PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠାରୁ ଡବ୍ଲ୍ୟୁଇଏଫ୍‌ ବାର୍ଷିକ ବୈଠକ, ଜଳବାୟୁ ପରିବର୍ତ୍ତନ ଉପରେ ହେବ ଆଲୋଚନା: ଏଜେଣ୍ଡାରେ ବିଶ୍ୱ ଆର୍ଥିକ ସୁଧାର
  • ||
  • ଭୁବନେଶ୍ଵର: ରାଜ୍ୟରେ ସାମାନ୍ୟ ବଢ଼ିଲା ଦୈନିକ ସଂକ୍ରମଣ, ୨୪ ଘଣ୍ଟା ମଧ୍ୟରେ ବାହାରିଲେ ୧୫ ଜଣ କରୋନା ପଜିଟିଭ
  • ||
  • ସାଂସଦ ଅପରାଜିତା ଷଢଙ୍ଗୀଙ୍କ ଫେସବୁକ ଆକାଉଣ୍ଟକୁ ହ୍ୟାକ୍‌, କଟକ କ୍ରାଇମବ୍ରାଞ୍ଚ୍‌ରେ ଦେଲେ ଏତଲା
  • ||
  • ବ୍ରହ୍ମଗିରି: ଭାରସାମ୍ୟ ହରାଇ ଗଛରେ ପିଟିହେଲା କାର୍, ଡ୍ରାଇଭର୍ ସମେତ ୨ ମୃତ
  • ||
  • ସରିଲା ଆବେଦନ, ଜୁଲାଇ ୧୭ରେ ନିଟ୍‌ ପ୍ରବେଶିକା ପରୀକ୍ଷା ଦେବେ ୧୨ ଲକ୍ଷ ଛାତ୍ରଛାତ୍ରୀ
  • ||
  • ପୁଣି ବିବାଦରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ, ରାତି ଅଧିଆ ହେଲା ଜିପିଆର୍‌ଏସ୍ ସର୍ଭେ
  • ||
  • ଦେଶବ୍ୟାପୀ ଖାଉଟିଙ୍କୁ ବଡ ଆଶ୍ବସ୍ତି: ପେଟ୍ରୋଲ ୯.୫୦ ଏବଂ ଡିଜେଲ ଲିଟର ପ୍ରତି କମିଲା ୭ଟଙ୍କା
  • ||
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

‘କଲ୍‌ ମି ରାହୁଲ୍‌, ନଟ୍‌ ସାର୍‌’

source:zeenews.india.com

ଲୋକସଭା ନିର୍ବାଚନ ପୂର୍ବରୁ କଂଗ୍ରେସ ଏହାର ଆଉଟ୍‌ରିଚ୍‌ କାର୍ଯ୍ୟକ୍ରମକୁ ବ୍ୟାପକ କରିଛି । ଏହି କାର୍ଯ୍ୟକ୍ରମର ଅଂଶସ୍ୱରୂପ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଆଜି ଚେନ୍ନାଇର ଷ୍ଟେଲା ମାରିସ୍‌ କଲେଜ ଯାଇଥିଲେ । ସେଠାରେ ସେ ଛାତ୍ରୀମାନଙ୍କ ସହ କିଛି ସମୟ ଧରି ମତବିନିମୟ କରିଥିଲେ । ଛାତ୍ରୀମାନେ ତାଙ୍କୁ ଜଣକ ପରେ ଜଣେ ପ୍ରଶ୍ନ କରିଥିଲେ । କଳାରଙ୍ଗର ଟି-ସାର୍ଟ ଓ ଜିନ୍ସ ପିନ୍ଧି ବେଶ୍‌ ନିଆରା ଦିଶୁଥିବା ରାହୁଲ ହସି ହସି ସେମାନଙ୍କ ପ୍ରଶ୍ନର ଜବାବ ଦେଉଥିଲେ । ଏହି ସମୟରେ ଜଣେ ଛାତ୍ରୀ ତାଙ୍କୁ ‘ହାଏ ସାର୍‌’ ବୋଲି କହିଥିଲେ । କିନ୍ତୁ ତାଙ୍କ ମୁହଁରୁ ଏତିକି ଶୁଣିବା କ୍ଷଣି ରାହୁଲ ତାଙ୍କୁ ଅଟକାଇଥିଲେ । କହିଥିଲେ, ‘କଲ୍‌ ମି ରାହୁଲ୍‌, ନଟ୍‌ ସାର୍‌’ (ମୋତେ କେବଳ ରାହୁଲ ଡାକ, ସାର୍‌ ନୁହେଁ) । ରାହୁଲଙ୍କ ଠାରୁ ଏହା ଶୁଣିବା ପରେ ଆଜ୍ରା ନାମକ ଏହି କଲେଜ ଛାତ୍ରୀ ଜଣକ ଲାଜେଇ ଯାଇ ହସିବାକୁ ଲାଗିଥିଲେ । ଏ ନେଇ ଆଜ୍ରା କୁହନ୍ତି, ରାହୁଲ ସାର୍‌ ମୋତେ ଏଭଳି କହିବା ପରେ ମୁଁ ଡରିଯାଇଥିଲି । କିନ୍ତୁ ତାଙ୍କ ଚାପ ପରେ ତାଙ୍କୁ ରାହୁଲ ସାର୍‌ ବୋଲି ଡାକିଥିଲି । ଏହାପରେ ଖୁସି ନାମ୍ନୀ ଆଉ ଜଣେ ଛାତ୍ରୀ କଂଗ୍ରେସ ଅଧ୍ୟକ୍ଷଙ୍କୁ ରାହୁଲ ସାର୍‌ ବୋଲି ସମ୍ବୋଧନ କରିଥିଲେ । କିନ୍ତୁ ସାର୍‌ ଶବ୍ଦକୁ ହଟାଇବା ପାଇଁ ତାଙ୍କୁ ମଧ୍ୟ ରାହୁଲ ପରାମର୍ଶ ଦେଇଥିଲେ । ଏହି ସମୟରେ ଅନ୍ୟ ଛାତ୍ରୀମାନେ ତାଳିମାରି ରାହୁଲଙ୍କର ପ୍ରଶଂସା କରିଥିଲେ । ଏ ନେଇ ଏକ ଭିଡିଓ ଏବେ ଭାଇରାଲ୍‌ ହେବାରେ ଲାଗିଛି । ଏହି କାର୍ଯ୍ୟକ୍ରମରେ ମୋଦି ନୋଟ୍‌ ବନ୍ଦୀ ବାବଦରେ ମତ ଦେବାକୁ ଛାତ୍ରୀମାନଙ୍କୁ କହିଥିଲେ । ଏହା ମୋଦି ସରକାରଙ୍କର ଏକ ଭଲ ପଦକ୍ଷେପ ଥିଲା କି ବୋଲି ରାହୁଲଙ୍କ ପ୍ରଶ୍ନର ଉତ୍ତରରେ ‘ନା’ ଆସିବା ପରେ ରାହୁଲ କହିଥିଲେ, ଏତେବଡ଼ ପଦକ୍ଷେପ ନେବା ପୂର୍ବରୁ ପ୍ରଧାନମନ୍ତ୍ରୀ ଆପଣମାନଙ୍କ ନିକଟକୁ ଆସିବାର ଥିଲା । କିନ୍ତୁ ସେଭଳି ନକରି ମୋଦି ମନମୁଖି ଭାବେ ନୋଟ୍‌ ବନ୍ଦୀ ଘୋଷଣା କରିଦେଲେ ।