PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ନୋଟିସ, ଘୁଞ୍ଚିଲା +୨ ପରୀକ୍ଷା
  • ||
  • ମହାରାଷ୍ଟ୍ରରେ ମର୍ମନ୍ତୁଦ ଦୁର୍ଘଟଣା: କାଠ ବୋଝେଇ ଟ୍ରକକୁ ଧକ୍କା ଦେବାପରେ ଡିଜେଲ ଟ୍ୟାଙ୍କରରେ ଲାଗିଲା ନିଆଁ, ୯ ଜଣ ଜୀବନ୍ତ ଦଗ୍ଧ
  • ||
  • ସରେଣ୍ଡର୍ କଲେ କଂଗ୍ରେସ ନେତା ନବଜୋତ ସିଂହ ସିଦ୍ଧୁ, ୩୪ ବର୍ଷ ପୂର୍ବ ରୋଡ୍‌ ରେଜ୍‌ ମାମଲାରେ ହୋଇଛି ବର୍ଷେ ସଶ୍ରମ କାରାଦଣ୍ଡ
  • ||
  • ଭୁବନେଶ୍ଵର : ରାସନ ସାମଗ୍ରୀ ବଣ୍ଟନରେ ଅନିୟମିତତା ଅଭିଯୋଗ, ସ୍ଥିତି ସମୀକ୍ଷା କଲେ ବିଏମ୍ସି ମେୟର ସୁଲୋଚନା ଦାସ
  • ||
  • ଭୁବନେଶ୍ଵର : ରାଜଧାନୀରେ ଚାଞ୍ଚଲ୍ୟ, ଜଗନ୍ନାଥ ନଗରରେ ବୋମା ମାଡ଼
  • ||
  • ନୂଆଦିଲ୍ଲୀ : ୨୭ ମାସ ପରେ ଜେଲ୍‌ରୁ ମୁକୁଳିଲେ ଆଜମ ଖାନ, ସ୍ଵାଗତ କଲେ ଶିବପାଳ ଯାଦବ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୦ ପଜିଟିଭ୍ ଚିହ୍ନଟ
  • ||
  • ସିବିଆଇ ପଞ୍ଝାରେ ପୁଣି ଲାଲୁ ପ୍ରସାଦ : ରେଲୱେ ନିଯୁକ୍ତିରେ ଦୁର୍ନୀତି ଅଭିଯୋଗ, ୧୭ଟି ଠିକଣାରେ ଚାଲିଛି ରେଡ୍
  • ||

ପ୍ରିୟଙ୍କାଙ୍କ କଟାକ୍ଷ- ନିଜ ଲୋକଙ୍କ ପାଇଁ ମୋଦିଙ୍କ ସମୟ ନାହିଁ

ଅଯୋଧ୍ୟା,୨୯ା୩(ଏଜେନ୍ସି): ସରଗରମ ନିର୍ବାଚନୀ ମାହୋଲର ଉଷ୍ମତା ବଢ଼ାଇଦେଇଛି ରାଜନେତାଙ୍କ ଆକ୍ରମଣାତ୍ମକ ଭାଷଣ । ଏହି କ୍ରମରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ଆଜି ଅଯୋଧ୍ୟାରେ ଆୟୋଜିତ ଏକ ନିର୍ବାଚନୀ ର‌୍ୟାଲିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ଜୋରଦାର୍‌ ବର୍ଷିଛନ୍ତି । ଦୁନିଆସାରା ଲୋକଙ୍କୁ ଆଲିଙ୍ଗନ କରୁଥିବା ମୋଦିଙ୍କ ପାଖେ ନିଜ ଲୋକଙ୍କୁ ଆଲିଙ୍ଗନ କରିବା ପାଇଁ ସମୟ ନାହିଁ ବୋଲି ସେ ଅଭିଯୋଗ କରିଛନ୍ତି । ବାରାଣସୀରୁ ନିର୍ବାଚନ ଜିତିଥିବା ମୋଦି ନିଜ ସଂସଦୀୟ କ୍ଷେତ୍ରର ଲୋକଙ୍କ ସହ ଦେଖା କରନ୍ତି ନାହିଁ ବୋଲି ସେ କହିଛନ୍ତି । କେବଳ ଏତିକି ନୁହେଁ ନାଟକୀୟ ଶୈଳୀରେ ପ୍ରିୟଙ୍କା ଭୋଟରମାନଙ୍କ ନିକଟରେ ନିଜର ଅଭିଯୋଗ ପ୍ରକାଶ କରିଛନ୍ତି ।

ସେ କହିଛନ୍ତି ‘ନେତାମାନେ ଆପଣଙ୍କ ନିକଟକୁ ଆସିବା ବେଳେ ତାଙ୍କ ମଧ୍ୟରେ ଡର ରହିବା ଆବଶ୍ୟକ, ଆପଣମାନଙ୍କ ମଧ୍ୟରେ ନୁହେଁ’ । ବିଜେପି ସରକାର ଜନତା ବିରୋଧୀ, କୃଷକ ବିରୋଧୀ ଏବଂ ଯୁବ ବିରୋଧୀ ବୋଲି ସେ କହିବା ସହ ଏହି ସରକାର କେବଳ ଉଦ୍ୟୋଗପତିଙ୍କ କଥା ଶୁଣିୁଥାନ୍ତି ବୋଲି ଅଭିଯୋଗ କରିଛନ୍ତି । ବିଜେପି ସରକାରର ନା କାମ କରିବାକୁ ଇଚ୍ଛା ଅଛି ନା ଲୋକଙ୍କ କଥା ଶୁଣିବାକୁ ଇଚ୍ଛା ଅଛି ବୋଲି କହି ପ୍ରିୟଙ୍କା କଟାକ୍ଷ କରିଛନ୍ତି । ବିଜେପି ସରକାର ଅମଳରେ ଆନ୍ଦୋଳନ କରୁଥିବା ବେରୋଜଗାରମାନଙ୍କୁ ମାଡ଼ ମରାଯାଉଛି । ସେହିଭଳି କୃଷକ ଋଣରେ ବୁଡ଼ି ରହିଥିବା ବେଳେ ତାକୁ କୌଣସି ସାହାଯ୍ୟ କରାଯାଉନାହିଁ ବୋଲି ମଧ୍ୟ ପ୍ରିୟଙ୍କା କହିଛନ୍ତି । ମହିଳାଙ୍କ ସୁରକ୍ଷା ପ୍ରସଙ୍ଗ ଉଠାଇ ପ୍ରିୟଙ୍କା କହିଛନ୍ତି ମହିଳାମାନେ ଆଜି ବି ନିଜକୁ ଅସୁରକ୍ଷିତ ମଣୁଛନ୍ତି । ୫ ବର୍ଷ ମଧ୍ୟରେ ମୋଦି ବାରାଣସୀରେ କୌଣସି ବି ଉନ୍ନତି କରିନଥିବା ମଧ୍ୟ ପ୍ରିୟଙ୍କା ଅଭିଯୋଗ କରିଛନ୍ତି । ସଦ୍ୟ କଂଗ୍ରେସ ଦ୍ୱାରା ଘୋଷଣା ହୋଇଥିବା ‘ନ୍ୟାୟ’ ଯୋଜନା ପ୍ରତି ମଧ୍ୟ ପ୍ରିୟଙ୍କା ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ ।

ସମ୍ବନ୍ଧିତ ଖବର