PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ପ୍ରତିଶ୍ରୁତି ପ୍ରତାରଣା ହେଲେ ଆନ୍ଦୋଳନ, ଦିବ୍ୟାଙ୍ଗଙ୍କ ସମସ୍ୟା ସରକାର ପୂରଣ କରିବେ: ଅର୍ଥମନ୍ତ୍ରୀ

ଭୁବନେଶ୍ୱର,୯ା୨(ବ୍ୟୁରୋ): ଦିବ୍ୟାଙ୍ଗ ମାନଙ୍କ ବିଭିନ୍ନ ସମସ୍ୟା ସରକାର ପୂରଣ କରିବେ ବୋଲି ଶୁକ୍ରବାର ଓଡ଼ିଶା ସରକାରଙ୍କ ଦ୍ୱାରା ଗଠିତ ସ୍ପେଶାଲ କମିଟିର ଚେୟାରପର୍ସନ ତଥା ଅର୍ଥ ଓ ଅବକାରୀ ଶଶିଭୁଷଣ ବେହେରା ପ୍ରତିଶ୍ରୁତି ଦେଇଛନ୍ତି । ଏହି ପ୍ରତିଶ୍ରୁତି ପ୍ରତାରଣା ନ ହେଉ । ପ୍ରତିଶ୍ରୁତି ପ୍ରତାରଣା ହେଲେ ରାଷ୍ଟ୍ରୀୟ ଦିବ୍ୟାଙ୍ଗଜନ ସୁରକ୍ଷା ଫେଡେରେସନ ଓଡ଼ିଶା ଆନ୍ଦୋଳନ କରିବ’ । ଆଜି ଫେଡେରେସନର ନେତୃମଣ୍ଡଳୀ ସରକାରଙ୍କୁ ଏମିତି କଡା ଚେତାବନୀ ଦେଇଛନ୍ତି । ଦାବି ହାସଲ ପାଇଁ ଦିବ୍ୟାଙ୍ଗ ମାନେ ଏକାଠି ହେବାକୁ ବୈଠକରେ ଆହ୍ୱାନ ଦିଆଯାଇଥିଲା । ଦିବ୍ୟାଙ୍ଗ ମାନେ ଆଜି ସ୍ୱରକୁ ସ୍ୱର ମିଳାଇ ‘ଆମେ ସବୁ ଏକ’ ବୋଲି କହିଥିଲେ ।
ରାଷ୍ଟ୍ରୀୟ ଦିବ୍ୟାଙ୍ଗ ଫେଡେରେସନର ଏକ ପ୍ରତିନିଧି ଦଳ ଅର୍ଥ ମନ୍ତ୍ରୀ ଶଶିଭୁଷଣ ବେହେରାଙ୍କୁ ଭେଟି ଥିଲେ । ଦିବ୍ୟାଙ୍ଗ ମାନଙ୍କର ବିଭିନ୍ନ ସମସ୍ୟା ଓ ସେମାନଙ୍କୁ ସଶକ୍ତୀକରଣ କରିବା ପାଇଁ କିଭଳି ଅଧିକ ଅର୍ଥ ବଜେଟରେ ଅନୁଦାନ ଦିଆଯିବ ସେ ସମ୍ପର୍କରେ ଆଲୋଚନା କରାଯାଇଥିଲା । ଆଲୋଚନାକାଳରେ ମନ୍ତ୍ରୀ ଶ୍ରୀ ବେହେରା ପ୍ରତିନିଧି ଦଳକୁ ଦିବ୍ୟାଙ୍ଗ ମାନଙ୍କର ସମସ୍ୟା ସବୁକୁ ସେ ବିଭାଗୀୟ ସଚିବଙ୍କ ସହ ଆଲୋଚନା କରିବା ପରେ ପୂରଣ କରିବେ ବୋଲି କହିଥିଲେ ।ଏହି ପ୍ରତିନିଧି ଦଳରେ ସଂଗଠନର ସଭାପତି ସତ୍ୟନାରାୟଣ ସେଠୀ, ସାଧାରଣ ସମ୍ପାଦକ ବାମନ ମାଝୀ, ବିରଞ୍ଜି ନାରାୟଣ ମଲ୍ଲିକ, ସୁବ୍ରତ ସାହୁ, ଗୌରହରି ନାୟକ ପ୍ରମୁଖ ଥିଲେ । ପ୍ରତିନିଧି ଦଳ ବିଧାନସଭା ଯାଇ ଫେଡ଼େରେସନ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଶଶିଭୁୁଷଣ ବେହେରା, ଦିବ୍ୟାଙ୍ଗ ମାନଙ୍କ ସାମାଜିକ ନ୍ୟାୟ ଓ ସଶକ୍ତୀକରଣ ବିଭାଗର ମନ୍ତ୍ରୀ ପ୍ରଫୁଲ୍ଲ ସାମଲ, ବିଭାଗୀୟ ବରିଷ୍ଠ ସଚିବ ନିତେନ ଚନ୍ଦ୍ରଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଥିଲେ ।
ଉଲ୍ଲେଖନୀୟ ରାଷ୍ଟ୍ରୀୟ ଦିବ୍ୟାଙ୍ଗଜନ ଫେଡେରେସନ ଓଡ଼ିଶା ତରଫରୁ ୧୬ଦଫା ଦାବିନେଇ ଫେବ୍ରୁଆରୀ ପହିଲାରୁ ଲୋୟର ପିଏମଜି ଛକ ଠାରେ ଗଣଧାରଣା ଦିଆଯାଇଥିଲା । ଏହି ଗଣଧାରଣାରେ ଏକାଧିକ ଦିବ୍ୟାଙ୍ଗ ଅନୁଷ୍ଠାନ ମାନ ଆସି ରାଷ୍ଟ୍ରୀୟ ଦିବ୍ୟାଙ୍ଗ ଜନ ସୁରକ୍ଷା ଫେଡେରେସନଙ୍କୁ ସହଯୋଗର ହାତ ବଢାଇଥିଲେ । ଗଣଧାରଣାର ସପ୍ତମ ଦିବସରେ ଓଡ଼ିଶା ସରକାରଙ୍କ ଦ୍ୱାରା ଗଠିତ ସ୍ପେଶାଲ କମିଟିର ଚେୟାରପର୍ସନ ତଥା ଅର୍ଥ ଓ ଅବକାରୀ ମନ୍ତୀଙ୍କୁ ଭେଟି ଦାବିଗୁଡ଼ିକ ସମ୍ପର୍କରେ ଆଲୋଚନା କରିଥିଲେ । ମନ୍ତ୍ରୀଙ୍କୁ ଭେଟିବା ପୂର୍ବରୁ ଗଣଧାରଣାସ୍ଥଳରୁ ଏକ ଶୋଭାଯାତ୍ରା ବାହାରି ଓଡ଼ିଶା ବିଧାନସଭା ସମ୍ମୁଖରେ ପହଞ୍ଚି ଥିଲା । ସେଠାରୁ ପୁଲିସ ସହଯୋଗରେ ପ୍ରତିନିଧି ଦଳ ବିଧାନସଭା ଯାଇ ମନ୍ତ୍ରୀଙ୍କୁ ଭେଟି ଆଲୋଚନା କରିଥିଲେ ।