ନୂଆଦିଲ୍ଲୀ ୩୦/୩: କରୋନା ଭାଇରସ ଲଢ଼େଇରେ ସାମିଲ ହେବା ସହ ଭାରତର ଟେଷ୍ଟ ବ୍ୟାଟିଂ ସ୍ପେଶାଲିଷ୍ଟ ଅଜିଙ୍କ୍ୟା ରାହାଣେ ଆଜି ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ୧୦ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିଛନ୍ତି । ସେ ଟ୍ୱିଟ୍ କରି ଏବିଷୟ ସୂଚନା ଦେଇଛନ୍ତି । ସେ କହିଛନ୍ତି, ସମୁଦ୍ରକୁ ଶଙ୍ଖେ ଭଳି ମୁଁ କରୋନା ଲଢ଼େଇରେ କିଛିଟା ଯୋଗଦାନ କରିଛି । ଦେଶର କଠିନ ସମୟରେ ମୁଁ ଶ୍ରେଷ୍ଠ ଯୋଗଦାନ ଦେବା ପାଇଁ ପ୍ରସ୍ତୁତ ଅଛି । ଏହାବ୍ୟତୀତ ରାହାଣେ ଦେଶବାସୀଙ୍କୁ ସଚେତନାର ବାର୍ତ୍ତା ଦେବାକୁ ଭୁଲି ନାହାନ୍ତି । ସେ କହିଛନ୍ତି, ଏବେ ଘରେ ରୁହନ୍ତୁ, ସୁରକ୍ଷୀତ ରୁହନ୍ତୁ ।’ ଅନ୍ୟ ପକ୍ଷରେ ଝାଡ଼ଖଣ୍ଡର ଯୁବ କ୍ରିକେଟର ଈଶାନ କିଷନ ଓ ସୌରଭ ତିୱାରୀ ପ୍ରତ୍ୟେକ ଦେଢ଼ ଲକ୍ଷ ଟଙ୍କା ଲେଖାଏଁ ଦାନ କରିଛନ୍ତି । ରାହାଣେଙ୍କ ସ୍ୱଳ୍ପ ସହାୟତା ରାଶିକୁ ନେଇ ଅନେକ ପ୍ରଶ୍ନ ଉଠାଇଥିବା ଜଣାପଡ଼ିଛି । ବିସିସିଆଇ ଜାତୀୟ ଚୁକ୍ତିରେ ସାମିଲ ଥିଲେ ମଧ୍ୟ ଏତେ କମ୍ ସହାୟତା ରାଶି ଦେଇଥିବାରୁ ସମାଲୋଚନାର ଶିକାର ହୋଇଛନ୍ତି ।
ଓଡ଼ିଶାରେ ପ୍ରଥମ ପର୍ଯ୍ୟାୟ ଭୋଟ ଲାଗି ଆଜି ବିଜ୍ଞପ୍ତି:...