ୱୟନାଡ ଆସନରୁ ଲଢ଼ିବେ ରାହୁଲ !

ତିରୁଅନନ୍ତପୁରମ,୨୩ ।୩(ଏଜେନ୍ସି): କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଉତ୍ତରପ୍ରଦେଶର ଆମେଥି ବ୍ୟତୀତ କେରଳର ୱୟନାଡ ଲୋକସଭା ଆସନରୁ ନିର୍ବାଚନ ଲଢ଼ିବାର ସମ୍ଭାବନା ରହିଛି । କେରଳର ବରିଷ୍ଠ କଂଗ୍ରେସ ନେତା ତଥା ଅଖିଳ ଭାରତ କଂଗ୍ରେସ କମିଟିର ସାଧାରଣ ସମ୍ପାଦକ ଓମେନ ଚାଣ୍ଡି ଓ ବିରୋଧୀ ଦଳ ନେତା ରମେଶ ଚେନ୍ନିଥଳା ଏହି ଆସନରୁ ନିର୍ବାଚନ ଲଢ଼ିବାକୁ ରାହୁଲଙ୍କୁ ଅନୁରୋଧ କରିଛନ୍ତି । କୋଟାୟାମ ଠାରେ ସାମ୍ବାଦକିଙ୍କୁ ସୂଚନା ଦେଇ ଚେନ୍ନଥିଳା କହଛିନ୍ତି ଯେ ଚଳିତମାସ ପ୍ରାରମ୍ଭରେ ରାହୁଲ କେରଳ ଗସ୍ତରେ ଆସିଥିଲା ବେଳେ ସେ ଏ ବିଷୟରେ ତାଙ୍କୁ ଜଣାଇଥିଲେ । ଆଜି ମଧ୍ୟ ସେମାନେ ରାହୁଲଙ୍କୁ ଅନୁରୋଧ କରିଛନ୍ତି ଏବଂ ଏ ବିଷୟରେ ୱୟନାଡ ଜିଲ୍ଲା କଂଗ୍ରେସ କମିଟିକୁ ମଧ୍ୟ ଜଣାଇ ଦିଆଯାଇଛି । ଜିଲ୍ଲା କଂଗ୍ରେସ ମଧ୍ୟ ଏଥିରେ ବେଶ୍‌ ଖୁସିଥିବା ସେ କହିଛନ୍ତି ।

ଅପରପକ୍ଷରେ କଂଗ୍ରେସ ମୁଖପାତ୍ର ରଣଦୀପ ସୁର୍ଜେୱାଲା କହିଛନ୍ତି ଯେ ରାହୁଲ ବାରମ୍ବାର କହି ଆସିଛନ୍ତି କି ଆମେଥି ହେଉଛି ତାଙ୍କର କର୍ମଭୂମି ଏବଂ ସେ ଏହିଠାରେ ହିଁ ରହିବେ । କେରଳର କଂଗ୍ରେସ ନେତା ଓ କର୍ମୀମାନେ ରାହୁଲଙ୍କୁ ୱୟନାଡରୁ ନିର୍ବାଚନ ଲଢ଼ିବାକୁ ପ୍ରସ୍ତାବ ଦେଇଛନ୍ତି । ସେମାନଙ୍କ ଭଲ ପାଇବା ଓ ଶ୍ରଦ୍ଧାକୁ ଆମେ ସମ୍ମାନ ଦେଉଛୁ । ହେଲେ ସେଠାରୁ ନିର୍ବାଚନ ଲଢ଼ିବେ କି ନଲଢ଼ିବେ ସେ ନିଷ୍ପତ୍ତି ରାହୁଲ ନିଜେ ନେବେ । ୱୟନାଡ ହେଉଛି କଂଗ୍ରେସ ପାଇଁ ସବୁଠାରୁ ସୁରକ୍ଷିତ ଆସନ । କେରଳ ପ୍ରଦେଶ କଂଗ୍ରେସ କମିଟିର କାର୍ଯ୍ୟକାରୀ ସଭାପତି ଏମ୍‌.ଆଇ ସନଭାସ ଏହି ଆସନରୁ ପ୍ରତିନିଧିତ୍ୱ କରୁଥିଲେ । ୨୦୦୯ ଓ ୨୦୧୪ ଲଗାତାର ଦୁଇଥର ଭାବେ ସେ ଏହି ଆସନରୁ ନିର୍ବାଚିତ ହୋଇ ଆସିଥିଲେ । ଗତବର୍ଷ ତାଙ୍କର ଅକାଳ ବିୟୋଗ ପରେ ଏହି ଆସନ ଏବେ ଖାଲିପଡିଛି । ଦକ୍ଷିଣ ଭାରତରେ କଂଗ୍ରେସର ସ୍ଥିତିକୁ ସୁଦୃଢ଼ କରିବା ପାଇଁ ରାହୁଲଙ୍କୁ ଏଠାରୁ ପ୍ରାର୍ଥୀ କରିବାକୁ କିଛି କଂଗ୍ରେସ ନେତା ଚାହୁଁଛନ୍ତି । ଅପରପକ୍ଷରେ କଂଗ୍ରେସର ପାରମ୍ପରିକ ଗଡ ଭାବେ ପରିଚିତ ଆମେଥିରେ ଏଥର କଡା ଟକ୍କର ଦେଖିବାକୁ ମିଳିବ ।

   ସମ୍ବନ୍ଧିତ ଖବର


ବିହାର ନିର୍ବାଚନ: ଦ୍ବିତୀୟ ପର୍ଯ୍ୟାୟରେ ବହୁ ମହାରଥୀ ଦେବେ ଅଗ୍ନି ପରୀକ୍ଷା, ଉତ୍ତର ବିହାର ଉପରେ ସମସଙ୍କ ନଜର

କରୋନା କାଳରେ ଜଗତସିଂହପୁରକୁ ୭୦୮.୩୨ କୋଟି ଟଙ୍କାର ଅନୁଦାନ ଦେଇଛନ୍ତି ପ୍ରଧାନମନ୍ତ୍ରୀ ମୋଦି: ଧର୍ମେନ୍ଦ୍ର ପ୍ରଧାନ

ମୁଣ୍ଡରେ ଓଢଣୀ ଦେଇ ଓ ହାତ ଯୋଡି ନିର୍ବାଚନ ପ୍ରଚାରରେ ଲାଲୁଙ୍କ ବୋହୂ, ବାପା ଚନ୍ଦ୍ରିକା ରାୟଙ୍କ ପାଇଁ ମାଗୁଛନ୍ତି ଭୋଟ୍

କୋକେଇରେ ବସି ନିର୍ବାଚନ ପ୍ରଚାର, ଏପର୍ଯ୍ୟନ୍ତ ୧୧ ଥର ହାରି ସାରିଲେଣି

ନିର୍ବାଚନ ସଭାରେ ଉଦବୋଧନ ବେଳେ ସଭାମଞ୍ଚରୁ ଗଳି ପଡିଲେ କଂଗ୍ରେସ ନେତା, ଦେଖନ୍ତୁ ଭିଡିଓ…

ଉତ୍ତରପ୍ରଦେଶ ଆମେଠିରେ ଦଳିତ ଗାଁ ମୁଖିଆଙ୍କ ସ୍ବାମୀକୁ ଜୀଅନ୍ତା ଜଳାଇ ହତ୍ୟା…