ଆରଏସଏସର ପ୍ରଧାନମନ୍ତ୍ରୀ ଭାରତ ମାତାଙ୍କୁ ମିଛ କହୁଛନ୍ତି- ରାହୁଲ ଗାନ୍ଧୀ
ନୂଆଦିଲ୍ଲୀ, ୨୬|୧୨: ପୂର୍ବତ୍ତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବର୍ଷିଛନ୍ତି। ଡିଟେନ୍ସନ୍ ସେଣ୍ଟରକୁ ନେଇ ନରେନ୍ଦ୍ର ମୋଦୀ ଦେଇଥିବା ବୟାନକୁ ନେଇ ରାହୁଲ ତାଙ୍କୁ ଘେରିଛନ୍ତି।
ରାହୁଲ ଗାନ୍ଧୀ କହିଛନ୍ତି ଯେ, ଆରଏସଏସର ପ୍ରଧାନମନ୍ତ୍ରୀ ଭାରତ ମାତାଙ୍କୁ ମିଛ କହୁଛନ୍ତି। ଆସାମରେ ଡିଟେନ୍ସନ୍ ସେଣ୍ଟରକୁ ନେଇ ଜଡିତ ଏକ ଖବରକୁ ସେ ଟ୍ୱିଟରରେ ସେୟାର କରିଛନ୍ତି।
ଗତ କିଛିଦିନ ତଳେ ମୋଦୀ ରାମଲୀଳା ମଇଦାନରେ ଦେଶରେ ଡିଟେନ୍ସନ୍ ସେଣ୍ଟର ଖୋଲାଯିବା ନେଇ ହେଉଥିବା ଆଲୋଚନାକୁ ଗୁଜବ ଓ ମିଛ ବୋଲି କହିଥିଲେ। କଂଗ୍ରେସ ନେତା ଯେଉଁ ଖବର ସେୟାର କରିଛନ୍ତି, ଏହା ଅନୁସାରେ ଆସାମରେ ଡିଟେନ୍ସନ୍ ସେଣ୍ଟର ପୂର୍ବରୁ ରହିଛି।
ମୋଦୀ ଦିଲ୍ଲୀରେ କହିଥିଲେ ଯେ, ଯେଉଁମାନେ ଭାରତର ମୁସଲମାନ ସେମାନଙ୍କ ପୂର୍ବପୁରୁଷ ଭାରତ ମାତାର ସନ୍ତାନ। ସେମାନଙ୍କର ଏନଆରସି ଓ ସିଏଏ ସହ କୌଣସି ସମ୍ପର୍କ ନାହିଁ। ଦେଶର ମୁସଲମାନଙ୍କୁ ଡିଟେନ୍ସନ୍ ସେଣ୍ଟରକୁ ପଠାଯିବ ନାହିଁ। ଭାରତରେ କୌଣସି ଡିଟେନ୍ସନ୍ ସେଣ୍ଟର ନାହିଁ।
