ମୋଦୀଙ୍କୁ ରାହୁଲଙ୍କ ଚ୍ୟାଲେଞ୍ଜ୍, ଯଦି ସାହସ ଅଛି ତେବେ…

ନୂଆଦିଲ୍ଲୀ, ୧୩|୦୧: ନୂଆଦିଲ୍ଲୀରେ ଆଜି ଅନେକ ବିରୋଧୀ ଦଳ ସିଏଏ ଓ ଏନଆରସି ବିରୋଧରେ ଏକଜୁଟ ହୋଇଥିଲେ। ବିଭିନ୍ନ ଦଳଙ୍କୁ ନେଇ ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା। ବୈଠକ ପରେ କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀ ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଟନା କରିଥିଲେ। ରାଜ୍ୟର ଯୁବକମାନେ ଯେଉଁ ସ୍ୱର ଉଠାଉଛନ୍ତି ତାକୁ ସରକାର ବିଚାର କରିବା ଉଚିତ ବୋଲି ସେ କହିଥିଲେ।

ରାହୁଲ ଆହୁରି କହିଥିଲେ ଯେ, ଦେଶର ଯୁବକଙ୍କୁ କିପରି ରୋଜଗାର ମିଳିବ, ଦେଶର ଆର୍ଥିକ ବ୍ୟବସ୍ଥା କିପରି ସୁଧୁରିବ ତାହା ଉପରେ ଜବାବ ରଖନ୍ତୁ। ଏହାକୁ ନେଇ ଯୁବକଙ୍କ ମନରେ ରାଗ ଓ ଡର ମଧ୍ୟ ରହିଛି। ସରକାର ରାସ୍ତା ଦେଖାଇବାରେ ଅସଫଳ ହୋଇଛନ୍ତି। ତେଣୁ ବିଭିନ୍ନ ବିଶ୍ୱବିଦ୍ୟାଳୟରେ ହିଂସା ବୃଦ୍ଧି ପାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହା ଉପରୁ ଧ୍ୟାନ ହଟାଇବାକୁ ଚାହୁଁଛନ୍ତି। କିନ୍ତୁ ଯୁବକଙ୍କ ସ୍ୱରକୁ ସରକାର ଚାପି ପାରିବେ ନାହିଁ।

ସେ ସରକାରଙ୍କ ବିରୋଧରେ ଅଭିଯୋଗ ଆଣିଛନ୍ତି ଯେ, ଦେଶକୁ ବିଭାଜନ କରି ଲୋକଙ୍କ ଧ୍ୟାନ ହଟାଇବାକୁ ଚେଷ୍ଟା କରାଯାଉଛି। ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗକୁ ସରକାର ଏଡାଇ ଦେଉଛନ୍ତି। ଏହାସହ ସେ ମୋଦୀଙ୍କ ଚ୍ୟାଲେଞ୍ଜ କରିଛନ୍ତି। ମୋଦୀ ବିନା ସୁରକ୍ଷାକର୍ମୀରେ କୌଣସି ବିଶ୍ୱବିଦ୍ୟାଳୟକୁ ପ୍ରବେଶ କରନ୍ତୁ ବୋଲି ରାହୁଲ ଚ୍ୟାଲେଞ୍ଜ ଦେଇଛନ୍ତି। ମୋଦୀ ସାହସର ସହ ଛାତ୍ରଙ୍କ ବେରୋଜଗାର ବାବଦରେ ନ କହି ପୋଲିସ ଦ୍ୱାରା ସେମାନଙ୍କ ସ୍ୱରକୁ ଚାପି ଦେଉଛନ୍ତି।  

   ସମ୍ବନ୍ଧିତ ଖବର


ରାଜସ୍ଥାନ ହାଇକୋର୍ଟର ମୁଖ୍ୟ ବିଚାରପତି କରୋନା ପଜିଟିଭ୍

ଲାଲ୍‌ କିଲ୍ଲାରୁ ସାଇବର ଓ୍ୱାର ପ୍ରତିହତ ପାଇଁ ପ୍ରଧାନମନ୍ତ୍ରୀଙ୍କର ବଡ ଘୋଷଣା

ଇଏ ସେହି ମହିଳା, ଯିଏ ପୁରା ବିଶ୍ୱ ପାଇଁ ତିଆରି କରନ୍ତି Indian Flag

କରୋନା କାଳରେ ଚାଲିଛି ଅରବପତିଙ୍କ ବିଳାସପୂର୍ଣ୍ଣ ପାର୍ଟି, ଅତିଥିଙ୍କର ପ୍ରତି ୧୫ ମିନିଟରେ ହେଉଛି କୋଭିଡ୍ ଟେଷ୍ଟ

କୋଭିଡ୍‌ ପାଇଁ ରୁଷ୍‌ରେ ପ୍ରଥମ ବ୍ୟାଚ ଟିକା ଉତ୍ପାଦନ ଆରମ୍ଭ

ସୁଶାନ୍ତଙ୍କ ପୋଷ୍ଟମର୍ଟମ ରିପୋର୍ଟରେ ନଥିଲା ଡେଥ୍ ଟାଇମ୍, ପ୍ରଶ୍ନ ଉଠାଇଲେ ଓକିଲ