କେନ୍ଦ୍ର ଅର୍ଥମନ୍ତ୍ରୀଙ୍କ ଗୁରୁତ୍ବପୂର୍ଣ୍ଣ ଘୋଷଣା,୧୦ ସରକାରୀ ବ୍ୟାଙ୍କ ବିଲୟ ହୋଇ ହେବେ ୪ଟି ବଡ଼ ବ୍ୟାଙ୍କ

ନୂଆଦିଲ୍ଲୀ,୩୦।୮: ଭାରତୀୟ ଅର୍ଥନୀତିରୁ ମାନ୍ଦାବସ୍ଥା ଦୂର କରିବା ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ପୁଣିଥରେ ଗଣମାଧ୍ୟମ ଆଗରେ ବଡ ଧରଣର ଘୋଷଣା କରିଛନ୍ତି। ଅର୍ଥମନ୍ତ୍ରୀ ସୀତାରମଣ ଦେଶର ବହୁ ବଡ ବ୍ୟାଙ୍କକୁ ମର୍ଜ (ବିଲୟ)କରିବା ନେଇ ଘୋଷଣା କରିଛନ୍ତି।  ଘୋଷଣା ଅନୁଯାୟୀ ୟୁନାଇଟେଡ୍ ବ୍ୟାଙ୍କ, ଓରିଏଣ୍ଟାଲ ବ୍ୟାଙ୍କ ଅଫ୍ କମର୍ସ ଓ ପଞ୍ଜାବ ନ୍ୟାସନାଲରେ ବିଲୟ ହେବ। ଅନ୍ୟପକ୍ଷେ କାନାରା ବ୍ୟାଙ୍କ ଓ ସିଣ୍ଡିକେଟ୍ ବ୍ୟାଙ୍କ  ମଧ୍ୟ ପରସ୍ପର ମଧ୍ୟରେ ବିଲୟ କରାଯିବ।

ସେଭଳି ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆରେ ଆନ୍ଧ୍ରା ବ୍ୟାଙ୍କ ଓ କର୍ପୋରେସନ୍ ବ୍ୟାଙ୍କର ମଧ୍ୟ ବିଲୟ ହେବ।  କେନ୍ଦ୍ର ସରକାରଙ୍କ ଏହି ବଡ ଘୋଷଣା ପରେ ୧୦ଟି  ସରକାରୀ ବ୍ୟାଙ୍କ ଏବେ ୪ଟିରେ ପରିଣିତ ହେବ।ଏହା ସହିତ ସେ କହିଛନ୍ତି,  ଆମ ସରକାର ୫ ଟ୍ରିଲିୟନ ଡଲାର ଇକୋନୋମି ପ୍ରସ୍ତୁତ କରିବାକୁ ଚେଷ୍ଟା ଜାରି ରଖିଛନ୍ତି।

ପଞ୍ଜାବ ନ୍ୟାସନାଲ ବ୍ୟାଙ୍କ(ପିଏନବି), ୟୁନାଇଟେଡ୍ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଓରିଏଣ୍ଟାଲ ବ୍ୟାଙ୍କର ବିଲୟ  ପରେ ପରେ ପିଏନବି ଦେଶର ଦ୍ବିତୀୟ ବଡ ସରକାରୀ ବ୍ୟାଙ୍କ ହୋଇଯିବ। ଏହାଛଡା ଇଣ୍ଡିଆନ ବ୍ୟାଙ୍କରେ ଆହ୍ଲାବାଦ ବ୍ୟାଙ୍କର ବିଲୟପରେ ଦେଶରେ ୭ମ ବଡ ପିଏସୟୁ ବ୍ୟାଙ୍କ ମିଳିବ। ଅର୍ଥମନ୍ତ୍ରୀଙ୍କ ଏହି ଘୋଷଣା ପରେ ଏବେ ଦେଶରେ ୧୨ଟି ସରକାରୀ ବ୍ୟାଙ୍କ ରହିଯିବ। ଏହା ପୂର୍ବରୁ ୨୦୧୭ରେ ପବ୍ଲିକ ସେକ୍ଟରରେ ୨୭ଟି ବ୍ୟାଙ୍କ ଥିଲା।

ବ୍ୟାଙ୍କ ଗୁଡିକର ବିଲୟ ଘୋଷଣା କରିବା ସମୟରେ  ଅର୍ଥମନ୍ତ୍ରୀ ସୀତାରମଣ  ପଞ୍ଜାବ ନ୍ୟାସନାଲ ବ୍ୟାଙ୍କଙ୍କୁ ୧୬,୦୦୦ କୋଟି, ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆକୁ ୧୧,୭୦୦ କୋଟି, ବ୍ୟାଙ୍କ ଅଫ୍ ବରୋଦାକୁ ୭,୦୦୦ କୋଟି, କାନାର ବ୍ୟାଙ୍କକୁ ୬,୫୦୦ କୋଟି ଟଙ୍କା, ଇଣ୍ଡିଆନ୍ ବ୍ୟାଙ୍କକୁ ୨,୫୦୦ କୋଟି ଟଙ୍କା ମିଳିବ। ଏହାଛଡା ଇଣ୍ଡିଆନ ଓଭରସିଜ୍ ବ୍ୟାଙ୍କକୁ ପ୍ରାୟ ୩,୮୦୦ କୋଟି, ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆକୁ ୩,୩୦୦ କୋଟି, ୟୁକୋ ବ୍ୟାଙ୍କକୁ ୨,୧୦୦ କୋଟି, ୟୁନାଇଟେଡ୍ ବ୍ୟାଙ୍କ ଅଫ୍ ଇଣ୍ଡିଆକୁ ୧,୬୦୦ କୋଟି ଓ ପଞ୍ଜାବ ଆଣ୍ଡ ସିନ୍ଧ ବ୍ୟାଙ୍କକୁ ୭୫୦ କୋଟି ଟଙ୍କା ମିଳିବ ବୋଲି ଘୋଷଣା କରିଛନ୍ତି।

   ସମ୍ବନ୍ଧିତ ଖବର


ABP CVoterର ରିପୋର୍ଟ: ବିହାରରେ ସରକାର ଗଢ଼ିବ କିଏ? ଜନତାଙ୍କ ନଜରରେ ଏହି ନେତା ହେବେ ମୁଖ୍ୟମନ୍ତ୍ରୀ

ମୋ ସିନ୍ଦୂର ମୋର – ସ୍ୱାମୀଙ୍କ ପ୍ରେମିକାଙ୍କୁ ଛୁରୀରେ ଆକ୍ରମଣ କଲେ ମହିଳା !

ବିହାର ରାଜନୀତି: ଆଶାୟୀ ବିଧାୟକ ପ୍ରାର୍ଥୀ ଶ୍ରୀନାରାୟଣଙ୍କୁ ଗୁଳିକରି ହତ୍ୟା, ତାଙ୍କ ନାମରେ ଥିଲା ଅପରାଧିକ ମାମଲା

ଆମେରିକାରେ ସମସ୍ତଙ୍କୁ ମାଗଣା କୋରନା ଟିକା ଦେବା ପାଇଁ ଘୋଷଣା କଲେ ରାଷ୍ଟ୍ରପତି ପ୍ରାର୍ଥୀ ବିଡେନ୍‌

ଆଣ୍ଡ୍ରଏଡ୍‌ ୟୁଜର୍ସ ସାବଧାନ, ଭୁଲରେ ବି ଡାଉନଲୋଡ କରନ୍ତୁ ନାହିଁ ଏହି ୧୯ ଆପ୍ସ

ଟ୍ରାଫିକ୍ କନଷ୍ଟେବଳଙ୍କୁ ମାଡ଼ ମାରିଲେ ମହିଳା , ଭିଡ଼ିଓ ଭାଇରାଲ