PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ସର୍ବଦଳୀୟ ବୈଠକରେ ୩ ସୁତ୍ରୀୟ ପ୍ରସ୍ତାବ ପାସ୍, ଆତଙ୍କବାଦ ବିରୋଧୀ ଲଢେଇରେ ସରକାରଙ୍କୁ ବିରୋଧୀଙ୍କ ସମର୍ଥନ

ନୂଆଦିଲ୍ଳୀ,୧୬।୨(ଏଜେନ୍ସି): ପୁଲଓ୍ବାମାରେ ହୋଇଥିବା ଆତଙ୍କବାଦୀ ଆକ୍ରମଣ ଘଟଣା ପରେ ଆଜି କେନ୍ଦ୍ର ସରକାରଙ୍କ ପକ୍ଷରୁ ସର୍ବଳଦୀୟ ବୈଠକ ଡକାଯାଇଥିଲା। ଆତଙ୍କବାଦୀ ଆକ୍ରମଣ ବିଷୟରେ ବିରୋଧୀ ଦଳକୁ ସମ୍ପୂର୍ଣ୍ଣ ସୂଚନା ଦେବା ଓ ଆଗାମୀ ପଦକ୍ଷେପ ଉପରେ ଚର୍ଚ୍ଚା କରିବା ନେଇ ଦିଲ୍ଲୀରେ ଶନିବାର ବସିଥିଲା ସର୍ବଦଳୀୟ ବୈଠକ। ଗୃହମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ଆତଙ୍କବାଦ ବିରୋଧ  ଲଢେଇରେ ସରକାରଙ୍କୁ ବିରୋଧୀ ଦଳଙ୍କ  ସମର୍ଥନ ମିଳିଛି।  ଏହି ବୈଠକରେ ୩ ସୁତ୍ରୀୟ ପ୍ରସ୍ତାବ ପାସ୍ ହୋଇଛି। ଯେଉଁଥିରେ ସ୍ପଷ୍ଟ ଭାବରେ କୁହାଯାଇଛି ୧୪ ଫେବୃଆରୀରେ ହୋଇଥିବା  ଏହି ଆକ୍ରମଣରେ ସିଆରପିଏଫର୪୦ ଜଣ ଯବାନ ଶହୀଦ ହୋଇଛନ୍ତି। ଦେଶବାସୀଙ୍କ ସହ ଏହି ଶୋକାକୁଳ ପରିବେଶରେ ଆମେ ତାଙ୍କ ସହ ଓ ଶହୀଦଙ୍କ ପରିବାର ଲୋକଙ୍କ ସହ ରହିଛୁ।  ଆମେ ଯେ କୌଣସି ପରିସ୍ଥିତିରେ ଆତଙ୍କବାଦ ଓ ସୀମାପାରରୁ ମିଳୁଥିବା ସମର୍ଥନକୁ ନିନ୍ଦା କରୁଛୁ। ଗତ ୩ ଦଶକ ହେବ ଭାରତ ସୀମାପାର ଆତଙ୍କବାଦର ସାମନା କରୁଛି। ଭାରତରେ କାୟା ବିସ୍ତାର କରିଥିବା ଆତଙ୍କବାଦ ସୀମାପାର ପ୍ରୋତ୍ସାହନରେ ଚାଲିଛି। ଭାରତ ଏହି ଚ୍ୟାଲେଞ୍ଜକୁ ଏକାଠି ମିଶି ମୁକାବିଲା କରିବ। ଏହି ଲଢେଇରେ ପୁରା ଦେଶ ଏକାଠି ରହିଛି।  ପ୍ରସ୍ତାବରେ କୁହାଯାଇଛି ଆମେ ଭାରତର ଏକତା ଓ ଅଖଣ୍ଡତାକୁ ରକ୍ଷା କରି ଆତଙ୍କବାଦ ବିରୋଧ ଲଢେଇରେ ସୁରକ୍ଷାବଳ ସହ ରହିଛୁ।

 ବୈଠକ ପରେ କଂଗ୍ରେସର ବରିଷ୍ଠ ନେତା ଗୁଲାମ ନବୀ ଆଜାଦ କହିଥିଲେ ଆମେ ସବୁ ଦେଶର ଏକତା ପାଇଁ ସରକାର ଓ ସୁରକ୍ଷା ବଳ ସହିତ ଠିଆ ରହିଛୁ। କଶ୍ମୀର ହେଉ କିମ୍ବା ଦେଶର ଅନ୍ୟ କୌଣସି ଅଂଶ, କଂଗ୍ରେସ ଦଳ ଆତଙ୍କବାଦ ବିରୋଧ ଲଢେଇରେ ସରକାରଙ୍କ ସହିତ ରହିଛୁ। ବୈଠକରେ ଆମେ ଗୃହମନ୍ତ୍ରୀଙ୍କୁ ନିବେଦନ କରିଛୁ ଆପଣ ଆମ ପକ୍ଷରୁ ପ୍ରଧାନମନ୍ତ୍ରୀଙ୍କୁ କୁହନ୍ତୁ ସେ ଦେଶର ସମସ୍ତ ରାଷ୍ଟ୍ରୀୟ ଓ ଆଞ୍ଚଳିକ ଦଳ ସହିତ ଏକ ବୈଠକ କରନ୍ତୁ। ଦେଶ ଆଜି ଶୋକ ପାଳୁଛି ଓ ଆକ୍ରୋଶରେ ରହିଛି। ୧୯୪୭ ପରେ ଯୁଦ୍ଧକୁ ଛାଡିକି ପ୍ରଥମ ଥର ପାଇଁ କୌଣସି ଆକ୍ରମଣରେ ଏତେ ସଂଖ୍ୟାରେ  ସୁରକ୍ଷାକର୍ମୀ ଶହୀଦ ହୋଇଛନ୍ତି। ଆମେ ଆମର ସୁରକ୍ଷାକର୍ମୀ(ସେନା, ସିଆରପିଏଫ୍, ଲୋକାଲ ପୋଲିସ) ସହିତ ଠିଆ ହୋଇଛୁ। ସାରା ଦେଶ ତାଙ୍କ ସହିତ ରହିଛି। ବୈଠକ ପରେ ଶିବସେନା ନେତା ସଞ୍ଜୟ ରାଓତ କହିଛନ୍ତି ପଠାନକୋଟ୍ ଏବଂ ଉରି ଆକ୍ରମଣ ପରେ ପ୍ରସ୍ତାବ ପାସ୍ ହୋଇଥିଲା। ଆମେ କେନ୍ଦ୍ର ସରକାରଙ୍କୁ କହିଥିଲୁ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ଦରକାର।

 ଉଲ୍ଳେଖନୀୟ ଯେ, ବୈଠକରେ ଗୃହ ସଚିବ ରାଜୀବ ଗୋବା ଓ କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସର ବରିଷ୍ଠ ଅଧିକାରୀ ମଧ୍ୟ ଉପସ୍ଥିତ ଥିଲେ। ସଂସଦ ପରିସରରେ ହୋଇଥିବା ଏହି ବୈଠକରେ ନ୍ୟାସନାଲ କନଫ୍ରେନ୍ସର ନେତା ଫାରୁକ୍ ଅବଦୁଲା, ଏନସିପି ନେତା ଶରଦ ପାଓ୍ବାର, ବାମଦଳ ନେତା ଡି.ରାଜା, ଶିବସେନାର ସଞ୍ଜୟ ରାଓତଙ୍କ ସହ କଂଗ୍ରେସ ନେତା ଗୁଲାମ ନବୀ ଆଜାଦ ଓ ଆନନ୍ଦ ଶର୍ମା ମଧ୍ୟ ଯୋଗ ଦେଇଥିଲେ।