PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ନାକଟିଦେଉଳରେ ଭାଲୁ ଆକ୍ରମଣରେ ୨ ଚାଷୀ ଗୁରୁତର
  • ||
  • Tokyo Olympics : ଭାରତକୁ ପ୍ରଥମ ପଦକ, ଭାରତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

ପୁଲୱାମା ବିସ୍ଫୋରଣ କାର୍‌ ମାଲିକ ଜୈସର ଆତଙ୍କୀ ସଜ୍ଜାଦ ଭଟ୍ଟ

ନୂଆଦିଲ୍ଲୀ,୨୫ ।୨(ଏଜେନ୍ସି): ପୁଲୱାମା ବିସ୍ଫୋରଣର ଯାଞ୍ଚ କରୁଥିବା ଏନଆଇଏକୁ ଏବେ ବଡ଼ ସଫଳତା ମିଳିଛି । ଏନଆଇଏକୁ ଘଟଣା ସହିତ ଜଡିତ ସିସିଟିଭି ଫୁଟେଜ୍‌ ମିଳିଥିବାବେଳେ ବିସ୍ଫୋରଣରେ ବ୍ୟବହୃତ କାର୍‌ ମାଲିକକୁ ବି ଚିହ୍ନଟ କରାଯାଇଛି ।
ରିପୋର୍ଟ ଅନୁଯାୟୀ, ଉକ୍ତ ଘଟଣାରେ ସଂପୃକ୍ତ ଆତ୍ମଘାତୀ ଆତଙ୍କବାଦୀ ଆଦିଲ ଅହମ୍ମଦ ଦାର ଏକ ନାଲି ରଙ୍ଗର ମାରୁତି ଇକୋ କାର୍‌ ଚଳାଉଥିଲା । ସେଇ କାର୍‌ଟିର ମାଲିକକୁ ଠାବ କରିବା ପାଇଁ ଆରମ୍ଭରୁ ଉଦ୍ୟମ କରାଯାଉଥିଲା । କାର୍‌ଟି ୨୦୧୦-୧୧ ମଡେଲର ବୋଲି ସନ୍ଦେହ କରାଯାଉଥିଲା । ବିସ୍ଫୋରଣ ସ୍ଥଳରୁ କାର୍‌ର ସକର ମିଳିଥିଲା ଯେଉଁଥିରୁ ଏହି କାର୍‌କୁ କେବେ ନିର୍ମାଣ କରାଯାଇଥିଲା ତାହା ସ୍ପଷ୍ଟ ହୋଇଯିବ ବୋଲି ଏନଆଇଏ ମନେ କରିଥିଲା । କାର୍‌ଟିର ମାଲିକର ପତ୍ତା ଲଗାଇବାକୁ ଫୋରେନସିକ୍‌ ବିଶେଷଜ୍ଞଙ୍କ ସହ ମାରୁତି କଂପାନିର କେତେକ ଇଞ୍ଜିନିୟରଙ୍କ ସହାୟତା ବି ନିଆଯାଇଥିଲା । ସେହିପରି ଏନଆଇଏକୁ ପୁଲୱାମା ବିସ୍ଫୋରଣରେ ସଂପୃକ୍ତ ଆତଙ୍କବାଦୀ ଆଦିଲ ଅହମ୍ମଦ ଦାର ଉକ୍ତ କାର୍‌ ଚଳାଇ ଯାଉଥିବାର ସିସିଟିଭି ଫୁଟେଜ୍‌ ମିଳିଥିଲା । ଏସବୁରୁ ସଂଗୃହୀତ ତଥ୍ୟ ଆଧାରରେ କାର୍‌ ମାଲିକକୁ ଚିହ୍ନଟ କରାଯାଇଥିଲା ।
ସୋପିଆନର ଏକ ପ୍ରତିଷ୍ଠାନରେ ପଢ଼ୁଥିବା ଛାତ୍ର ସଜ୍ଜାଦ ଭଟ୍ଟ ଏହି କାର୍‌ର ମାଲିକ । ସେ ହେଉଛି ଅନନ୍ତନାଗ ଜିଲା ଅନ୍ତର୍ଗତ ବିଜବେହେରାର ବାସିନ୍ଦା । ସେ ୨୦୧୯ ଫେବ୍ରୁଆରୀ ୪ରେ ଏହି କାର୍‌କୁ ତା’ର ପୁରୁଣା ମାଲିକଙ୍କ ଠାରୁ କିଣିଥିଲା । ତା’କୁ ଧରିବାକୁ ଏନଆଇଏ ତା’ ଘର ଉପରେ ଗତ ୨୩ ତାରିଖରେ ଚଢ଼ାଉ କରିଥିଲା । ସେତେବେଳେ ସେ ଘରେ ନଥିଲା । ସେବେଠାରୁ ସେ ଫେରାର ଅଛି । କିନ୍ତୁ ସୋସିଆଲ ମିଡିଆରେ କରାଯାଉଥିବା କିଛି ପୋଷ୍ଟରୁ ସେ ଆତଙ୍କବାଦୀ ସଂଗଠନ ଜୈସ -ଇ-ମହମ୍ମଦରେ ଯୋଗ ଦେଇଥିବାର ଜଣାପଡିଛି । ତାକୁ ଆତ୍ମଘାତୀ ଆତଙ୍କବାଦୀଭାବେ ସଂଗଠନରେ ସାମିଲ କରାଯାଇଛି । ଏହି ଜଣାପଡିବା ପରେ ତା’କୁ ନିପାତ କରିବା ପାଇଁ ସମସ୍ତ ସୁରକ୍ଷା ଏଜେନ୍ସି ଉଦ୍ୟମ କରୁଛନ୍ତି ।
ଅନ୍ୟପଟରେ ସିସିଟିଭି ଫୁଟେଜରୁ ଜଣାପଡୁଛି କି ଆତଙ୍କବାଦୀ ଆଦିଲ କାର୍‌ ଚଳାଇ ସିଆର୍‌ପିଏଫ୍‌ ବସ୍‌ କଡ଼ରେ ଯାଉଥିବା ସମୟରେ ତୃତୀୟ ବସ୍‌ରେ ବସିଥିବା ୪ ଜଣ ଏସକର୍ଟ ତା’କୁ ବସ୍‌ ଠାରୁ ଦୂରକୁ ଯିବା ପାଇଁ କହୁଛନ୍ତି । ସେ କିନ୍ତୁ ଏଥିପ୍ରତି ଧ୍ୟାନ ନଦେଇ ଗାଡ଼ି ଚଳାଇଥିଲା ଏବଂ ମାତ୍ର ଦୁଇ ମିନିଟ ଭିତରେ ସିଆର୍‌ପିଏଫ୍‌ କନଭୟରେ ଯାଉଥିବା ଏକ ଗାଡ଼ି ସହିତ ଧକ୍କା କରାଇଥିଲା । ଏହାପରେ ଭୟଙ୍କର ବିସ୍ଫୋରଣ ହୋଇଥିଲା ଯେଉଁଥିରେ ୪୦ ଜଣ ସିଆର୍‌ପିଏଫ୍‌ ଯବାନ ପ୍ରାଣ ହରାଇଥିଲେ ।