PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ଗୋଆ ଅଡିଓ ଟେପ ଅସଲି: ରାହୁଲ

ନୂଆଦିଲ୍ଲୀ,୨୮ ।୧(ଏଜେନ୍ସି): ଗୋଆ ଅଡିଓ ଟେପ୍‌ ଅସଲି । ଯେଉଁଥିରେ ରାଫେଲ ଯୁଦ୍ଧ ବିମାନ କିଣା କେଳେଙ୍କାରୀ ସଂକ୍ରାନ୍ତ ଦସ୍ତାବିଜ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ପାଖରେ ରହିଥିବା କୁହାଯାଇଛି ବୋଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କହିଛନ୍ତି । ଏହି ଅଡିଓ ଟେପ୍‌କୁ ନେଇ ଚଳିତମାସ ପ୍ରଥମ ସପ୍ତାହରୁ ବିଜେପିକୁ ଟାର୍ଗେଟ କରିଆସିଛି କଂଗ୍ରେସ ।
ଉକ୍ତ ଅଡିଓ ଟେପ୍‌ରେ ଗୋଆ ମନ୍ତ୍ରୀ ବିଶ୍ୱଜିତ ରାଣେଙ୍କ ସ୍ୱର ରହିଛି । ସେ ଜଣେ ଅଜ୍ଞାତ ବ୍ୟକ୍ତିଙ୍କୁ କହୁଛନ୍ତି ଯେ ରାଫେଲ ରାଜିନାମା ସଂକ୍ରାନ୍ତ କେଳେଙ୍କାରୀର ସବୁ ଦସ୍ତାବିଜ ପାରିକରଙ୍କ ପାଖରେ ରହିଛି । ସେ ଏସବୁ ଦସ୍ତାବିଜ ତାଙ୍କ ବେଡରୁମ୍‌ରେ ରଖିଛନ୍ତି । ଏକ କ୍ୟାବିନେଟ ବୈଠକ ପରେ ପାରିକର ତାଙ୍କୁ ଏକଥା କହିଥିଲେ । ରାଫେଲ କେଳେଙ୍କାରୀ ଫାଇଲ ତାଙ୍କ ପାଖରେ ଥିବାରୁ ସେ ପ୍ରଧାନମନ୍ତ୍ରୀଙ୍କଠାରୁ ଅଧିକ କ୍ଷମତାଶାଳୀ ହୋଇଛନ୍ତି ଓ ମୁଖ୍ୟମନ୍ତ୍ରୀ ଚୌକିରେ ଏପର୍ଯ୍ୟନ୍ତ ବସିରହିଛନ୍ତି । ଏହି ଅଡିଓ ଟେପ୍‌ ନକଲି ବୋଲି ବିଜେପି ଓ ରାଣେ କରିଥିବା ଅଭିଯୋଗକୁ ରାହୁଲ ଖଣ୍ଡନ କରିଛନ୍ତି । କହିଛନ୍ତି ଯଦି ନକଲି ତେବେ ଅଭିଯୋଗ ହେବାର ୩୦ ଦିନ ବିତିଯାଇଥିଲେ ମଧ୍ୟ କାହିଁକି ଏପର୍ଯ୍ୟନ୍ତ ଏଫଆଇଆର ଦିଆଯାଇନାହିଁ କିମ୍ବା ସମ୍ପୃକ୍ତ ମନ୍ତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ଏଥିରୁ ଜଣାପଡୁଛି ଉକ୍ତ ଅଡିଓ ଟେପ ଅସଲି । ରାଫେଲ ରାଜିନାମାରେ ବ୍ୟାପକ ଦୁର୍ନୀତି ହୋଇଥିବା କଂଗ୍ରେସ ଅଭିଯୋଗ କରିଥିବା ବେଳେ ସରକାର ଏହାକୁ ଖଣ୍ଡନ କରିଆସିଛନ୍ତି ।