PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ପୂର୍ବତଟ ରେଳପଥ ବିଭାଜନ ପ୍ରସଙ୍ଗ: ପୁଣି ଯୁବ, ଛାତ୍ର ବିଜେଡିର ବିକ୍ଷୋଭ

ଭୁବନେଶ୍ୱର,୪ ।୩(ବ୍ୟୁରୋ): ପୂର୍ବତଟ ରେଳବାଇ ବିଭାଜନ ବିରୋଧରେ ଆଜି ପୁଣି ବିକ୍ଷୋଭ କରିଛି ବିଜେଡି଼ । କେନ୍ଦ୍ର ରେଳରାଷ୍ଟ୍ର ମନ୍ତ୍ରୀ ମନୋଜ ସିହ୍ନାଙ୍କ ଗସ୍ତକୁ ଗତକାଲି ବିରୋଧ କରିବା ପରେ ଆଜି ଜୋନ୍‌ ଅଫିସ ସାମ୍ନାରେ ଧାରଣା ଦେଇଛନ୍ତି ବିଜୁ ଯୁବ-ଛାତ୍ର ଜନତା ଦଳର ସଦସ୍ୟ । ଆଉ ଦକ୍ଷିଣତଟ ରେଳପଥର ମୁଖ୍ୟାଳୟ ନ ଖୋଲିବାକୁ ଦାବି କରିଛନ୍ତି ।
ପୂର୍ବାହ୍ନ ସାଢ଼େ ୧୦ଟାରୁ ୧୨ଟା ଯାଏଁ ଚନ୍ଦ୍ରଶେଖରପୁର ଜୋନ୍‌ ଅଫିସ ସାମ୍ନାରେ ଯୁବ ଓ ଛାତ୍ରର ଶତାଧିକ ସଦସ୍ୟଙ୍କ ଧାରଣା ଚାଲିଥିଲା । ଦଳର ସାଧାରଣ ସମ୍ପାଦକ ତଥା ବିଧାୟକ ସଞ୍ଜୟ କୁମାର ଦାସବର୍ମା ଏହାର ନେତୃତ୍ୱ ନେଇଥିଲେ । ପ୍ଲାକାର୍ଡ ଦେଖାଇ ପ୍ରତିବାଦ କରିବା ସହ ସରକାର ବିରୋଧୀ ନାରାବାଜି କରିଥଲେ । ଦଳ ପକ୍ଷରୁ ଅଭିଯୋଗ କରାଯାଇଛି, ଓଡ଼ିଶାର ରେଳବାଇକୁ ଧ୍ୱସ୍ତବିଧ୍ୱସ୍ତ କରିବା ପାଇଁ କେନ୍ଦ୍ର ଏକ ଷଡ଼ଯନ୍ତ୍ର ରଚିଛି । ଏଠାକାର ରେଳପଥକୁ ସଜାଡିବା ପାଇଁ ୩ଟି ନୂଆ ଡିଭିଜନ ପ୍ରତିଷ୍ଠା କରିବାକୁ ରାଜ୍ୟ ପକ୍ଷରୁ ଦାବି କରାଯାଉଥିବା ବେଳେ ଦକ୍ଷିଣ ତଟ ରେଳପଥ ନାଁରେ ଏଭଳି ବିଭାଜନ ଓଡିଶାବାସୀଙ୍କ ସ୍ୱାର୍ଥକୁ ଅଣଦେଖା କରାଯାଇଛି । ଓଡ଼ିଶା ପ୍ରତି କେନ୍ଦ୍ରର ବୈମାତୃକ ମନୋଭାବ ପୁଣି ଥରେ ପ୍ରତିଫଳିତ ହୋଇଥିବା ଦଳ ପ୍ରକାଶ କରିଛି ।
ବିକ୍ଷୋଭରେ ବିଧାୟକ ପ୍ରଶାନ୍ତ ଜଗଦେବ, ଯୁବ ବିଜେଡି ସଭାପତି ଅମରେଶ ପତ୍ର, ଉପଦେଷ୍ଟା ଅମରେଶ ଜେନା, ଛାତ୍ର ବିଜେଡି ସଭାପତି ରାଣାପ୍ରତାପ ପାତ୍ର, ଉପଦେଷ୍ଟା ଚିନ୍ମୟ ସାହୁ, ଦୁର୍ଗା ସାମନ୍ତରାୟ, ଧୃତି ମାର୍ଥ, ମଳୟ ରଞ୍ଜନ ଜେନା ପ୍ରମୁଖ ଉପସ୍ଥିତ ଥିଲେ । ଗତକାଲି ଦଳ ପକ୍ଷରୁ ମନ୍ତ୍ରୀଙ୍କ ଗସ୍ତକୁ ବିରୋଧ କରାଯାଇଥିଲା । ଯୁବ ଓ ଛାତ୍ର ବିଜେଡିର ସଦସ୍ୟ ଏକ ବାଇକ୍‌ ରାଲିରେ ରେଳବାଇ ଜୋନ୍‌ ଅଫିସ ଘେରିବାକୁ ଯାଉଥିଲେ । ଜୟଦେବ ବିହାରରେ ପୁଲିସ ସେମାନଙ୍କୁ ଅଟକାଇବାକୁ ସେଠାରେ ବସିରହି ପ୍ରତିବାଦ କରିଥିଲେ ।