ଭୁବନେଶ୍ୱର,୩୦/୯ : ମହାମାରୀ କରୋନାରେ ‘ପ୍ରମେୟ’ କନ୍ଧମାଳ ଜିଲ୍ଲା ପ୍ରତିନିଧି ତାରିଣୀ ପାଢ଼ୀଙ୍କ ଦେହାନ୍ତ ହୋଇଯାଇଛି । ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ ପୂର୍ବକ ଆଜି ସନ୍ଧ୍ୟାରେ ‘ପ୍ରମେୟ’ ଭୁବନେଶ୍ୱର ମୁଖ୍ୟ କାର୍ଯ୍ୟାଳୟରେ ଏକ ଶୋକ ସଭା ଅନୁଷ୍ଠିତ ହୋଇଯାଇଛି । ଏହି ଅବସରରେ ତାଙ୍କ ସ୍ମୃତିଚାରଣ କରି ସମ୍ପାଦକ ଗୋପାଳକୃଷ୍ଣ ମହାପାତ୍ର କହିଥିଲେ, ସେ ଜଣେ ସରଳ, ନିଷ୍କପଟ ଓ ନିଷ୍ଠାବାନ ମଣିଷ ଥିଲେ । ଅତ୍ୟନ୍ତ ମେଳାପୀ ଓ ମିଷ୍ଟଭାଷୀ । କେବେ ରାଗୁ ନଥିଲେ । ସମସ୍ତଙ୍କ ପ୍ରିୟ ଥିଲେ । ଜଣେ କର୍ତ୍ତବ୍ୟନିଷ୍ଠ ପ୍ରତିନିଧି ଭାବେ ନିଜ କାର୍ଯ୍ୟ କରିଆସୁଥିଲେ ।
{"id":167465,"width":744,"height":335,"sizeSlug":"large","className":"is-style-default"}ପ୍ରଥମେ ‘ପ୍ରମେୟ’ ବାଲେଶ୍ୱର ଓ ପରେ କନ୍ଧମାଳ ପ୍ରତିନିଧି ଭାବେ ଅବସ୍ଥାପିତ ହୋଇ କାର୍ଯ୍ୟ କରୁଥିଲେ । ତାଙ୍କ ପାଇଁ ତାଙ୍କ ପରିବାର ଥିଲା ବହୁତ ବଡ଼ ଶକ୍ତି । ଆଜି ମାତ୍ର ୫୧ବର୍ଷ ବୟସରେ ସେ ସମସ୍ତଙ୍କୁ ଛାଡ଼ି ଚାଲିଯିବାଟା ବିଶ୍ୱାସ କରି ହେଉନାହିଁ । ତାଙ୍କ ବିୟୋଗ ଗଭୀର ଭାବେ ଦୁଃଖ ଦେଇଛି । ସେ ଚାଲିଯାଇଛନ୍ତି, ସତ ହେଲେ ସବୁଦିନ ପାଇଁ ଆମ ସହ ରହିବେ । ଅମର ଆତ୍ମାଙ୍କ ସଦଗତି କାମନା ସହ ଭଗବାନଙ୍କ ପାଖରେ ପ୍ରାର୍ଥନା ଶୋକସନ୍ତପ୍ତ ପରିବାରବର୍ଗଙ୍କୁ ଶକ୍ତି ଓ ସାହସ ଦିଅନ୍ତୁ । ଏହି ଶୋକସଭାରେ ପୂରା ‘ପ୍ରମେୟ’ ପରିବାର ସାମିଲ ହୋଇଥିଲା । ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଦିବଂଗତ ଆତ୍ମାଙ୍କ ଊଦ୍ଦେଶ୍ୟରେ ୧ ମିନିଟ୍ ନିରବ ପ୍ରାର୍ଥନା କରାଯାଇଥିଲା ।