PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ରାବ୍ରୀଙ୍କ ବୟାନ: ମହାମେଣ୍ଟରେ ମିଶିବାକୁ ଚାହୁଁଛନ୍ତି ନୀତୀଶ

source:www.ndtv.com

ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ପତ୍ନୀ ରାବ୍ରୀ ଦେବୀ ବଡ ବୟାନ ଦେଇଛନ୍ତି । କହିଛନ୍ତି ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ମୁଖ୍ୟ ନୀତୀଶ କୁମାର ବିଜେପି ନେତୃତ୍ୱାଧୀନ ଏନ୍‌ଡିଏରେ ରହିଥିଲେ ମଧ୍ୟ ଆଦୌ ସନ୍ତୁଷ୍ଟ ନୁହନ୍ତି । ସେଥିପାଇଁ ଚଳିତ ଲୋକସଭା ନିର୍ବାଚନରେ ମହାମେଣ୍ଟ ପକ୍ଷରୁ ତାଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ଉପସ୍ଥାପନ କରିବାକୁ ସେ ଚାହୁଁଥିଲେ । ଏଭଳି କରାଗଲେ ୨୦୨୦ରେ ଆରଜେଡି ନେତା ତେଜସ୍ୱୀ ଯାଦବଙ୍କୁ ସେ ବିହାରର ମୁଖ୍ୟମନ୍ତ୍ରୀ କରିବା ଲାଗି ଆଗ୍ରହ ପ୍ରକାଶ କରିଥିଲେ ।

ଗଣମାଧ୍ୟମକୁ ସାକ୍ଷାତକାର ଦେଇ ରାବ୍ରୀ କହିଛନ୍ତି ନୀତୀଶଙ୍କୁ ଏନ୍‌ଡିଏ, ବିଜେପି କିମ୍ବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେହିହେଲେ ଗୁରୁତ୍ୱ ଦେଉନାହାନ୍ତି । ଏନ୍‌ଡିଏରେ ରହିଥିଲେ ମଧ୍ୟ ବିଜେପି ଚାପରେ ସେ ଅଣନିଶ୍ୱାସୀ ହୋଇପଡିଲେଣି । ତେଣୁ ଏନ୍‌ଡିଏ ଛାଡି ସେ ମହାମେଣ୍ଟରେ ସାମିଲ ହେବାକୁ ଆଗ୍ରହ ପ୍ରକାଶ କରିଛନ୍ତି । ସେଥିପାଇଁ ତାଙ୍କର ରାଜନୈତିକ ପରାମର୍ଶଦାତା ପ୍ରଶାନ୍ତ କିଶୋର ତାଙ୍କୁ ୫ ଥର ଭେଟିବାକୁ ଆସିଛନ୍ତି । ପ୍ରଶାନ୍ତ କିଶୋର କହିଛନ୍ତି ନୀତୀଶ ୨୦୨୦ବେଳକୁ ତେଜସ୍ୱୀଙ୍କୁ ରାଜ୍ୟର ମୁଖ୍ୟମନ୍ତ୍ରୀ କରିବାକୁ ଚାହୁଁଛନ୍ତି । ତେବେ ଏଥିପାଇଁ ମହାମେଣ୍ଟ ପକ୍ଷରୁ ନୀତୀଶଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ଉପସ୍ଥାପନ କରିବାକୁ ପଡିବ ବୋଲି ସେ ଦର୍ଶାଇଥିଲେ । ବିହାରର ବାସିନ୍ଦା ପ୍ରଶାନ୍ତ କିଶୋର ୨୦୧୫ ଲୋକସଭା ନିର୍ବାଚନ ବେଳେ ନୀତୀଶଙ୍କ ପାଇଁ କାର୍ଯ୍ୟ କରିଥିଲେ । ୨୦୧୮ରେ ସେ ଜେଡିୟୁରେ ଯୋଗଦେଇଥିଲେ ଓ ନୀତୀଶଙ୍କ ରାଜନୈତିକ ପ୍ରଚାରର ସଫଳତା ପଛରେ ତାଙ୍କର ହାତଥିବା ଦାବି କରିଛନ୍ତି । ଚଳିତ ଲୋକସଭା ନିର୍ବାଚନରେ ରାଜ୍ୟରେ ବିଜେପିକୁ ମହାମେଣ୍ଟ ପରାସ୍ତ କରିବ ବୋଲି ରାବ୍ରୀ ଦୃଢ଼ ଆଶା ରଖିଛନ୍ତି । କହିଛନ୍ତି ଲାଲୁ ଏଠାରେ ଆଜି ନାହାନ୍ତି । କିନ୍ତୁ ଲୋକସଭା ନିର୍ବାଚନରେ ମହାମେଣ୍ଟ ୪୦୦ରୁ ଅଧିକ ଆସନ ପାଇବ ।

ବିରୋଧୀଙ୍କୁ ଟାର୍ଗେଟ କରି ରାବ୍ରୀ କହିଛନ୍ତି ସେମାନେ ଲାଲୁଙ୍କ ଜେଲ୍‌ରେ ରଖିଛନ୍ତି । କିନ୍ତୁ ମଞ୍ଜୁ ବର୍ମା ମାମଲାରେ କିଛି ଏପର୍ଯ୍ୟନ୍ତ ମିଳିନାହିଁ । ଲାଲୁ ଗୋଖାଦ୍ୟ ଦୁର୍ନୀତି ମାମଲାରେ ଆଦୌ ସମ୍ପୃକ୍ତ ନାହାନ୍ତି । ଗରିବଙ୍କ କଥା ସେ ସର୍ବଦା ଉଠାଇ ଆସିଛନ୍ତି । ତାଙ୍କୁ ଧନ୍ୟବାଦ ଦେବା ବଦଳରେ ମିଥ୍ୟା ଗୋଖାଦ୍ୟ ମାମଲାରେ ଜେଲ୍‌ରେ ଠୁଙ୍କି ଦିଆଯାଇଛି । ସେହିଭଳି ତେଜସ୍ୱୀ କହିଛନ୍ତି ନୀତୀଶ ପ୍ରଥମେ ସ୍ପଷ୍ଟ କରନ୍ତୁ ସେ ପ୍ରଶାନ୍ତ କିଶୋରଙ୍କୁ ତାଙ୍କ ଘରକୁ ପଠାଇଥିଲେ ନା ନାହିଁ । ମହାମେଣ୍ଟରେ ନୀତୀଶଙ୍କ ଯୋଗଦାନ ସମ୍ପର୍କରେ ତେଜସ୍ୱୀ କହିଛନ୍ତି କି ସତ ହେଉଛି ସତ । ତାକୁ କେହି ଅସ୍ୱୀକାର କରିପାରିବେ ନାହିଁ । ନୀତୀଶ ବାହାରକୁ ଆସନ୍ତୁ ଏବଂ ସେ ମହାମେଣ୍ଟରେ ସାମିଲ ହେବା ବିଷୟ ଘୋଷଣା କରନ୍ତୁ । ପ୍ରଶାନ୍ତ କିଶୋର ତାଙ୍କ ଘରକୁ ଆସିବା ସହିତ ଲାଲୁ ଓ ଅନ୍ୟ କେତେକ କଂଗ୍ରେସ ନେତାଙ୍କୁ ଭେଟିଥିବା ତେଜସ୍ୱୀ ସ୍ପଷ୍ଟ କରିଛନ୍ତି । ସେହିଭଳି ଆର୍‌ଜେଡି ଟିକେଟରେ ମାଧେପୁରା ଲୋକସଭା ଆସନରୁ ଲଢ଼ୁଥିବା ଶରଦ ଯାଦବ ମଧ୍ୟ କହିଛନ୍ତି କି ନୀତୀଶ ମହାମେଣ୍ଟକୁ ଫେରିବା ଲାଗି ଆଗ୍ରହ ପ୍ରକାଶ କରିଛନ୍ତି । ବିହାରର ସମସ୍ତ ୪୦ଟି ଯାକ ଲୋକସଭା ଆସନରେ ଏପ୍ରିଲ ୧୧ରୁ ମେ ୧୯ ତାରିଖ ପର୍ଯ୍ୟନ୍ତ ୭ଟି ପର୍ଯ୍ୟାୟରେ ମତଦାନ ଅନୁଷ୍ଠିତ ହେଉଛି । ଆସନ୍ତା ମେ ୨୩ ତାରିଖରେ ଭୋଟ ଗଣତି କରାଯିବା ସହିତ ନିର୍ବାଚନ ଫଳ ମଧ୍ୟ ପ୍ରକାଶ ପାଇବ ।

ସମ୍ବନ୍ଧିତ ଖବର