PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଦଳିଲେ ବିଏମସି କମିଶନର, ସଞ୍ଜୟ କୁମାର ସିଂହ ହେଲେ ନୂଆ କମିଶନର
  • ||
  • ବିନିକା : ପରିବା ବୋଝେଇ ପିକଅପ ଭ୍ୟାନକୁ ପିଟିଲା ଟ୍ରକ୍, ୩ ଗୁରୁତର
  • ||
  • ରାଜସୁନାଖଳା : ବନ୍ଧୁକ ମୁନରେ ଦମ୍ପତିଙ୍କୁ ଲୁଟ୍
  • ||
  • କେନ୍ଦୁଝର : କେନ୍ଦୁଝର ଜେଲରେ ପଶିଲା କରୋନା, ୯ କଏଦୀ ପଜିଟିଭ ଚିହ୍ନଟ
  • ||
  • ମାଲକାନଗିରି : ମାଓବାଦୀଙ୍କ ବର୍ବରକାଣ୍ଡ, ଯବାନଙ୍କୁ ଗଳାକାଟି ହତ୍ୟା
  • ||
  • ବୋରିଗୁମ୍ମା : ବୋରିଗୁମ୍ମା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଟିକା ନେବାକୁ ଛକାପଞ୍ଝା, ସାମାଜିକ ଦୂରତାକୁ ଫୁ, ଯେତିକି ଆସୁଛି ଅଣ୍ଟୁନି, ସ୍ଥାନୀୟ ଲୋକେ ଅସନ୍ତୋଷ
  • ||
  • ଭୁବନେଶ୍ଵର : ରାଜ୍ୟରେ ପୁଣି ୧୦ ହଜାର ଟପିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୦ ହଜାର ୯୮୨ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୬୫ ହଜାର ପାର୍
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୭ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୨୩୨କୁ ବୃଦ୍ଧି
  • ||

ଜବତ ହେବ ହାଫିଜର ସମ୍ପତ୍ତି, ଆଝାର ପ୍ରତି ଏବେ ବି ପାକିସ୍ତାନର ନରମ ମନୋଭାବ

ନୂଆଦିଲ୍ଲୀ,୫।୩: ୨୬/୧୧  ମୁମ୍ବାଇ ଆକ୍ରମଣ ଘଟଣାର ୧୦ ବର୍ଷ ପରେ ଶେଷରେ ପାକିସ୍ତାନ ସରକାର ବିଶ୍ବସ୍ତରୀୟ ଚାପରେ ପଡି ଏହାର ମାଷ୍ଟରମାଇଣ୍ଡ ହାଫିଜ୍ ସଇଦର ସଂଗଠନ ଜମାତ-ଉଦ୍-ଦାବା ଓ ଫଲାହ-ଏ-ଇନସାନିୟତ ଫାଉଣ୍ଡେସନ ଉପରେ କଟକଣା ଲଗାଇ ଦେଇଛନ୍ତି। ପାକିସ୍ତାନର ବୈଦେଶିକ ମନ୍ତ୍ରଣାଳୟ ,ଏହି ନିର୍ଦେଶ ଜାତିସଂଘର ସୁରକ୍ଷା ପରିଷଦ ପକ୍ଷରୁ ନିଷିଧ କରାଯାଇଥିବା ଆତଙ୍କବାଦୀ ସଂଗଠନ ଗୁଡିର ସୂଚି   ଆଧାରରେ କରିଛନ୍ତି। ଏହାଦ୍ବାରା ପାକିସ୍ତାନର ଗୃହମନ୍ତ୍ରଣାଳୟ ହାଫିଜର ସଂଗଠନକୁ ଏହି ସୂଚିରେ ପକାଇଛି। ପାକିସ୍ତାନ ବୈଦେଶିକ ମନ୍ତ୍ରଣାଳୟ ଦ୍ବାରା ଜାରି ନିର୍ଦେଶରେ ସମସ୍ତ ନିଷିଧ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା କଥା ରହିଛି। କିନ୍ତୁ ମନ୍ତ୍ରଣାଳୟ ମୁଖପାତ୍ର ଜୈଶ-ଏ-ମହମ୍ମଦର ମୁଖ୍ୟ ମାସୁଦ ଆଝାର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ କି ନାହିଁ ତାହା ସ୍ପଷ୍ଟ କରିନାହାଁନ୍ତି।

source: https://www.dnaindia.com/

ପାକିସ୍ତାନ ବୈଦେଶିକ ମନ୍ତ୍ରଣାଳୟ ପକ୍ଷରୁ ଜାରି କରାଯାଇଛି ଯେ, ଜାତିସଂଘର ସୁରକ୍ଷା ପରିଷଦ(ପ୍ରିଜିଙ୍ଗ ଆଣ୍ଡ ସିଜର) ନିର୍ଦେଶ, ୨୦୧୯ ଅନୁସାରେ ଆତଙ୍କବାଦୀ ସଂଗଠନର ସମ୍ପତ୍ତି ଜବତ କରି ପାକିସ୍ତାନ ସରକାର ନିଜର କବଜାରେ ନେବେ। ଉଲ୍ଳେଖନୀୟ ଯେ ପୁଲଓ୍ବାମା ଆକ୍ରମଣ ପରେ ପ୍ୟାରିସରେ ଫାଇନାନ୍ସିଆଲ ଆକ୍ସନ ଟାସ୍କ ଫୋର୍ସ(ଏଫ୍ଏଟିଏଫ୍)ର ବୈଠକ (୧୮ରୁ ୨୨ ଫେବୃଆରୀ ପର୍ଯ୍ୟନ୍ତ)ରେ ପାକିସ୍ତାନକୁ ଚେତାବନୀ ଦିଆଯାଇଥିଲା ଆତଙ୍କବାଦୀଙ୍କ ଫଣ୍ଡ ଉପରେ ରୋକ ଲଗାଇବା ପାଇଁ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ପାକିସ୍ତାନ ସରକାର ଗତ ଫେବୃଆରୀ ୨୧ ରେ ହାଫିଜ ସଇଦର ଜମାତ-ଉଦ୍-ଦାବା ଓ ଫାଲାହ-ଏ-ଇନସାନିୟତ ଫାଉଣ୍ଡେସନ୍ ଉପରେ କଟକଣା ଲଗାଇଥିବାର ଘୋଷଣା କରିଥିଲା। ତେବେ ଏହାପରେ ସୋମବାର ଗୃହ ମନ୍ତ୍ରଣାଳୟ ଦ୍ବାରା ଜାରି ନ୍ୟାସନାଲ କାଉଣ୍ଟର ଟେରୋରିଜମ ଅଥରିଟିର ପରିସଂଖ୍ୟନରୁ ଜଣାପଡିଛି ଯେ ହାଫିଜ ସଇଦର ଏହି ସଂଗଠନକୁ   ପାକିସ୍ତାନ କେବଳ ନିଜ ଦୃଷ୍ଟିରେ ରଖିଛି।

source: https://www.patrika.com

ପାକିସ୍ତାନ ବୈଦେଶିକ ମନ୍ତ୍ରଣାଳୟର ମୁଖପାତ୍ର ମହମ୍ମଦ ଫୈସଲ କହିଛନ୍ତି  ନିର୍ଦେଶ ଅନୁସାରେ ସରକାର ଜାତିସଂଘ ଦ୍ବାରା କଟକଣା ଲଗାଯାଇଥିବା ସଂଗଠନର ସମ୍ପତ୍ତି ନିଜ କବଜାରେ ନେବ। ଫୈସଲ କହିଛନ୍ତି ସରକାର ଏହି ଆତଙ୍କବାଦୀ ସଂଗଠନର ଚାରିଟି ଓ୍ବିଙ୍ଗ ଓ ଏହାର ଆମ୍ବୁଲାନ୍ସ ମଧ୍ୟ ଜବତ କରିବେ। ତେବେ ପାକିସ୍ତାନ ସରକାର ପୁଲଓ୍ବାମା ଆକ୍ରମଣ ଘଟଣାର ମାଷ୍ଟର ମାଇଣ୍ଡ ଆଝାର ଓ ତା’ର ସଂଗଠନ ଉପରେ କୌରସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ। ଏଫ୍ଏଟିଏଫ୍ ବୈଠକ ବେଳେ ପାକିସ୍ତାନ ହାଫିଜ୍ ସଇଦର ସଂଗଠନ ଉପରେ କଟକଣା ଲଗାଇବାର ଘୋଷଣା କରିଛି। ସେଭଳି ଜୈଶ-ଏ-ମହମ୍ମଦ ସମେତ ୬ ଅନ୍ୟ ସଂଗଠନକୁ ଲୋ-ରିସ୍କ କାଟାଗୋରୀରେ ରଖାଯାଇଥିଲା।