ପ୍ରଫୁଲ୍ଲ ଘଡାଇଙ୍କୁ ଦଳର ଉପସଭାପତି ଦାୟିତ୍ୱ ଦେଲେ ବିଜେଡି ସୁପ୍ରିମୋ

ଭୁବନେଶ୍ୱର ୧୫/୪: ପ୍ରଫୁଲ୍ଲ ଘଡାଇଙ୍କୁ ମିଳିଲା ନୂଆ ଦାୟିତ୍ୱ । ପ୍ରଫୁଲ୍ଲଙ୍କୁ ଦଳର ଉପସଭାପତି ପଦରେ ନିଯୁକ୍ତି ଦେଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଘଡାଇଙ୍କୁ ଖୋର୍ଦ୍ଧା, ରଣପୁର, ଚିଲିକାର ବରିଷ୍ଠ ପର୍ଯ୍ଯବେକ୍ଷକ ଦାୟିତ୍ୱ ମିଳିଛି ।

ନିକଟରେ ଘଡାଇଙ୍କୁ ଉପରୁ ବହିଷ୍କାର ଆଦେଶ ହଟାଇଦେଇଥିଲେ ଦଳ ସୁପ୍ରିମୋ । ଦଳ ବିରୋଧୀ ମନ୍ତବ୍ଯ ଦେଇ ବିଜେଡିରୁ ବହିଷ୍କାର ହୋଇଥିଲେ ପ୍ରଫୁଲ୍ଲ । ଦଳକୁ ଫେରିବା ପରେ ଦଳ ସୁପ୍ରିମୋ ନବୀନଙ୍କୁ ପ୍ରଶଂସା କରି ସେ ଧନ୍ୟବାଦ ଜଣାଇଥିଲେ । ସେ  କହିଥିଲେ ଯେ ‘ଦଳରେ ଥିଲି ଏବଂ କାମ କରୁଥିଲି । ମୋତେ ପୁଣି ଦଳ ପାଇଁ କାମ କରିବାକୁ ସୁଯୋଗ ମିଳିଛି ଏବଂ ମୁଁ ପୁଣି ପୂର୍ବଭଳି କାମ କରିବି । ତେବେ ଆଜି ତାଙ୍କୁ ଉପସଭାପତି ପଦରେ ନିଯୁକ୍ତି ଦେଇଛନ୍ତି ନବୀନ ।