PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ସେଟ୍‌-ଟପ୍‌ ବକ୍ସର ପୋର୍ଟେବିଲିଟି ହେବ,ଗ୍ରାହକ ବାଛିବେ ଅପରେଟର୍‌

ନୂଆଦିଲ୍ଲୀ,୨୭ା୧(ଏଜେନ୍ସି): ଟେଲିକମ୍‌ କମ୍ପାନି ଭଳି ଗ୍ରାହକମାନେ ନିଜ କେବଲ୍‌ ଅପରେଟର୍‌ ଅଥବା ଡିଟିଏଚ୍‌ କମ୍ପାନି ବାଛିପାରିବେ । ଏଥିପାଇଁ ଖୁବ୍‌ଶୀଘ୍ର ପୋର୍ଟେବିଲିଟି ବ୍ୟବସ୍ଥା ଆରମ୍ଭ କରାଯିବ । ଟେଲିକମ୍‌ ନିୟାମକ ପ୍ରାଧିକରଣ (ଟ୍ରାଇ)ର ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି ।
ଟ୍ରାଇ ଯୋଜନା ମୁତାବକ ଗ୍ରାହକମାନେ ଚଳିତବର୍ଷ ଶେଷ ବେଳକୁ ଏହି ସୁବିଧା ପାଇବେ । ଡିଜିଟାଲ୍‌ ବକ୍ସଗୁଡ଼ିକୁ ପରସ୍ପର ସହ ସଂଯୋଗ କରି ପରିଚାଳନା କରିବା ପାଇଁ ଏକ ନୂଆ ଜ୍ଞାନକୌଶଳ ବିକାଶ କରାଯାଉଛି । ଖୁବ୍‌ଶୀଘ୍ର ଏହାକୁ କାର୍ଯ୍ୟକାରୀ କରାଯିବ । ଫଳରେ ଗ୍ରାହକମାନେ କୌଣସି ଅତିରିକ୍ତ ଖର୍ଚ୍ଚ ନ କରି ସେମାନଙ୍କ କେବଲ୍‌ ଅପରେଟର ବା ଡିଟିଏଚ୍‌ ସେବା ପ୍ରଦାନକାରୀ ବଦଳାଇ ପାରିବେ ।
ଏବେ ବି କିଛି ଗ୍ରାହକ ନିଜ ଡିଟିଏଚ୍‌ ବା କେବଲ୍‌ ଅପରେଟରଙ୍କ ମନମୁଖି କାର୍ଯ୍ୟ ଦ୍ୱାରା ଅତିଷ୍ଠ ହୋଇପଡ଼ୁଛନ୍ତି । ଏ ସଂକ୍ରାନ୍ତ ଅଭିଯୋଗମାନ ବଢ଼ିବାରେ ଲାଗିଛି । ତେଣୁ ମୋବାଇଲ୍‌ ଫୋନ୍‌ ସେବାରେ ପୋର୍ଟେବିଲିଟି ବ୍ୟବସ୍ଥା ଦ୍ୱାରା ଗ୍ରାହକମାନେ ଯେଉଁଭଳି ଭାବେ ଉପକୃତ ହେଉଛନ୍ତି, ସେମିତି ଡିଟିଏଚ୍‌ ଏବଂ କେବଲ୍‌ ଟିଭି ସେବାରେ ମଧ୍ୟ ସୁବିଧା ପାଇବେ ।
ଟ୍ରାଇ ଅଧ୍ୟକ୍ଷ ଆର୍‌ ଏସ୍‌ ଶର୍ମା କହିଛନ୍ତି, ପ୍ରସାରଣ କ୍ଷେତ୍ରରେ ଅନ୍ତଃସଂଯୋଗ ବ୍ୟବସ୍ଥା କାର୍ଯ୍ୟକାରୀ ହେବ । ସେଟ୍‌-ଟପ୍‌ ବକ୍ସଗୁଡ଼ିକୁ ଅନ୍ତଃସଂଯୋଗ କରାଯିବା ଦ୍ୱାରା ଗ୍ରାହକମାନେ ଯେଉଁ ସେଟ୍‌ ଟପ୍‌ ବକ୍ସ ବ୍ୟବହାର କରୁଥିଲେ ବି ଅପରେଟର ବଦଳାଇ ପାରିବେ । ଅପରେଟର୍‌ଙ୍କ ସେବାକୁ ନେଇ ସେମାନଙ୍କର ଅଭିଯୋଗ ଥିଲେ ସେମାନେ ନିଜ ଇଚ୍ଛା ଅନୁସାରେ ତାହାକୁ ବଦଳାଇ ପାରିବେ ବୋଲି ଶର୍ମା କହିଛନ୍ତି ।
ଅନ୍ୟପକ୍ଷରେ ଟ୍ରାଇର ଏଭଳି ମହତ୍ତ୍ୱାକାଂକ୍ଷୀ ବ୍ୟବସ୍ଥାକୁ ଡିଟିଏଚ୍‌ ଓ କେବଲ୍‌ ଟିଭି ଅପରେଟରମାନେ ବିରୋଧ କରିପାରନ୍ତି ବୋଲି ଏକ ସୂତ୍ରରୁ ଜଣାପଡ଼ିଛି । କଣ୍ଟେଣ୍ଟ ବିତରଣକାରୀଙ୍କ କହିବାନୁଯାୟୀ ପ୍ରତ୍ୟେକ ଅପରେଟର୍‌ଙ୍କ ଏସ୍‌ଟିବି (ସେଟ୍‌-ଟପ୍‌ ବକ୍ସ)କୁ ଏନ୍‌କ୍ରିପ୍ଟ କରାଯାଇଛି । ତେଣୁ ପୋର୍ଟେବିଲିଟି ବ୍ୟବସ୍ଥା ଲାଗୁ କରିବା କଷ୍ଟକର ହୋଇପଡ଼ିବ ।
ଶିଳ୍ପ ଅଧିକାରୀଙ୍କ କହିବାନୁଯାୟୀ ପ୍ରତ୍ୟେକ ଏସ୍‌ଟିବିରେ ଭିନ୍ନ ଭିନ୍ନ ସଫ୍ଟୱେର ରହିଛି । ଫଳରେ ଏହା ଭିନ୍ନ କମ୍ପାନିଙ୍କ ଦ୍ୱାରା ବ୍ୟବହୃତ ହୋଇପାରିବ ନାହିଁ । ଏ ବାବଦରେ ଶର୍ମା କହିଛନ୍ତି, ବକ୍ସଗୁଡ଼ିକରେ ଏକ ସ୍ୱତନ୍ତ୍ର ସଫ୍ଟୱେର ଖଞ୍ଜାଯିବ, ଯାହା କ୍ରୟ ପରେ ସଫ୍ଟୱେର ଡାଉନ୍‌ଲୋଡ୍‌କୁ ଅନୁମତି ଦେବ । ଉଦାହରଣସ୍ୱରୂପ ଗ୍ରାହକଙ୍କୁ ପ୍ରଥମେ ଏକ ନ୍ୟୁଟ୍ରାଲ୍‌ ଏସ୍‌ଟିବି କିଣିବାକୁ ହେବ । ଏହାପରେ ଗ୍ରାହକମାନେ ଯେଉଁ ସେବା ପ୍ରଦାନକାରୀଙ୍କୁ ବାଛିବେ, ସେମାନଙ୍କ ସଫ୍ଟୱେରକୁ ଏଥିରେ ଖଞ୍ଜାଯିବ ।
ଏ ବାବଦରେ ଏକ ପ୍ରତିକାର ବ୍ୟବସ୍ଥା ଆଣିବା ପାଇଁ ସରକାରୀ ଏଜେନ୍ସି ଏବଂ ବାହାର ପରାମର୍ଶକାରୀ ସଂସ୍ଥା ସହିତ ଟ୍ରାଇ ଏବେ କାର୍ଯ୍ୟ କରୁଛି । ଏହା ଏକ ବୈଷୟିକ ସମସ୍ୟା ଏବଂ ଏହାକୁ ତୁରନ୍ତ ପ୍ରତିକାର କରାଯିବ ବୋଲି ଶର୍ମା କହିଛନ୍ତି । ତାଙ୍କ କହିବାନୁଯାୟୀ ଚଳିତବର୍ଷ ଶେଷ ସୁଦ୍ଧା ଗ୍ରାହକମାନେ ସମ୍ଭବତଃ ଏହି ସୁବିଧା ପାଇପାରିବେ । ଉଲ୍ଲେଖଯୋଗ୍ୟ, ଦେଶରେ ଏବେ ୧୬ କୋଟିରୁ ଅଧିକ ପେ-ଟିଭି ଉପଭୋକ୍ତା ରହିଛନ୍ତି । ଅନ୍ୟପକ୍ଷରେ ଫେବ୍ରୁଆରୀ ୧ ସୁଦ୍ଧା ଗ୍ରାହକମାନେ ନୂଆ ଟାରିଫ୍‌ ବ୍ୟବସ୍ଥାରେ ସାମିଲ ହେବେ ବୋଲି ଶର୍ମା କହିଛନ୍ତି ।

ସମ୍ବନ୍ଧିତ ଖବର