PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

ମୋଦିଙ୍କ ହାତରେ ନବୀନଙ୍କ ରିମୋଟ୍‌

ଭୁବନେଶ୍ୱର,୨୪ା୧(ବ୍ୟୁରୋ): “ମୋଦିଙ୍କ ହାତରେ ରହିଛି ନବୀନଙ୍କ ରିମୋଟ୍‌ । ମୋଦିଙ୍କ ସବୁ ନିଷ୍ପତ୍ତିରେ ନବୀନ ହଁ ମାରୁଛନ୍ତି । ନବୀନ ପାଲଟିଛନ୍ତି ମୋଦିଙ୍କ ଜୁନିଅର ପାର୍ଟନର” । ଦେହରେ ଗଳି ଗଲା ଭଳି ଏମିତି ଟାଏଁ ଟାଏଁ ଶବ୍ଦରେ ଆକ୍ରମଣ କରିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ।
ଦୀର୍ଘ ସାଢ଼େ ୩ ବର୍ଷ ପରେ ଓଡ଼ିଶାରେ ପାଦ ଥାପିଲେ ରାହୁଲ ।ଏଥର କିନ୍ତୁ ଏକଦମ୍‌ ଆକ୍ରାମଣାତ୍ମକ ଅବତାର ଦେଖିବାକୁ ମିଳିଲା । ୩୨ ମିନିଟ୍‌ର ଭାଷଣରେ କେନ୍ଦ୍ରର ବିଜେପି ସରକାରଠୁ ନେଇ ରାଜ୍ୟର ବିଜେଡି ସରକାର ବିରୋଧରେ ସମାନ୍ତରାଳ ଭାବେ ଆକ୍ରମଣ କରିଛନ୍ତି ରାହୁଲ । ତାଙ୍କ ଆକ୍ରମଣରୁ ନା ମୋଦି ବର୍ତ୍ତିିଲେ ନା ନବୀନ । ନନ୍‌ ଷ୍ଟପ୍‌ ବର୍ଷିଥିଲେ । ରାହୁଲଙ୍କ ଏଭଳି ତାଗଡ଼ା ଆକ୍ରମଣରେ ଆଜି କମ୍ପିଥିଲା ତମାଣ୍ଡୋ ମିନି ଷ୍ଟାଡିୟମ ।
ପ୍ରବଳ ଜନସମାଗମ ଯୋଗୁ ଦୀର୍ଘ ସମୟ ଟ୍ରାଫିକ୍‌ରେ ଫସି ଯାଇଥିଲେ ରାହୁଲ । ପ୍ରାୟ ୨ ଘଣ୍ଟା ବିଳମ୍ବରେ ପହଞ୍ଚିିଲେ ପରିବର୍ତ୍ତନ ସଂକଳ୍ପ ସମାବେଶରେ । ସେ ପହଞ୍ଚିବା ମାତ୍ରେ ରାହୁଲ… ରାହୁଲ… ଧ୍ୱନିରେ କମ୍ପିଥିଲା ତମାଣ୍ଡୋ ପଡ଼ିଆ । ଅପରାହ୍ନ ୪ଟା ୩୫ ମିନିଟ୍‌, ‘ଜୟ ଜଗନ୍ନାଥ’ କହି ଭାଷଣ ଆରମ୍ଭ କଲେ ରାହୁଲ । ଆରମ୍ଭରୁ ଶେଷ ଯାଏଁ ଉଭୟ ମୋଦି ଓ ନବୀନଙ୍କୁ ଘନଘନ ଆକ୍ରମଣ କରିଥିଲେ ।
ମୋଦି-ନବୀନ ଭିତିରି ବୁଝାମଣା ଥିବା ନେଇ ରାହୁଲ ଆକ୍ଷେପ କରିଥିଲେ । ମୋଦିଙ୍କୁ ଟାର୍ଗେଟ କରି ସେ କହିଲେ, ଚୌକିଦାର ଚୋରି କରିଛନ୍ତି । ହେଲେ ଓଡ଼ିଶାରେ ବି ବହୁ ଚୋରି ହେଲାଣି । ଏଠି ଚିଟ୍‌ଫଣ୍ଡ ଦୁର୍ନୀତିରେ ରାଜ୍ୟ ସରକାରଙ୍କ ସଂପୃକ୍ତି ରହିଛି । ଚିଟ୍‌ଫଣ୍ଡ ଦୁର୍ନୀତି ଯୋଗୁ ଓଡ଼ିଶାର ରିମୋଟ୍‌ ଭ୍ରଷ୍ଟ ଚୌକିଦାରଙ୍କ ହାତରେ ରହିଛି । ମୋଦି ଯେମିତି ବଟନ୍‌ ଟିପୁଛନ୍ତି, ନବୀନ ସେମିତି ପରିଚାଳିତ ହେଉଛନ୍ତି । ସଂସଦରେ ବିଲ୍‌ ପାସ୍‌ ହେଉ କି ନୋଟ୍‌ ବନ୍ଦୀ କିମ୍ବା ଜିଏସ୍‌ଟି ପ୍ରସଙ୍ଗ, ମୋଦିଙ୍କ ସବୁ ନିଷ୍ପତ୍ତିରେ ନବୀନ ହଁ ମାରୁଛନ୍ତି । କାରଣ ତାଙ୍କ ରିମୋଟ୍‌ ମୋଦିଙ୍କ ହାତରେ । ନବୀନଙ୍କୁ ମୋଦି ଚପାଇ ରଖିଛନ୍ତି । ଓଡ଼ିଶା ଶାସନକୁ ନାଗପୁର ଓ ଦିଲ୍ଲୀରୁ ଚଳାଯାଉଛି । ଯେଉଁଥିପାଇଁ ଓଡ଼ିଶାକୁ ତା’ର ହକ୍‌ ମିଳୁନି । ଆଉ ନବୀନ କେନ୍ଦ୍ରଠାରୁ ଓଡ଼ିଶାର ହକ୍‌ ମାଗିପାରୁନାହାନ୍ତି ।
ଆକ୍ରମଣ ତୀରକୁ ଆହୁରି ଶାଣିତ କରି ରାହୁଲ କହିଲେ, ନବୀନ-ମୋଦିଙ୍କ ଭିତରେ ପାର୍ଟନରସିପ୍‌ ରହିଛି । ନବୀନ ହେଉଛନ୍ତି ମୋଦିଙ୍କ ଜୁନିଅର ପାର୍ଟନର । ମୋଦି ଯୁଆଡ଼େ ଯାଉଛନ୍ତି କୃଷକଙ୍କର ବିକାଶ କରିବେ ବୋଲି କହି ବୁଲୁଛନ୍ତି । ଆଉ ନବୀନ ଖାଲି ଯୋଜନା ପରେ ଯୋଜନା ଘୋଷଣା କରୁଛନ୍ତି । ରାଜ୍ୟରେ ଦୀର୍ଘ ବର୍ଷ ହେଲାଣି ବିଜେଡି ସରକାରରେ ରହିଛି । ପ୍ରତି ଥର ମିଛ କହୁଛନ୍ତି । ସେହିପରି ସମସ୍ତଙ୍କ ବ୍ୟାଙ୍କ ଆକାଉଣ୍ଟକୁ ୧୫ ଲକ୍ଷ ଟଙ୍କା ଦେବା ନେଇ ମୋଦି ବି ମିଛ କହିଥିଲେ ।
ରାହୁଲ ପୁଣି କହିଲେ, ଦିଲ୍ଲୀର ମୋଦି ସରକାର ଏବଂ ଓଡ଼ିଶାର ନବୀନ ସରକାରଙ୍କ ଚିନ୍ତାଧାରା ବି ସମାନ । ଉଭୟ ସରକାର ୧୦/୧୫ଜଣ ଶିଳ୍ପପତିଙ୍କ ବିକାଶ ପାଇଁ ବ୍ୟଗ୍ର । ଶିଳ୍ପପତିଙ୍କ ହାତରେ ଜନତାଙ୍କ ସମ୍ପତ୍ତି ଟେକି ଦେଇ ଉଭୟ ସରକାର ନିଜର ମାର୍କେଟିଂ କରାଉଛନ୍ତି ।
ରାହୁଲ କହିଲେ, ଓଡ଼ିଶା ଗରିବ ରାଜ୍ୟ ନୁହେଁ । ମାତ୍ର ଓଡ଼ିଶାର ଜନତା ଆଜି ଗରିବ । ରାଜ୍ୟବାସୀଙ୍କ ସମ୍ପଦ, ଭବିଷ୍ୟତ, ପାଣି, ବିଜୁଳି ସବୁ ଛଡ଼ାଇ ନେଇ ଶିଳ୍ପପତିଙ୍କ ହାତରେ ଟେକି ଦିଆଯାଉଛି । ଲୋକଙ୍କୁ ନିଜ ଅଧିକାର ମିଳୁନି । ଚାଷୀ ହତାଶ । କୃଷି କ୍ଷେତକୁ ଜଳସେଚନ ନାହିଁ । ଦୀର୍ଘ ବର୍ଷର ଶାସନ କାଳ ଭିତରେ ମୁଖ୍ୟମନ୍ତ୍ରୀ ରାଜ୍ୟର କେତେ ଜମିକୁ ଜଳସେଚିତ କରିଛନ୍ତି? ଏଠି ଚାଷ ପାଇଁ ବିହନ ମିଳୁନି । ଫସଲର ଉଚିତ୍‌

ମୂଲ୍ୟ ମିଳୁନି । ଓଡ଼ିଶାର ସ୍ୱାସ୍ଥ୍ୟ ସେବାକୁ ବିପର୍ଯ୍ୟସ୍ତ ଦର୍ଶାଇ ରାହୁଲ କହିଲେ, ମୁଖ୍ୟମନ୍ତ୍ରୀ ହସ୍ପିଟାଲ ଓ ସ୍ୱାସ୍ଥ୍ୟ ସେବା ନେଇ ବଡ଼ ବଡ଼ କଥା କହୁଥିବାବେଳେ ବାସ୍ତବତା ଭିନ୍ନ । ଏଠି ଜଣେ ଆଦିବାସୀ ନିଜ ପତ୍ନୀର ଶବକୁ ୧୦ କିଲୋମିଟର ବୋହି ବୋହି ନେଲେ ।
ବେକାରୀ ସମସ୍ୟା କଥା ଉଠାଇ ରାହୁଲ ଉଭୟ ନବୀନ ଓ ମୋଦି ସରକାରଙ୍କୁ ଟାର୍ଗେଟ କରିଥିଲେ । ସେ କହିଲେ, ମୋଦି ବର୍ଷକୁ ୨ କୋଟି ଚାକିରି ଦେବା ପାଇଁ ପ୍ରତିଶ୍ରୁତି ଦେଇଥିଲେ । ସେହିପରି ୨୦୨୦ ସୁଦ୍ଧା ଓଡ଼ିଶାରେ ୩୦ ଲକ୍ଷ ନିଯୁକ୍ତି ଦେବାକୁ ମୁଖ୍ୟମନ୍ତ୍ରୀ ଘୋଷଣା କରିଥିଲେ । ମୋଦି ଓ ନବୀନ କାହାକୁ ଚାକିରି ଦେଇଛନ୍ତି କି? ସମାବେଶ ମଞ୍ଚରୁ ଏଭଳି ପ୍ରଶ୍ନ କରିଥିଲେ ରାହୁଲ ।
ସେ ପୁଣି କହିିଲେ, ଓଡ଼ିଶାର ୬୦ ଲକ୍ଷ ଯୁବକ ରାଜ୍ୟ ବାହାରକୁ କାମ କରିବାକୁ ଯାଇଛନ୍ତି । କର୍ଣ୍ଣାଟକ, ମହାରାଷ୍ଟ୍ର, ଦିଲ୍ଲୀ ଭଳି ରାଜ୍ୟରେ ରହି କାମ କରୁଛନ୍ତି ।
ଶିକ୍ଷା ବ୍ୟବସ୍ଥା ନେଇ ବି ରାହୁଲ ବର୍ଷିଥିଲେ । କହିଲେ, ରାଜ୍ୟରେ ୧ ଲକ୍ଷ ୩୧ ହଜାର ସରକାର ପଦବୀ ଖାଲି ପଡ଼ିଛି । ୩୦ ହଜାର ଶିକ୍ଷକ ପଦବୀ ଖାଲି ଅଛି । ବିଶ୍ୱବିଦ୍ୟାଳୟରେ ୧୨୦୦ ଓ କଲେଜଗୁଡ଼ିକରେ ୩ ହଜାର ଅଧ୍ୟାପକ ପଦବୀ ଖାଲି ପଡ଼ିଛି ।
ରାହୁଲ ଆହୁରି କହିଲେ, ନବୀନ ରାଜ୍ୟରେ ବ୍ୟୁରୋକ୍ରାଟ୍‌ ସରକାର ଚଳାଇଛନ୍ତି । ଜନତାଙ୍କ ସ୍ୱରକୁ ସେ ଶୁଣୁନାହାନ୍ତି ।
ଏହି ସମାବେଶରୁ ରାହୁଲ ରାଜ୍ୟରେ କଂଗ୍ରେସ ପାଇଁ ୨୦୧୯ ନିର୍ବାଚନ ପ୍ରଚାରର ବିଗୁଲ୍‌ ବଜାଇଛନ୍ତି । ରାହୁଲ ଦୃଢ଼ୋକ୍ତି ବାଢ଼ିଛନ୍ତି, ଆଉ ମାତ୍ର ୨/୩ ମାସର ଅପେକ୍ଷା । ଦିଲ୍ଲୀରେ ମୋଦି ଏବଂ ଓଡ଼ିଶାରେ ନବୀନଙ୍କୁ ଆମେ ହରାଇବୁ । ଓଡ଼ିଶାରେ କଂଗ୍ରେସ ସରକାର ଗଢ଼ିବ । ରାଜ୍ୟରେ କଂଗ୍ରେସ ସରକାର ଆସିଲେ ୧୦ ଦିନ ଭିତରେ କୃଷି ଋଣ ଛାଡ଼ କରିଦେବୁ । ଖାଲି ସେତିକି ନୁହେଁ, ଧାନର ସର୍ବନିମ୍ନ ସହାୟକ ମୂଲ୍ୟ (ଏମ୍‌ଏସ୍‌ପି) ୨୬୦୦ ଟଙ୍କା ହେବ ।
ରାହୁଲ ପୁଣି କହିଲେ, ମୁଁ ମୋଦି କି ନବୀନ ନୁହେଁ । ଯାହା କହେ, ତାହା କରି କି ଦେଖାଏ । ଛତିଶଗଡ଼, ମଧ୍ୟପ୍ରଦେଶ, ରାଜସ୍ଥାନରେ କଂଗ୍ରେସ ସରକାର ଗଠନ ହେବାର ଦୁଇଦିନ ଭିତରେ କୃଷି ଋଣ ଛାଡ଼ କରି ଦେଖାଇଛୁ । ଓଡ଼ିଶାରେ ବି କୃଷକକୁ ତା’ର ହକ୍‌ ଦେବୁ । ପ୍ରତି ଜିଲ୍ଲାରେ ଚାଷ ଜମି ପାଖରେ ଖାଦ୍ୟ ପ୍ରକ୍ରିୟାକରଣ ୟୁନିଟ୍‌ ଖୋଲାଯିବ । ଯୁବବର୍ଗଙ୍କ ପାଇଁ ରୋଜଗାର ସୃଷ୍ଟି କରାଯିବ । ବନ୍ଦ ହେଉଥିବା ଉଦ୍ୟୋଗକୁ ଖୋଲାଯିବ । ଆଦିବାସୀଙ୍କୁ ତାଙ୍କ ଅଧିକାର ମିଳିବ । ଜଙ୍ଗଲ, ଜମି, ଜଳର ସୁରକ୍ଷା କରାଯିବ । ଶିକ୍ଷା, ସ୍ୱାସ୍ଥ୍ୟ ସେବାର ବିକାଶ ହେବ । ଓଡ଼ିଶାକୁ ଆମେ ବଦଳାଇବୁ, ଆଗେଇ ନେବୁ ।
ରାହୁଲଙ୍କ ଏହି ଜୋରଦାର ଆକ୍ରମଣରେ ଉପସ୍ଥିତ କର୍ମକର୍ତ୍ତାଙ୍କ ଭିତରେ ଉତ୍ସାହ ଭରିଯାଇଥିଲା । କେତେବେଳେ ତାଳି ତ କେତେବେଳେ ଜିନ୍ଦାବାଦ୍‌ ନାରାରେ କମ୍ପୁଥିଲା ତମାଣ୍ଡୋ ପଡ଼ିଆ ।

ସମ୍ବନ୍ଧିତ ଖବର