PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ପୁଲଓ୍ବାମା ଆକ୍ରମଣ ନେଇ ଭାରତର ଡୋଜିୟରକୁ ପୁଣି ପାକିସ୍ତାନର ଖଣ୍ଡନ

ନୂଆଦିଲ୍ଲୀ,୨୮।୩: ପୁଲଓ୍ବାମା ଆକ୍ରମଣକୁ ନେଇ ପାକିସ୍ତାନ ଆଜି ପୁଣିଥରେ ମିଛ କହିଛି। ଏହି ଆକ୍ରମଣ ଘଟଣା ପରେ ଭାରତ ପକ୍ଷରୁ ପ୍ରାରମ୍ଭିତ ତଦନ୍ତର ଫଳାଫଳକୁ ନେଇ ଦିଆଯାଇଥିବା ଡୋଜିୟରକୁ ପାକିସ୍ତାନ ଖଣ୍ଡନ କରିଛି। ପାକିସ୍ତାନ କହିଛି ଭାରତ ପକ୍ଷରୁ କୁହାଯାଇଥିବା ପ୍ରମୁଖ ୨୨ଟି ସ୍ଥାନରେ ତଦନ୍ତ କରିବା ପରେ ଜଣାପଡିଛି ସେଠାରେ କୌଣସି ଆତଙ୍କବାଦୀ ଶିବିର ନାହିଁ। ଭାରତ ଯଦି  ଅନୁରୋଧ କରେ ତେବେ ଆମେ ତାଙ୍କର ଅଧିକାରୀଙ୍କୁ ଗସ୍ତ ଓ ନୀରିକ୍ଷଣ କରିବାକୁ ଅନୁମତି ଦେଇପାରିବୁ। ଏହି ମାମଲାରେ ଗିରଫ କରାଯାଇଥିବା ୫୪ ଜଣଙ୍କ ବିରୋଧରେ ତଦନ୍ତ ବେଳେ ଏଭଳି କିଛି ତଥ୍ୟ ମିଳିନାହିଁ ଯେ, ସେମାନେ ପୁଲଓ୍ବାମା ଆକ୍ରମଣ ମାମଲାରେ ସାମିଲ ଅଛନ୍ତି।

ପାକିସ୍ତାନର ବୈଦେଶିକ କାର୍ଯ୍ୟାଳୟ କହିଛି, ଭାରତ କହିଥିବା ୨୨ଟି ସ୍ଥାନରେ ଆମେ ତଦନ୍ତ କରିଥିଲୁ। ସେଠାରେ ଆତଙ୍କବାଦୀଙ୍କ କୌଣସି କ୍ୟାମ୍ପ ନାହିଁ।ଉଲ୍ଳେଖନୀୟ ଯେ ଭାରତ ପକ୍ଷରୁ ଗତ ଫେବୃଆରୀ ୨୭ରେ ପାକିସ୍ତାନ ଦୂତାବାସକୁ ଏକ ଡୋଜିୟର ଦିଆଯାଇଥିଲା। ଯେଉଁଥିରେ ପାକିସ୍ତାନ ସ୍ଥିତ ଆତଙ୍କବାଦୀ ସଂଗଠନ ଜୈଶ-ଇ-ମହମ୍ମଦକୁ ପୁଲଓ୍ବାମା ଆକ୍ରମଣରେ ସାମିଲ ହେବା ଓ ଜୈଶ ଆତଙ୍କୀ କ୍ୟାମ୍ପ ସମ୍ପର୍କିତ ବିସ୍ତୃତ ପ୍ରମାଣ ଦେଇଥିଲା। ତେବେ ପାକିସ୍ତାନ ସବୁଥର ଭଳି ମଧ୍ୟ ଏଥର ନିଜ ଦେଶରେ ଥିବା ଆତଙ୍କବାଦୀ ସୁରକ୍ଷା ଦେଇ ଭାରତର ଡୋଜିୟରକୁ ଖଣ୍ଡନ କରିଚି।   

ଅନ୍ୟପକ୍ଷେ ପାକିସ୍ତାନର ଆଉ ଏକ କଳାକାରନାମାର ମଧ୍ୟ ପର୍ଦାଫାଶ ହୋଇଛି। ପାକିସ୍ତାନର ଗୁଇନ୍ଦା ଏଜେନ୍ସି ଆଇଏସ୍ଆଇ ପୁଲଓ୍ବାମା ଆକ୍ରମଣ ପରେ ଆତଙ୍କବାଦୀ ସଂଗଠନ ଜୈଶ-ଇ-ମହମ୍ମଦକୁ ଫଣ୍ଡିଂ କରୁଥିବା ନେଇ ଜଣାପଡିଛି। ଆଇଏସ୍ଆଇ ଲସ୍କରକୁ  ଫଣ୍ଡିଂ ବନ୍ଦ କରି ତାହା ଏବେ ଜୈଶକୁ ଦେବା ଆରମ୍ଭ କରିଦେଇଛି। ଯାହାଫଳରେ ଜୈଶକୁ ଦିଆଯାଉଥିବା ଫଣ୍ଡିଂକୁ ନେଇ ଲସ୍କର ଆଇଏସ୍ଆଇ ଉପରେ ଅସନ୍ତୁଷ୍ଟ ରହିଛି ବୋଲି ଏକ ସୁତ୍ରରୁ ଜଣାପଡିଛି।  

ସମ୍ବନ୍ଧିତ ଖବର