PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଦଳିଲେ ବିଏମସି କମିଶନର, ସଞ୍ଜୟ କୁମାର ସିଂହ ହେଲେ ନୂଆ କମିଶନର
  • ||
  • ବିନିକା : ପରିବା ବୋଝେଇ ପିକଅପ ଭ୍ୟାନକୁ ପିଟିଲା ଟ୍ରକ୍, ୩ ଗୁରୁତର
  • ||
  • ରାଜସୁନାଖଳା : ବନ୍ଧୁକ ମୁନରେ ଦମ୍ପତିଙ୍କୁ ଲୁଟ୍
  • ||
  • କେନ୍ଦୁଝର : କେନ୍ଦୁଝର ଜେଲରେ ପଶିଲା କରୋନା, ୯ କଏଦୀ ପଜିଟିଭ ଚିହ୍ନଟ
  • ||
  • ମାଲକାନଗିରି : ମାଓବାଦୀଙ୍କ ବର୍ବରକାଣ୍ଡ, ଯବାନଙ୍କୁ ଗଳାକାଟି ହତ୍ୟା
  • ||
  • ବୋରିଗୁମ୍ମା : ବୋରିଗୁମ୍ମା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଟିକା ନେବାକୁ ଛକାପଞ୍ଝା, ସାମାଜିକ ଦୂରତାକୁ ଫୁ, ଯେତିକି ଆସୁଛି ଅଣ୍ଟୁନି, ସ୍ଥାନୀୟ ଲୋକେ ଅସନ୍ତୋଷ
  • ||
  • ଭୁବନେଶ୍ଵର : ରାଜ୍ୟରେ ପୁଣି ୧୦ ହଜାର ଟପିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୦ ହଜାର ୯୮୨ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୬୫ ହଜାର ପାର୍
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୭ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୨୩୨କୁ ବୃଦ୍ଧି
  • ||

ଜୟପୁର ମହିଳା ସମାବେଶରେ ରାହୁଲ, କହିଲେ କଂଗ୍ରେସ ଆସିଲେ ମହିଳାଙ୍କ ପାଇଁ ଆସିବ ସ୍ୱତନ୍ତ୍ର ଆଇନ୍

କୋରାପୁଟ ୮/୩:  ଓଡିଶା ଗସ୍ତରେ ଆସି କୋରାପୁଟ ଜିଲ୍ଲା ଜୟପୁରରେ ପହଞ୍ଚିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ମହିଳା ସମାବେଶରେ ଯୋଗଦେଇ ଆନ୍ତର୍ଜାତୀୟ ମହିଳା ଦିବସର ଶୁଭେଚ୍ଛା ଜଣାଇବା ସହ ଉଦବୋଧନ ଦେଇଛନ୍ତି ରାହୁଲ । ପୁଣି ଦୋହରାଇଲେ ଓଡିଶା ଗରିବ ନୁହେଁ, ଓଡିଶାର ଲୋକମାନେ ଗରିବ । ପ୍ରଧାନମନ୍ତ୍ରୀଙ୍କୁ ମଧ୍ଯ ଟାର୍ଗେଟ୍ କରିବାକୁ ଭୁଲି ନାହାନ୍ତି ରାହୁଲ ।

ସମାବେଶରେ ମହିଳାଙ୍କ ସଶକ୍ତିକରଣ କଥା କହିଛନ୍ତି କଂଗ୍ରେସ ଅଧ୍ଯକ୍ଷ । କଂଗ୍ରେସ ଆସିଲେ ମହିଳାଙ୍କ ପାଇଁ ସ୍ୱତନ୍ତ୍ର ଆଇନ୍ ହେବ । ଅଧିକ ମହିଳାଙ୍କୁ ଶାସନ କାର୍ଯ୍ଯରେ ସାମିଲ କରାଯିବ ବୋଲି କହିଛନ୍ତି ।

ଆହୁରି କହିଛନ୍ତି ପ୍ରତିଦିନ ୮ ମହିଳା ଦୁଷ୍କର୍ମର ଶିକାର ହେଉଛନ୍ତି । ପୀଡିତାଙ୍କ ନ୍ୟାୟ ମିଳିବା ସମ୍ଭବ ହେଉନି । ଏନେଇ ମଧ୍ଯ ପଦକ୍ଷେପ ନିଆଯିବ । ମହିଳା ସଶକ୍ତିକରଣ ପାଇଁ ମାଗଣା ଶିକ୍ଷା ଅପରିହାର୍ଯ୍ଯ । ପୂର୍ବଥର ଭଳି ରାହୁଲ କହିଛନ୍ତି ଯେ ଓଡିଶା ଗରିବ ନୁହେଁ । ଓଡିଶାର ଲୋକମାନେ ଗରିବ । ଏଥିପାଇଁ ଶାସନ ବ୍ଯବସ୍ଥା ଦାୟୀ । କେବଳ କଂଗ୍ରେସ ହିଁ ଉତ୍ତମ ଶାସନ ବ୍ୟବସ୍ଥା ଆଣିପାରିବ ।

ସମାବେଶରେ ଛାତ୍ରୀ ଓ ମହିଳାଙ୍କ  ବିଭିନ୍ନ ପ୍ରଶ୍ନର ଉତ୍ତର ରଖିଛନ୍ତି ରାହୁଲ । ପ୍ରଶ୍ନର ଉତ୍ତର ଦେଇ ଓଡିଶା ମନ୍ତ୍ରୀମଣ୍ଡଳରେ ମାତ୍ର ୨ଜଣ ମହିଳା ମନ୍ତ୍ରୀ ଅଛନ୍ତି ବୋଲି କ୍ଷୋଭ କରିଛନ୍ତି । ଆମ ସରକାର ଆସିଲେ ମହିଳା ସଂରକ୍ଷଣ ବିଲ୍ ଆସିବ । ଆଦିବାସୀ ମହିଳାଙ୍କୁ ମାଗଣାରେ ଉଚ୍ଚଶିକ୍ଷା ମିଳିବ ବୋଲି କହିଛନ୍ତି ।

ଆଉ ଏକ ପ୍ରଶ୍ନର ଉତ୍ତର ଦେବାବେଳେ ରାହୁଲ ଗାନ୍ଧି ରାଫେଲ୍ ପ୍ରସଙ୍ଗ ଉଠାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିଛନ୍ତି । ଦେଶବାସୀଙ୍କ ଟଙ୍କାକୁ ପ୍ରଧାନମନ୍ତ୍ରୀ ଅମ୍ବାନୀଙ୍କ ଭଳି ବ୍ୟବସାୟୀଙ୍କୁ ଦେଇ ଦେଉଛନ୍ତି । ତେଣୁ ଏଭଳି ଦୁନର୍ନୀତିଗ୍ରସ୍ତ ସରକାରକୁ କ୍ଷମତାରୁ ହଟାଇବା ଆମ ସମସ୍ତଙ୍କ କାମ ବୋଲି କହିଛନ୍ତି । ସେ ଏହା ମଧ୍ୟ କହିଛନ୍ତି ଯେ ମୋଦି କେବଳ କହୁଛନ୍ତି କିଛି କରୁନାହାନ୍ତି । ଆଜିର ପ୍ରଧାନମନ୍ତ୍ରୀ ବହୁତ ମିଛ କହୁଛନ୍ତି । ଆଜି ପର୍ଯ୍ୟନ୍ତ ଯେତେ ପ୍ରଧାନମନ୍ତ୍ରୀ ଆସିଥିଲେ ଯଦି ସମସ୍ତଙ୍କ ମିଛକୁ ଏକାଠି କରାହେବ ତେବେ ବି ତାହା ମୋଦିଙ୍କ ମିଛଠାରୁ କମ୍ ହେବ ବୋଲି କହିଛନ୍ତି ରାହୁଲ ।