ନୂଆଦିଲ୍ଲୀ, ୧୮/୫: ଆଖି ସର୍ଜରୀ ସାରି ବ୍ରିଟେନରୁ ଭାରତ ଫେରିଲେ ଆମ୍ ଆଦମୀ ପାର୍ଟି ରାଜ୍ୟସଭା ସାଂସଦ ରାଘବ ଚଡ୍ଡା । ଏହାପରେ ଶନିବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଯାଇ ତାଙ୍କ ବାସଭବନରେ ଦେଖା କରିଛନ୍ତି । ଆପର ରାଜ୍ୟସଭା ସାଂସଦ ରାଘବ ଚଡ୍ଡା ଅନେକ ଦିନ ଧରି ଆଖି ସର୍ଜରୀ ପାଇଁ ଲଣ୍ଡନରେ ଥିଲେ। ଏହାରି ମଧ୍ୟରେ ତାଙ୍କର ଅନୁପସ୍ଥିତିରେ ଅନେକ ପ୍ରଶ୍ନ ଉଠୁଥିଲା । କିନ୍ତୁ ପାର୍ଟି କହିଥିଲା ଯେ ସେ ଠିକ ହେବା ମାତ୍ରେ ଆସିଯିବେ। ତେବେ ଗତମାସରେ ଦିଲ୍ଲୀରେ ଜଣେ ମନ୍ତ୍ରୀ କହିଥିଲେ ଯେ, ରାଘବଙ୍କ ଆଖିରେ ଗମ୍ଭୀର ରୋଗ ହୋଇଛି ଯାହାଦ୍ବାରା ସେ ଭବିଷ୍ୟତରେ ଅନ୍ଧ ହୋଇପାରନ୍ତି ବୋଲି କହିଥିଲେ।
ପ୍ରକାଶ ଥାଉକି, ରାଘବ ଚଡ୍ଡା ଆମ ଆଦମୀ ପାର୍ଟିର ପ୍ରମୁଖ ଚେହେରା ମଧ୍ୟରୁ ଜଣେ। ସେ ଦିଲ୍ଲୀ ଭେଙ୍କଟେଶ୍ବର କଲେଜରୁ ଏକ ବର୍ଷ ସ୍ନାତକ କରିଛନ୍ତି । ଏହାପରେ ସେ କିଛି ପାଠପଢା ପାଇଁ ଲଣ୍ଡନ ସ୍କୁଲ ଅଫ ଇକୋନମିକ୍ସ ବି ଯାଇଥିଲେ । ରାଜନୀତିକୁ ଆସିବା ପୂର୍ବୁରୁ ରାଘବ ଅନେକ ବଡ କମ୍ପାନୀର ସିଏ ଭାବରେ କାମ କରିସାରିଛନ୍ତି।