PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ଉଠା ଜଳସେଚନ ନିଗମ ଅଧ୍ୟକ୍ଷ ପଦ ଛାଡ଼ିଲେ ରଘୁ, ବିଜେଡିରେ ରହିଥିବା କଥା ସ୍ପଷ୍ଟ କଲେ

ଭୁବନେଶ୍ୱର,୩୧ା୩(ବ୍ୟୁରୋ): ଉଠା ଜଳସେଚନ ନିଗମ ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି ବାଲେଶ୍ୱର ଜିଲ୍ଲାର ହେଭିୱେଟ୍‌ ନେତା ତଥା ପୂର୍ବତନ ବିଧାୟକ ରଘୁ ମହାନ୍ତି । ପୂର୍ବାହ୍ନରେ ନବୀନ ନିବାସ ଆସି ମୁଖ୍ୟମନ୍ତ୍ରୀଙ୍କୁ ଭେଟି ନିଜର ଇସ୍ତଫା ପତ୍ର ଦେଇଛନ୍ତି । ସେ ଦଳର ଉପସଭାପତି ଭାବେ ଏବେ ବି ଅଛନ୍ତି ଆଉ ଦଳ ପାଇଁ କାମ କରିବେ ବୋଲି କହିଛନ୍ତି । ପୁତ୍ର ବଧୂଙ୍କୁ ନିର୍ଯାତନା ମାମଲାରେ ଛନ୍ଦିହେବା ପରେ ବିଜେଡି ରଘୁ ମହାନ୍ତିଙ୍କୁ ମନ୍ତ୍ରୀ ପଦରୁ ବିଦା କରିବା ସହ ଦଳରୁ ବହିଷ୍କାର କରିଥିଲା । ଏମିତିକି ପାଞ୍ଚ ଥରର ବିଧାୟକ ଥିବା ରଘୁଙ୍କୁ ଦଳ ୨୦୧୪ରେ ଟିକେଟ ଦେଇନଥିଲେ । ପରେ ରଘୁ ପ୍ରତ୍ୟକ୍ଷ ରାଜନୀତିରୁ ଏକ ପ୍ରକାର ଦୂରେଇ ଯାଇଥିଲେ । ତାଙ୍କର ପାରିବାରିକ ବିବାଦର ସମାଧାନ ପରେ ଦଳ ୨୦୧୮ରେ ରଘୁଙ୍କୁ ଦଳକୁ ଫେରାଇ ଆଣିଥିଲା ।

ବିଜେଡି ସୁପ୍ରିମୋ ତାଙ୍କୁ ଉପସଭାପତି ଦାୟିତ୍ୱ ସହ ଢେଙ୍କାନାଳ ଜଲି୍ଲା ପାଇଁ ପର୍ଯ୍ୟବେକ୍ଷକ ନିଯୁକ୍ତି କରିଥିଲେ । ପରବର୍ତ୍ତୀ ସମୟରେ ଉଠା ଜଳସେଚନ ନିଗମ ଅଧ୍ୟକ୍ଷ ପଦ ଦିଆଯିବା ସହ କ୍ୟାବିନେଟ ପାହ୍ୟା ଦିଆଯାଇଥିଲା । ଆଜି ସେ ଏହି ପଦରୁ ଇସ୍ତଫା ଦେଇଛନ୍ତି । ଆସନ୍ତା ନିର୍ବାଚନରେ ସେ ବିଜେଡି ଟିକେଟ୍‌ରେ ବସ୍ତାରୁ ଲଢ଼ିବାକୁ ସେ ଆଶାୟୀ ଅଛନ୍ତି । ଦଳ ତାଙ୍କୁ ବସ୍ତାରୁ ଛିଡ଼ା କରିବାକୁ ନିଷ୍ପତ୍ତି ନେଇଛି । ସେଥିପାଇଁ ସେ ଉଠାଜଳସେଚନ ଅଧ୍ୟକ୍ଷ ପଦରୁ ଇସ୍ତଫା ଦେଲେ ବୋଲି କେହି କେହି କହୁଥିବା ବେଳେ ଆଉ ଏକ ଗୋଷ୍ଠୀର କହିବା କଥା ହେଲା ରଘୁ ଟିକେଟ ପାଉନଥିବା ସୁରାକ ପାଇ ଦଳ ଉପରେ ଚାପ ପକାଇବାକୁ ଉଠା ଜଳସେଚନ ନିଗମ ପଦରୁ ଇସ୍ତଫା ଦେଇଛନ୍ତି ।