PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତ ଇଂଲଣ୍ଡ ଟେଷ୍ଟ ମ୍ୟାଚ- ଭାରତ ୧୪୫ ରନ୍‌ରେ ଅଲ୍‌ ଆଉଟ୍‌
  • ||
  • ନବରଙ୍ଗପୁର- ପରକିୟାପ୍ରୀତି ମହଙ୍ଗା , ପ୍ରେମିକ ସହ ବିବାହିତ ମହିଳା ଫେରାର ହୋଇ ଧରାପଡିବା ପରେ ଗାଁ ଦାଣ୍ଡରେ ବାନ୍ଧି ନିର୍ଧୁମ ଛେଚା ଖାଇଲେ ।
  • ||
  • ପାରାଦୀପ- ପାରଦୀପ ବନ୍ଦର ପକ୍ଷରୁ ୨୭ ହଜାର କୋଟି ଟଙ୍କାରୁ ଉର୍ଦ୍ଧ୍ଵ ୨୭ ଟି ବିଭିନ ପ୍ରକଳ୍ପର ଏମଓୟୁ ସ୍ୱାକ୍ଷରିତ
  • ||
  • ଅନୁଗୁଳ: ଓଡ଼ପଡ଼ାରେ ୮ ବଖରା ଘର ଭାଙ୍ଗିଲେ ହାତୀ ପଲ
  • ||
  • ରାଜଗାଙ୍ଗପୁର ସମିତିସଭ୍ୟ ଉପନିର୍ବାଚନ । କୁକୁଡ଼ାମୁଣ୍ଡାରେ ପୁଷ୍ପିତା ଓ ବୁଚକୁପଡା ରେ ବସନ୍ତଙ୍କ ବିଜୟ । ଦୁଇଟିରେ ବିଜେଡି ସମର୍ଥିତ ପାର୍ଥୀଙ୍କ ବାଜିମାତ।
  • ||
  • ନୂଆପଡ଼ା – ଜିଲ୍ଲା ପରିଷଦ ଜୋନ୍ ୨ ନିର୍ବାଚନ ଫଳାଫଳ ବିଜେଡ଼ି ପ୍ରାର୍ଥୀ ଅବନୀ ରଞ୍ଜନ ଯୋଶୀ ୧୦୬୨୪ ଭୋଟରେ ବିଜୟୀ
  • ||
  • ଭଦ୍ରକ: ଦୁଷ୍କର୍ମ ଉଦ୍ୟମ କରି ବିଫଳ ହେବା ପରେ ମହିଳାଙ୍କୁ ଏସିଡ ମାଡ଼ ଘଟଣା, ୨୦ବର୍ଷ ପରେ ଗିରଫ ହେଲା ଅଭିଯୁକ୍ତ ସୁବାସ
  • ||
  • ବାଲେଶ୍ବର: ଯୌତୁକ ନିର୍ଯାତନା ମୃତ୍ୟୁ ଅଭିଯୋଗ ମାମଲା, ୫ଜଣଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି ବାଲେଶ୍ୱର ଏଡିଜେମ କୋର୍ଟ
  • ||
  • ନୀଳଗିିରି: ଓଡ଼ିଆ ପଥର କାରିଗରଙ୍କ କମାଲ୍, ରାଜସ୍ଥାନରେ ଟ୍ରାଫିକ ସମସ୍ୟା ଓ ତାର ସୁଧାର ପାଇଁ ଗାଇଲେ ଗୀତ,
  • ||
  • ରାୟଗଡା: ନାଗାବଳି ନଦୀରୁ ଅଜଣା ମହିଳାଙ୍କ ମୃତଦେହ ଉଦ୍ଧାର, ତଦନ୍ତ କରୁଛି ପୁଲିସ
  • ||
  • କଟକ: ବୀରମିତ୍ରପୁର ନାବାଳିକା ଦୁଷ୍କର୍ମ ମାମଲା, ଗର୍ଭପାତ କରାଇଥିବା ଡାକ୍ତର ଦେବାଶିଷ ଘୋଷଙ୍କୁ ହାଇକୋର୍ଟରୁ ମିଳିଲା ଜାମିନ
  • ||
  • ଅନୁଗୁଳ: NTPC CISF ଯବାନଙ୍କ ଏକାଉଣ୍ଟରୁ ଟଙ୍କା ଲୁଟ ଘଟଣା, ସାଇବର ଲୁଟେରାକୁ ପଶ୍ଚିମବଙ୍ଗରୁ ଗିରଫ କଲା ପୁଲିସ୍
  • ||
  • ତାଳଚେର ଥର୍ମାଲ ବନ୍ଦ ପ୍ରସଙ୍ଗ: ଆଜି ଠାରୁ ପ୍ରତୀକ ଆନ୍ଦୋଳନ ଆରମ୍ଭ
  • ||
  • ବାଲେଶ୍ବର: ଓଡ଼ିଶା-ପଶ୍ଚିମବଙ୍ଗ ସୀମା ବିଦାଦର ସମାଧାନ ପାଇଁ ପଶ୍ଚିମବଙ୍ଗରେ ବୈଠକ
  • ||
  • ମାଲକାନଗିରି: ଚୋରା ଗଞ୍ଜେଇ ଚାଲାଣ ଅଭିଯୋଗ, ଗିରଫ ପୋଲିସ କନେଷ୍ଟବଳଙ୍କୁ କୋର୍ଟ ଚାଲାଣ
  • ||
  • କଟକ: ନାଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ ନିକଟରେ ଅଗ୍ନିକାଣ୍ଡ, ଅଗ୍ନିକାଣ୍ଡ କାରଣ ଅସ୍ପଷ୍ଟ, ନିଆଁକୁ ଆୟତରେ ଲାଗିଛନ୍ତି ଅଗ୍ନିଶମ ବିଭାଗ
  • ||
  • ନୂଆପଡ଼ା: ସରକାରୀ ଜମିରୁ ଉଚ୍ଛେଦକୁ ବିରୋଧ, ଜମି- ଘର ଦିଅ ନହେଲେ ଜିଲ୍ଲାପାଳଙ୍କ ଅଫିସ ସାମ୍ନାରେ ସାମୁହିକ ଆତ୍ମହତ୍ୟା କରିବୁ
  • ||
  • ନୂଆପଡ଼ା: ଦଶାହ ଭୋଜି ଖାଇ ୨୦ରୁ ଅଧିକ ଗୁରୁତର , କୋମନା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି
  • ||
  • ଭୁବନେଶ୍ବର: ୨୪ ଘଣ୍ଟା ମଧ୍ୟରେ ୮୯ ଜଣ ନୂଆ କରୋନା ପଜିଟିଭ ଚିହ୍ନଟ, ପୁଣି ଆଖିବୁଜିଲେ ଆଉ ଜଣେ କରୋନା ଆକ୍ରାନ୍ତ
  • ||
  • ଭୁବନେଶ୍ଵର : କଂଗ୍ରେସ ଭବନରେ ଦୁଇ ଗୋଷ୍ଠୀ ମୁହାଁମୁହିଁ, ଗୋଟିଏ ଗୋଷ୍ଠୀ ବିଜେଡି ସହ ହାତ ମିଳାଇଥିବା ଅଭିଯୋଗ
  • ||

ଜାନୁଆରୀ ଯାଇ ଫେବ୍ରୁଆରି ଅଧା ହେଲାଣି, ଦର୍ଶନ ଟିକେଟ ଅନ୍‌ଲାଇନ୍‌ ବିକ୍ରି ହେଲାନି

ପୁରୀ,୧୧ା୨(ବ୍ୟୁରୋ): ଏଣିକି ଭକ୍ତମାନେ ମହାପ୍ରଭୁଙ୍କ ଦର୍ଶନ ପାଇଁ ଅନ୍‌ଲାଇନରେ ଟିକେଟ କିଣିପାରିବେ । ଦୈନିକ ଚାରିଥର ଟିକେଟ ଦର୍ଶନ ହେବ । ପ୍ରତିଭୋଗ ପରେ ଟିକେଟ କିଣିଥିବା ଦର୍ଶନାର୍ଥୀ ଭିତର କାଠଠାରେ ମହାପ୍ରଭୁଙ୍କ ଦର୍ଶନ କରିପାରିବୋ ଏଭଳି ନିଷ୍ପତ୍ତି ନଭେମ୍ବର ୨୬ ତାରିଖରେ ଶ୍ରୀମନ୍ଦିର ପରିଚାଳନା କମିଟି ନେଇଥିଲା । ଏହି ବ୍ୟବସ୍ଥାରେ ପ୍ରତିଦିନ ୬୦ ଭାଗ ଟିକେଟ ଅନ୍‌ଲାଇନରେ, ୩୫ ଭାଗ ସିଂହଦ୍ୱାରଠାରେ ବିକ୍ରି ହେବ । ବାକି ପାଞ୍ଚ ପ୍ରତିଶତ ଟିକେଟ ଶ୍ରୀମନ୍ଦିର ପ୍ରଶାସନ ନିୟନ୍ତ୍ରଣରେ ରହିବ ବୋଲି ନିଷ୍ପତ୍ତି ନିଆଯାଇଥିଲା । ଏହି ବ୍ୟବସ୍ଥା ୨୦୧୯ ଜାନୁଆରି ମାସରେ କାର୍ଯ୍ୟକାରୀ ହେବ ବୋଲି ଘୋଷଣା କରାଯାଇଥିଲା । ହେଲେ ଆଜି ପର୍ଯ୍ୟନ୍ତ ଏହା କାର୍ଯ୍ୟକାରୀ ହୋଇପାରିନାହିଁ ।
ଏହି ଅନ୍‌ଲାଇନ୍‌ ଟିକେଟ ଦର୍ଶନ ଆରମ୍ଭ ହେବା ପୂର୍ବରୁ ଶ୍ରୀମନ୍ଦିର ପ୍ରଶାସନକୁ ମାର୍ଗ ଦର୍ଶନ ଦେବାକୁ ଏକ ସବ୍‌କମିଟି ଗଠନ ହୋଇଥିଲା । ସବ୍‌ କମିଟିର ବୈଠକ ବସିସାରିଛି । ମାର୍ଗଦର୍ଶିକା ମଧ୍ୟ ପ୍ରସ୍ତୁତ ହୋଇସାରିଛି । ତଥାପି ଏହାକୁ ଲାଗୁ କରାଯାଇ ପାରିନଥିବାରୁ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି । ବିଶେଷକରି ଅନ୍‌ଲାଇନ ଟିକେଟ ଦର୍ଶନ ଉପାର୍ଜନରୁ ସେବାୟତମାନେ କେତେ ଭାଗ ପାଇବେ ସେନେଇ କୌଣସି ନିଷ୍ପତ୍ତି ହୋଇପାରିନଥିବା ଖବର ମିଳିଛି । ସେହିଭଳି ଭକ୍ତଙ୍କୁ ସେବା ସୁବିଧା ପାଇଁ ପ୍ରସ୍ତାବିତ ବେଢ଼ା ପରିକ୍ରମା ନିର୍ମାଣ ବି ହୋଇନାହିଁ । ଏହି କାରଣରୁ ଅନ୍‌ଲାଇନ୍‌ରେ ଦର୍ଶନୀ ଟିକେଟ ବିକ୍ରି ଆରମ୍ଭ ହୋଇ ପାରିନଥିବା ଅନୁମାନ କରାଯାଉଛି ।
ତିରୁମଲ୍ଲା ତିରୁପତି ମନ୍ଦିର ଢାଞ୍ଚାରେ ଏହି ଟିକଟ ଦର୍ଶନ ଆରମ୍ଭ କରିବାକୁ ଶ୍ରୀମନ୍ଦିର ପ୍ରଶାସନ ନିଷ୍ପତ୍ତି ନେଇଥିଲା । ତିରୁପତି ମନ୍ଦିର ଭଳି ବେଢ଼ା ପରିକ୍ରମାର ସୁବିଧା ସୁଯୋଗ ନଥାଇ ଶ୍ରୀମନ୍ଦିରରେ ଅନ୍‌ଲାଇନ ଟିକେଟ ଦର୍ଶନ ବ୍ୟବସ୍ଥା ଲାଗୁ କରିବାକୁ ପ୍ରଶାସନ ପଛଉ ଥିବାର ଆଶଙ୍କା କରାଯାଉଛି ।
ଶ୍ରୀମନ୍ଦିର ଚାରିପାଖରେ ପରିକ୍ରମା ମାର୍ଗ ନିର୍ମାଣ ଯୋଜନା ଥିଲା । ଏହି ଯୋଜନାରେ ଏକ ଘରୋଇ ସଂସ୍ଥା ଅନୁଦାନ ଦେବା ଏବଂ ନିଜେ ଏହି ଡିଜାଇନକୁ ପ୍ରସ୍ତୁତ କରି କାର୍ଯ୍ୟାକରୀ କରିବାକୁ ଏବେ ସହମତି ଦେଇଛି । ଏହି ପରିକ୍ରମା ଯୋଜନାକୁ ପ୍ରଶାସନ ଅପେକ୍ଷା କରିଛି ନା’ ଟିକେଟ ବିକ୍ରିରେ ଆଉ କିଛି ଅସୁବିଧା ରହିଛି ତାହା ଏବେ ଚର୍ଚ୍ଚାର ବିଷୟ ହୋଇଛି ।
ଏହି ଦର୍ଶନ ବ୍ୟବସ୍ଥାର ରୂପରେଖ ନିର୍ଦ୍ଧାରଣ ପାଇଁ ଏକ ସବ୍‌କମିଟି ଗଠନ କରାଯାଇଛି । ଏହି ସବ୍‌ କମିଟିରେ କେନ୍ଦ୍ରାଞ୍ଚଳ ଆଇଜି, ପୁରୀ ଏସ୍‌ପି, ଜିଲ୍ଲାପାଳ, ପରିଚାଳନା କମିଟିର ଚାରିଜଣ ସଦସ୍ୟଙ୍କ ବ୍ୟତୀତ ସିଂହାରୀ, ପୂଜାପଣ୍ଡା, ପ୍ରତିହାରୀ, ସୁଆରବଡୁ ସେବକ ପ୍ରତିନିଧି ଅଛନ୍ତି । ସିଂହାରୀ, ପୂଜାପଣ୍ଡା, ପ୍ରତିହାରୀ, ସୁଆରବଡୁ ଆଦି ସେବାୟତ ପୂର୍ବରୁ ଶ୍ରୀମନ୍ଦିରରେ ପ୍ରଚାଳିତ ପରିମାଣିକ ଟିକଟ ଦର୍ଶନରୁ ପ୍ରାପ୍ୟ ପାଉଥିଲେ । ଏହି କାରଣରୁ ସେମାନଙ୍କୁ ଏହି ସବ୍‌ କମିଟିରେ ନିଆଯାଇଛି । ଟିକେଟ ଦର, ଦର୍ଶନ ସମୟ ଆଦି ସମ୍ପର୍କରେ ସବ୍‌ କମିଟି ବୈଠକ ନିଷ୍ପତ୍ତି ନେବ ବୋଲି ଗଣମାଧ୍ୟମକୁ ଶ୍ରୀମନ୍ଦିର ପ୍ରଶାସନ ସୂଚନା ଦେଇଥିଲେ ।
ଜାନୁଆରି ମାସରୁ ଏହି ଟିକେଟ ଦର୍ଶନ ବ୍ୟବସ୍ଥା ଆରମ୍ଭ ହୋଇନଥିବାରୁ ଏହି ସବ୍‌ କମିଟି ତାର ରିପୋର୍ଟ ଦେଇଛି କି ନାହିଁ ସେନେଇ ବି ବିଭ୍ରାନ୍ତି ଲାଗି ରହିଛି । ସେହିଭଳି ଘୋଷଣା ମୁତାବକ ସବ୍‌ କମିଟିର ସୁପାରିସକୁ ଶ୍ରୀମନ୍ଦିର ଛତିଶା ନିଯୋଗ ବୈଠକରେ ଉପସ୍ଥାପନ କରାଯାଇ ନାହିଁ । ଛତିଶା ନିଯୋଗ ଅନୁମୋଦନ ପରେ ଏହି ଟିକଟ ଦର୍ଶନକୁ ଲାଗୁ କରାଯିବ ବୋଲି ଘୋଷଣା କରାଯାଇଥିଲା । ବର୍ତ୍ତମାନ ସୁଦ୍ଧା ଏହି ସୁପାରିସକୁ ଛତିଶା ନିଯୋଗ ବୈଠକରେ ଉପସ୍ଥାପନ କରାଯାଇ ନାହିଁ । ଏହ କାରଣରୁ ସବ୍‌ କମିଟିର ମତିଗତି ନେଇ ମଧ୍ୟ ସ୍ୱଷ୍ଟ ସୂଚନା ମିଳୁନାହିଁ ।
ଉଲ୍ଲେଖନୀୟ, ସୁପ୍ରିମକୋର୍ଟଙ୍କ ଆଦେଶକ୍ରମେ ରାଜ୍ୟ ସରକାର ଗଠନ କରିଥିବା ତିନି ଜଣିଆ କମିଟିର ସୁପାରିସ ଆଧାରରେ ଅନ୍‌ଲାଇନ ଟିକେଟ ବିକ୍ରି ଓ ଦର୍ଶନ ବ୍ୟବସ୍ଥା ଲାଗୁ କରିବାକୁ ପରିଚାଳନା କମିଟି ନିଷ୍ପତ୍ତି ନେଇଥିଲା । ଏବେ ଏହାକୁ କାର୍ଯ୍ୟକାରୀ କରିବାରେ ବିଳମ୍ବ ଦେଖାଦେଇଛି