PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ରାହୁଲଙ୍କ ମହିଳା କାର୍ଡ; ମାଗଣା ଶିକ୍ଷା, ବିବାହ ସହାୟତା

ଜୟପୁର, ୮ା୩(ବ୍ୟୁରୋ): ଓଡ଼ିଶାରେ କଂଗ୍ରେସ ଶାସନକୁ ଆସିଲେ ଛାତ୍ରୀଙ୍କୁ ମିଳିବ ମାଗଣାରେ ପ୍ରାଥମିକଠାରୁ ଆରମ୍ଭ କରି ବୈଷୟିକ, ମେଡିକାଲ୍‌ ଏବଂ ଉଚ୍ଚଶିକ୍ଷା ସୁବିଧା । ବିଧବାଙ୍କ ଭତ୍ତା ହେବ ୨ ହଜାର । ଗରିବ ଝିଅମାନଙ୍କ ବିବାହ ଲାଗି ପ୍ରଦାନ କରାଯିବ ଆର୍ଥର୍ିକ ସହାୟତା । ମହିଳା କ୍ଷୁଦ୍ର ଉଦ୍ୟୋଗୀମାନଙ୍କ କଥା ବୁଝିବା ଲାଗି ଗଢ଼ାଯିବ ସ୍ୱତନ୍ତ୍ର ଅର୍ଥ ନିଗମ । ପ୍ରତି ପଞ୍ଚାୟତରେ ନାରୀ ନିର୍ଯାତନା ରୋକିବା ତଥା ଅନ୍ୟାନ୍ୟ ସମସ୍ୟାର ସମାଧାନ ଲାଗି ସ୍ୱତନ୍ତ୍ର ମହିଳା ଅଧିକାରୀଙ୍କୁ ନିଯୁକ୍ତି ଦିଆଯିବ । ଆଜି ଅନ୍ତର୍ଜାତୀୟ ମହିଳା ଦିବସ ଅବସରରେ ରାଜ୍ୟର ମହିଳାମାନଙ୍କୁ ଏଠାରେ ଏଭଳି ପ୍ରତିଶ୍ରୁତି ଦେଇଛନ୍ତି ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧି । ପ୍ରତି ପଞ୍ଚାୟତରେ ସ୍ୱତନ୍ତ୍ର ମହିଳା ଅଧିକାରୀ ନିଯୁକ୍ତି କଥା କହିବା ବେଳେ ରାହୁଲ ପରୋକ୍ଷରେ କୁନ୍ଦୁଲି ଘଟଣା ପ୍ରତି ଦୃଷ୍ଟି ନିକ୍ଷେପ କରିଥିଲେ ।
ସ୍ଥାନୀୟ ବାଙ୍କବିଜାର ପଡ଼ିଆରେ ୮୦ ହଜାରରୁ ଅଧିକ ଲୋକଙ୍କୁ ନେଇ ଆୟୋଜିତ ପରିବର୍ତ୍ତନ ସମାବେଶରେ ରାହୁଲ କହିଥିଲେ, କଂଗ୍ରେସ କ୍ଷମତାକୁ ଆସିଲେ ଚାଷୀଙ୍କ ସମସ୍ତ କୃଷି ଋଣ ଛାଡ଼ କରିବ । ଧାନର ସହାୟକ ମୂଲ୍ୟ ବୃଦ୍ଧି କରିବ । ପ୍ରତ୍ୟେକ ଗରିବ ପରିବାରର ଜଣଙ୍କୁ ସର୍ବନିମ୍ନ ଆୟର ଗ୍ୟାରେଣ୍ଟି ଦେବ । ଗରିବୀ ହଟିବା ପର୍ଯ୍ୟନ୍ତ ସେମାନଙ୍କ ବ୍ୟାଙ୍କ ଖାତାକୁ ପ୍ରତ୍ୟେକ ମାସରେ ଆର୍ଥିକ ସହାୟତା ପ୍ରଦାନ କରିବ । ବେକାର ଯୁବକଯୁବତୀଙ୍କ ନିଯୁକ୍ତି ବ୍ୟବସ୍ଥା କରିବ । କଂଗ୍ରେସ ଯାହା ପ୍ରତିଶ୍ରୁତି ଦେଉଛି ତାହା ପାଳନ କରୁଛି । ଶାସନଭାର ନେବାର ମାତ୍ର ଦୁଇ ଦିନରେ ଛତିଶଗଡ଼ରେ ଚାଷୀଙ୍କ ଋଣ ଛାଡ଼ କରାଗଲା । ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରାଯାଇ କୁଇଣ୍ଟାଲ ପିଛା ୨୫୦୦ ଟଙ୍କା ରଖାଗଲା । ଓଡ଼ିଶାରେ ମଧ୍ୟ ଧାନର ସହାୟକ ମୂଲ୍ୟ ବୃଦ୍ଧି କରାଯାଇ ଚାଷୀଙ୍କ ଆର୍ଥିକ ଉନ୍ନତି କରାଯିବ । ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚାଷୀଙ୍କ ଋଣଛାଡ଼ କରିବାକୁ ପଛଘୁଞ୍ଚା ଦେଉଛନ୍ତି । କିନ୍ତୁ ଶିଳ୍ପପତିଙ୍କୁ କୋଟି କୋଟି ଟଙ୍କା ଋଣ ଛାଡ଼ କରିଦେଉଛନ୍ତି ।
ରାହୁଲ କହିଥିଲେ, ଓଡ଼ିଶାର ବିକାଶ ପାଇଁ ଖଣିଜ ସମ୍ପଦ, ଜଳ ସମ୍ପଦ ଓ ଜଙ୍ଗଲ ସମ୍ପଦ ଭରପୂର ହୋଇ ରହିଛି । ଏହାର ସଦ୍‌ବିନିଯୋଗ କରାଯାଉ ନ ଥିବାରୁ ଓଡ଼ିଶା ଗରିବ ରାଜ୍ୟରେ ପରିଣତ ହେବାକୁ ଯାଉଛି । କଂଗ୍ରେସ ସରକାର ଥିବା ବେଳେ ଆଇନ କରାଯାଇଥିଲା, ଚାଷୀଙ୍କ ବିନା ଅନୁମତି କିମ୍ବା ପଞ୍ଚାୟତର ବିନା ପ୍ରସ୍ତାବରେ କେହି ଜମି ଅଧିଗ୍ରହଣ କରିପାରିବେ ନାହିଁ । କିନ୍ତୁ ବିଜେପି ଓ ବିଜେଡି ସରକାର ଏହି ନିୟମ ଉଲ୍ଳଙ୍ଘନ କରୁଛନ୍ତି । ଚାଷୀଙ୍କ ବିନା ଅନୁମତିରେ ଶିଳ୍ପପତିଙ୍କୁ ଜମି ହସ୍ତାନ୍ତର କରାଯାଉଛି । ଚାଷୀଙ୍କ ଅନୁମତି ପରେ ବଜାର ଦରର ୪ ଗୁଣା ଦେଇ ଜମି ଅଧିଗ୍ରହଣ କରିବା କଥା । କିନ୍ତୁ ଏଠାରେ ତାହାର ବ୍ୟତିକ୍ରମ ଦେଖିବାକୁ ମିଳିଛି । ଏଥିସହ ୫ ବର୍ଷ ମଧ୍ୟରେ ଶିଳ୍ପ ପ୍ରତିଷ୍ଠା ନହେଲେ, ଅଧିଗ୍ରହଣ ହୋଇଥିବା ଜମିକୁ ଚାଷୀଙ୍କୁ ଫେରାଇବା ନିୟମ ରହିଛି । କିନ୍ତୁ ଓଡ଼ିଶା ସରକାର ଏହି ନିୟମ କାର୍ଯ୍ୟକାରୀ କରୁନାହାନ୍ତି । ମୁଖ୍ୟମନ୍ତ୍ରୀ ନିଜ ସମ୍ପର୍କୀୟ ଶିଳ୍ପପତିଙ୍କୁ ସୁହାଇଲା ଭଳି କାର୍ଯ୍ୟ କରୁଛନ୍ତି । କଂଗ୍ରେସ ଆସିଲେ ନିଜ ମନର କଥା କହିବନି, ସାଧାରଣ ଲୋକଙ୍କ କଥାରେ ଚାଲିବ ସରକାର ।