PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଏ ବର୍ଷ ଥରାଇବ ଶୀତ ଲହରୀ, ଜବର ଜାଡ଼ରେ ଥରିବ ଓଡ଼ିଶା, ଲମ୍ବିବ ଶୀତ ଅବଧି
  • ||
  • ଲାଞ୍ଜିଗଡ଼ : ବେଦାନ୍ତର ଏଲଏନଟି କଲୋନୀକୁ ପଶିଲା କରୋନା, ୩ ଶ୍ରମିକ ପଜିଟିଭ୍ ଚିହ୍ନଟ
  • ||
  • ସମ୍ବଲପୁର : ଆଜି ସମ୍ବଲପୁର ୧୨ ଘଣ୍ଟିଆ ବନ୍ଦ, ମମିତା ମେହେର୍ ହତ୍ୟା ପ୍ରସଙ୍ଗକୁ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||

ପ୍ରିୟା ପ୍ରକାଶଙ୍କ ଆଖିମରା ଭିଡିଓ ଭାଇରାଲ ହେବା ପରେ ମୁଖ୍ୟ ନାୟିକାରୁ ସହ ନାୟିକା ହୋଇଗଲେ ଏହି ଅଭିନେତ୍ରୀ, କିଛି ସେକେଣ୍ଡରେ ଭାଙ୍ଗିଗଲା ନୁରିନଙ୍କ ସ୍ବପ୍ନ

ନୂଆଦିଲ୍ଲୀ,୨୩।୨: ଆଖି ମରା ଭିଡ଼ିଓ ହେଉ କି କିସ୍ ସିନ୍ ହେଉ ଏହି ଦୁଇଟି ଭିଡ଼ିଓ କଥା ମନେ ପଡ଼ିଲେ ପ୍ରଥମେ ମଲାୟାଲମ ଅଭିନେତ୍ରୀ ପ୍ରିୟା ପ୍ରକାଶଙ୍କ ନାଁ ଆସେ। ଏହି ଚର୍ଚ୍ଚିତ ଅଭିନେତ୍ରୀଙ୍କୁ କିଏ ବା ନ ଜାଣେ। ଫ୍ୟାନ୍ସମାନଙ୍କୁ ଆକୃଷ୍ଟ କରିବାକୁ ହେଲେ କଳାକାରମାନେ ନିଜ ପ୍ରାଣ ଦେବାକୁ ବି ପଛାନ୍ତି ନାହିଁ। ମାତ୍ର କଳାକାରମାନେ ବିଭିନ୍ନ ଅଜବ କାରନାମା ସବୁ କରୁଥିବାବେଳେ ବିନା କୌଣସି କଷ୍ଟରେ ରାତାରାତି ଷ୍ଟାର ପାଲଟିଥିଲେ ପ୍ରିୟା ପ୍ରକାଶ।

କେବଳ ୨୬ ସେକେଣ୍ଡର ଆଖି ମରା ଭିଡିଓ ତାଙ୍କୁ ଭାଲେଣ୍ଟାଇନ୍‌ ଗର୍ଲ ଏବଂ ନ୍ୟାସନାଲ କ୍ରସ୍‌ର ମାନ୍ୟତା ଦେଇଥିଲା । ଏହି ଭିଡିଓ ତାଙ୍କୁ ଲୋକପ୍ରିୟତା ଦେଇଥିଲା ସତ, କିନ୍ତୁ ସେହି ଫିଲ୍ମରେ ମୁଖ୍ୟ ଅଭିନେତ୍ରୀ ନୁରିନ୍‌ଙ୍କ ସ୍ୱପ୍ନ ଭାଙ୍ଗି ଦେଇଥିଲା। ମାତ୍ର ନୁରନଙ୍କ ସ୍ବପ୍ନ ଥିଲା ଚଳଚ୍ଚିତ୍ରରେ ନିଜକୁ ମୁଖ୍ୟ ଅଭିନେତ୍ରୀର ହେବା।

ସୂଚନା ମୁତାବକ, ଫିଲ୍ମର ଆରମ୍ଭରୁ ନୁରିନ୍‌ଙ୍କୁ ମୁଖ୍ୟ ଅଭିନେତ୍ରୀ ଭାବେ ନିଆ ଯାଇଥିବା ବେଳେ ଫିଲ୍ମର ସୁଟିଂ ସରିଥିଲା । କିନ୍ତୁ ପ୍ରିୟାଙ୍କ ଭିଡିଓ ଭାଇରାଲ ହେବା ପରେ ତାଙ୍କ ଲୋକପ୍ରିୟତା ଦେଖି ନିର୍ମାତା କାହାଣୀ ଏବଂ ଚରିତ୍ରରେ ପରିବର୍ତ୍ତନ ଆଣିବା ପାଇଁ ମନସ୍ଥ କରିଥିଲେ । ଯାହା ପରେ ଫିଲ୍ମରେ ପ୍ରିୟାଙ୍କୁ ମୁଖ୍ୟ ଭୂମିକା ଦିଆଯିବା ସହ ନୁରିନ୍‌ ତାଙ୍କ ସହ ନାୟିକା ଭାବରେ ନଜର ଆସିଥିଲେ । ଫିଲ୍ମର କିଛି ଭାଗର ସୁଟିଂ ଆଉ ଥରେ କରାଯିବାରୁ ଏହାର ରିଲିଜ୍‌ ତାରିଖ ମଧ୍ୟ ଘୁଞ୍ଚିଥିଲା ।