ରାଞ୍ଚିରେ ବରିଷ୍ଠ ସାମ୍ବାଦିକଙ୍କ ଆତ୍ମହତ୍ୟା: କାର୍ଯ୍ୟାଳୟରୁ ଝୁଲନ୍ତା ଅବସ୍ଥାରେ ଉଦ୍ଧାର ହେଲା ମୃତଦେହ

କଟକ ଗଙ୍ଗାମନ୍ଦିର ଅଞ୍ଚଳରେ ଘର

କଟକ,୧୪/୦୮: ନ୍ୟୁଜ୍‌ ଏଜେନ୍ସି ପିଟିଆଇର ବରିଷ୍ଠ ସାମ୍ବାଦିକ ପି.ଭି. ରାମାନୁଜମ୍‌ ରାଞ୍ଚିସ୍ଥିତ ନିଜ କାର୍ଯ୍ୟାଳୟରେ ଆତ୍ମହତ୍ୟା କରିଛନ୍ତି । କାର୍ଯ୍ୟାଳୟ ଫ୍ୟାନ୍‌ରେ ତାଙ୍କ ମୃତ ଶରୀର ଝୁଲୁଥିବା ଦେଖିବାକୁ ମିଳିଥିଲା। ପୁଲିସ ଘଟଣାସ୍ଥଳରେ ପହଞ୍ଚି ମୃତ ଶରୀର ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି । ଶ୍ରୀ ରାମାନୁଜମ୍‌ଙ୍କ ଘର କଟକ ଗଙ୍ଗାମନ୍ଦିର ଅଞ୍ଚଳରେ । ୫୫ ବର୍ଷୀୟ ରାମାନୁଜମ ପିଟିଆଇର ରାଞ୍ଚି ବ୍ୟୁରୋ ମୁଖ୍ୟ ଥିଲେ । ରାଜଭବନ ନିକଟରେ ଏକ ସରକାରୀ ବିଲ୍‌ଡିଂରେ ତାଙ୍କର ଅଫିସ୍‌ ଥିଲା । ଗତକାଲି ରାତିରେ ସେ ଅଫିସ୍‌ ଯାଇଥିଲେ । ସକାଳୁ ତାଙ୍କ ମୃତ ଶରୀର ଅଫିସ୍‌ରେ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା ।

ପୁଲିସ୍‌ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଜାତୀୟ ଗଣମାଧ୍ୟମକୁ ସୂଚନା ଦେଇ ରାଞ୍ଚି ଏସ୍‌ପି ନୌସଦ ଆଲମ୍‌ ଅନସରୀ କହିଛନ୍ତି, ମୃତକଙ୍କ ପତ୍ନୀଙ୍କ ବୟାନ୍‌ ମୁତାବକ ସେ ଗତ ୪/୫ ଦିନ ହେବ ମାନସିକ ଚାପଗ୍ରସ୍ତ ଥିଲେ । ଆତ୍ମହତ୍ୟାର କାରଣ ସ୍ପଷ୍ଟ ହୋଇନାହିଁ । ଏନେଇ ଏକ ସ୍ୱତନ୍ତ୍ର ତଦନ୍ତକାରୀ ଦଳ ନିୟୋଜିତ କରାଯାଇଛି।

ସୂଚନାଯୋଗ୍ୟ, ରାମାନୁଜମଙ୍କ ଘର କଟକ ଗଙ୍ଗାମନ୍ଦିର ଅଞ୍ଚଳରେ । ୯୦ ଦଶକରେ କଟକରେ ପିଟିଆଇ କାର୍ଯ୍ୟାଳୟ ଥିବା ସମୟରେ ସେ ଏଠାରୁ କାମ ଆରମ୍ଭ କରିଥିଲେ । ପରେ ଭୁବନେଶ୍ୱରରେ କିଛି ଦିନ କାର୍ଯ୍ୟ କରିବା ପରେ ଦିଲ୍ଲୀ ବଦଳି ହୋଇଯାଇଥିଲେ । ଦକ୍ଷତା ପାଇଁ ରାମାନୁଜମ୍‌ଙ୍କୁ ରାଞ୍ଚିର ପିଟିଆଇ ବ୍ୟୁରୋ ମୁଖ୍ୟ ଦାୟିତ୍ୱ ଦିଆଯାଇଥିଲା । ପତ୍ନୀ ଓ ଗୋଟିଏ ପୁଅକୁ ନେଇ ତାଙ୍କର ପରିବାର ଥିଲା । ପୁଅ ଏବେ ଭୁବନେଶ୍ୱରର ଏକ ଘରୋଇ କଲେଜରେ ପାଠ ପଢୁଛନ୍ତି । ଶୁକ୍ରବାର ରାମାନୁଜମ୍‌ଙ୍କ ଅନ୍ତିମ ସଂସ୍କାର କରାଯିବ ବୋଲି ସୂଚନା ମିଳିଛି ।

   ସମ୍ବନ୍ଧିତ ଖବର


ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ କଲେଜ

କେନ୍ଦ୍ର ଶିକ୍ଷାମନ୍ତ୍ରୀଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର, ଉତ୍କଳକୁ କେନ୍ଦ୍ରୀୟ ବିଶ୍ୱବିଦ୍ୟାଳୟର ମାନ୍ୟତା ଦେବା ପାଇଁ କଲେ ଅନୁରୋଧ

ଧର୍ମପଦ ପୁରସ୍କାର ଓ ଶିଳ୍ପୀ ସମ୍ବର୍ଦ୍ଧନାର ତାଲିକା ଘୋଷଣା କଲା ଓଡ଼ିଶା ଲଳିତ କଳା ଏକାଡେମୀ

ଗିରଫ ହେଲେ କୁବେର ଆଇଏଫ୍‌ଏସ୍‌ ଅଭୟକାନ୍ତ ଓ ତାଙ୍କ ପୁଅ, ଭିଜିଲାନ୍ସ ଜବତ କରିଥିଲା ପୁଳା ପୁଳା ବେହିସାବ ଟଙ୍କା ଓ ଠକେଇର ଦଲିଲ

ଆକାଶଙ୍କ ପ୍ରେମିକାଙ୍କୁ ନେଇ ବଢ଼ିଲା ଚର୍ଚ୍ଚା, ସେପଟେ କଂଗ୍ରେସ ପଚାରିଲା- ପାଠକଙ୍କ ସହ କେଉଁ ବିଧାୟକଙ୍କ ରହିଛି ସମ୍ପର୍କ ?

ନାଗାର୍ଜୁନ ବେଶ ଓଲାଗି ପରେ ଭକ୍ତଙ୍କୁ ମିଳିବ ଅବଢ଼ା: ୧୫ ହଜାର ଭକ୍ତଙ୍କ ପାଇଁ ଅବଢ଼ା ସେବା