PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ଗୋଆ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ଦେହାନ୍ତ

ନୂଆଦିଲ୍ଲୀ,୧୭।୩: ଗୋଆର ମୁଖ୍ୟମନ୍ତ୍ରୀ ମନୋହର ପାରିକରଙ୍କର ଆଜି ୬୩ ବର୍ଷ ବୟସରେ ପରଲୋକ ହୋଇଛି। ପାରିକର ଦୀର୍ଘ ଦିନ ହେବ ଅଗ୍ନାଶୟ କର୍କଟରେ ପୀଡିତ ଥିଲେ। ରାଷ୍ଟ୍ରପତି ରାମନାଥ କୋବିନ୍ଦ ପାରିକରଙ୍କ ଦେହାନ୍ତ ସମ୍ପର୍କରେ ସୂଚନା ଦେଇଛନ୍ତି। ଏନେଇ ରାଷ୍ଟ୍ରପତି ଟ୍ବିଟ୍ କରି ଶୋକ ବ୍ୟକ୍ତ କରିଛନ୍ତି।

 ଏହା ପୂର୍ବରୁ ଗୋଆର ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ ବୟାନ ଜାରି କରି ପାରିକରଙ୍କ ସ୍ବାସ୍ଥ୍ୟ ସ୍ଥିତି ଖୁବ୍ ଗମ୍ଭୀର ହୋଇଥିବା ନେଇ ସୂଚନା ଦେଇଥିଲେ। ଗୋଆର ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ ଟ୍ବିଟ୍ କରାଯାଇଥିଲା ମୁଖ୍ୟମନ୍ତ୍ରିଙ୍କ ସ୍ଥିତି ଖରାପ। ଡାକ୍ତର ତାଙ୍କୁ ଠିକ୍ କରିବାକୁ ଚେଷ୍ଟା କରୁଛନ୍ତି। ଏଠାରେ ଉଲ୍ଳେଖନୀୟ ଯେ ଗତ କିଛିଦିନ ତଳେ ପାରିକରଙ୍କ ସ୍ବାସ୍ଥ୍ୟ ହଠାତ ଖରାପ ହୋଇପଡିଥିଲା। ଯାହାଫଳରେ ତାଙ୍କୁ ଗୋଆ ମେଡିକାଲ କଲେଜରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଗତ ଶନିବାର ମଧ୍ୟ ଶୁଣିବାକୁ ମିଳିଥିଲା ଯେ ପାରିକରଙ୍କ ସ୍ବାସ୍ଥ୍ୟ ଖୁବ୍ ଖରାପ ହୋଇଯାଇଚି। କିନ୍ତୁ ବିଜେପି ପକ୍ଷରୁ କୁହାଯାଇଥିଲା ତାଙ୍କର ସ୍ବାସ୍ଥ୍ୟରେ ସୁଧାର ହୋଇଛି।

ଉଲ୍ଳେଖନୀୟ ଯେ, ପାରିକର ଅସୁସ୍ଥ ଥିବା ଯୋଗୁଁ ତାଙ୍କର ଚିକିତ୍ସା ମୁମ୍ବାଇ, ଆମେରିକା ଏବଂ ଦିଲ୍ଲୀର ବଡ ବଡ ହସ୍ପିଟାଲରେ ଦୀର୍ଘ ଦିନ ହେବ ଚାଲିଥିଲା। ନାକରେ ନୋଜ ପାଇପ୍ ଲଗାଇ ସେ ଫେବୃଆରୀରେ ରାଜ୍ୟର ବଜେଟ୍ ମଧ୍ୟ ଉପସ୍ଥାପନ କରିଥିଲେ। ଏପରିକି ବିଭିନ୍ନ ସ୍ଥାନକୁ ମଧ୍ୟ ବହୁ ସରକାରୀ କାର୍ଯ୍ୟର ତଦାରଖ କରିବାକୁ ଯାଉଥିଲେ।