ନୁଆଦିଲ୍ଲୀ ୧୮/୯: ବୀର ସବରକରଙ୍କ ବିରୁଦ୍ଧରେ ଟ୍ୱିଟ୍ ମାମଲାରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିରୁଦ୍ଧରେ ମୁମ୍ବାଇ ପୋଲିସକୁ ଯାଞ୍ଚ କରିବା ପାଇଁ ମାଜିଷ୍ଟ୍ରେଟ୍ କୋର୍ଟ ଆଦେଶ ଦେଇଛନ୍ତି । ୨୦୧୬ରେ ରାହୁଲ ଗାନ୍ଧୀ ବୀର ସବରକରଙ୍କ ବିରୁଦ୍ଧରେ ଆପତ୍ତିଜନକ ଟ୍ୱିଟ୍ କରିଥିଲେ । ଏହି ମାମଲାରେ ରାହୁଲ ଗାନ୍ଧୀଙ୍କୁ ମୁମ୍ବାଇର ଭୋଇୱାଡା କୋର୍ଟରେ ଅନୁପସ୍ଥିତ ରହିବା ପରେ କୋର୍ଟ ପୋଲିସକୁ ଯାଞ୍ଚ ପାଇଁ ଆଦେଶ ଦେଇଛନ୍ତି । ବୀର ସବରକରଙ୍କ ଉପରେ ଟିପ୍ପଣୀ ମାମଲାରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ମୁମ୍ବାଇ ପୋଲିସ ପଚରାଉଚରା କରିବ ।

ସ୍ୱାୟତ୍ତ ବୀର ସବରକର ସଂସ୍ଥାର କହିବାନୁସାରେ ମୁମ୍ବାଇର ଭୋଇୱାଡା କୋର୍ଟ ବୁଧବାର ଏହି ମାମଲାରେ ଆଇ.ପି.ସି ଧାରା ୨୦୨ ଅନୁସାରେ ମୁମ୍ବାଇ ପୋଲିସକୁ ଆଦେଶ ଜାରି କରିଛି ।

୨୦୧୬ରେ ରାହୁଲ ଗାନ୍ଧୀ ବୀର ସବରକରଙ୍କୁ ନେଇ ଏକ ଆପତ୍ତିଜନକ ଟିପ୍ପଣୀ କରିଥିଲେ । ଏହା ପରେ ରଣଜୀତ ସବରକର ମୁମ୍ବାଇ ପୋଲିସ ଶିବାଜୀ ପାର୍କ ପୋଲିସ ଷ୍ଟେସନରେ ରାହୁଲଙ୍କ ବିରୁଦ୍ଧରେ ଅଭିଯୋଗ କରିଥିଲେ । ଅଭିଯୋଗକାରୀଙ୍କ ଓକିଲଙ୍କ କହିବାନୁସାରେ ‘କୋର୍ଟଙ୍କ ଶୁଣାଣି ସମୟରେ ରାହୁଲ ଅନୁପସ୍ଥିତ ଥିବାରୁ ମୁମ୍ବାଇ ପୋଲିସକୁ ଯାଞ୍ଚ କରିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି ।