସିତ ହେଉଛି । ୟୁଜର୍ ତାଙ୍କ ଲୁକ୍କୁ ମଧ୍ୟ ବେଶ ପସନ୍ଦ କରୁଛନ୍ତି । ମା’ ପୁନମ୍ଙ୍କ ଭଳି ପାଲୋମା ବି ବଲିଉଡ୍ରେ ନିଜର ସ୍ୱତନ୍ତ୍ର ପରିଚୟ ହାସଲ କରିବେ ଏବଂ ଅନ୍ୟ ଆଗଧାଡ଼ିର ଅଭିନେତ୍ରୀଙ୍କ ସହ ଖୁବ୍ଶୀଘ୍ର ସାମିଲ ହେବେ ବୋଲି ଆଶା କରାଯାଉଛି।
{"id":418949,"sizeSlug":"large","linkDestination":"none"}