PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୁଣୁପୁର: କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ କେନ୍ଦୁଗୁଡା ଥାନା ଏଏସଆଇ
  • ||
  • କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଚିଠିର ଉତ୍ତର ରଖିଲେ ଗଜପତି, ଶ୍ରୀମନ୍ଦିର ଓ ଶ୍ରୀକ୍ଷେତ୍ରର ବିକାଶରେ ସହଯୋଗ ପାଇଁ ଗଜପତି ଦେଲେ ପ୍ରତିଶ୍ରୁତି
  • ||
  • ନୂଆପଡ଼ାରେ ହଳଦୀ ଗାଁରେ ପୁଣି ବାଘ ଆତଙ୍କ , କ୍ୟାମେରାରେ କଏଦ ହେଲା ବାଘ ବସିଥିବା ଫଟୋ , ଲୋକେ ଭୟଭୀତ, ଗାଁରେ ବନ କର୍ମଚାରୀ ଉପସ୍ଥିତ, ୩ ବର୍ଷ ହେଲା ଲାଗି ରହିଛି ବାଘ ଆତଙ୍କ
  • ||
  • ପଶ୍ଚିମବଙ୍ଗରେ ପ୍ରାର୍ଥୀ ତାଲିକା ଘୋଷଣା କଲା ବିଜେପି , ୫୭ଟି ଆସନ ପାଇଁ ବିଜେପିର ପ୍ରାର୍ଥୀ ତାଲିକା ପ୍ରକାଶ , ନନ୍ଦୀଗ୍ରାମରେ ମମତାଙ୍କ ବିରୋଧରେ ଲଢ଼ିବେ ଶୁଭେନ୍ଦୁ ଅଧିକାରୀ
  • ||
  • ସୋନପୁର: ସୁବୁଳିଆ ଗାଁରେ ଗୋଷ୍ଠୀ ସଂଘର୍ଷ, ଗୁଳିକାଣ୍ଡରେ ଜଣେ ଯୁବକ ଗୁରୁତର
  • ||
  • ପୁଣି ରାଜଧାନୀରେ ୪୦ ଡ଼ିଗ୍ରୀ ଟପିଲା ତାତି
  • ||
  • ଭୁବନେଶ୍ବର: ସରିଲା ରାଜ୍ୟ କ୍ୟାବିନେଟ୍‌ ବୈଠକ, ୧୬ଟି ପ୍ରସ୍ତାବରେ ବାଜିଲା ମୋହର
  • ||
  • ବାସୁଦେବପୁର : ତାରିଣୀ ଛକ ସ୍ଥିତ ଟ୍ରାକ୍ଟର ଗ୍ୟାରେଜ୍‌ରେ ଅଘଟଣ , କାମ କରୁଥିବା ବେଳେ ଟ୍ରାକ୍ଟର ଟାୟାର ଫାସି ଗ୍ୟାରେଜ୍‌ ମେକାନିକଙ୍କ ମୃତ୍ୟୁ
  • ||
  • ଓଡ଼ିଶାର ୧୦ ଜିଲ୍ଲାରେ କରୋନା ଚିନ୍ତା , ରାଜ୍ୟ ସ୍ୱାସ୍ଥ୍ୟ ସଚିବଙ୍କ ସହ କଥା ହେଲେ କେନ୍ଦ୍ର ସ୍ୱାସ୍ଥ୍ୟ ସଚିବ, ଏନେଇ ଟେଷ୍ଟିଂ ଟ୍ରାକିଂ ଓ ଟ୍ରିଟ୍‌ମେଣ୍ଟ ଉପରେ ଗୁରୁତ୍ୱ
  • ||
  • ବଲାଙ୍ଗିର: ବାହାର ରାଜ୍ୟରେ ନିର୍ଯ୍ୟାତନାର ଶିକାର ହେଉଛନ୍ତି ପାଟଣାଗଡ଼ ଅଞ୍ଚଳର ୨୫ ଶ୍ରମିକ
  • ||
  • ଅହମ୍ମଦାବାଦ ଟେଷ୍ଟ : ଭାରତ ୩-୧ରେ ସିରିଜ୍ ବିଜୟୀ
  • ||
  • ଟିଟିଲାଗଡ଼: ଟିଟିଲାଗଡରେ ଉତ୍କଟ ଜଳ ସମସ୍ୟା, ସିରଭଟା ପଡାରେ ପାଣି ପାଇଁ ରାସ୍ତାରୋକ
  • ||
  • ଆସ୍ଥା ଭୋଟ୍ ଜିତିଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍
  • ||
  • ପୁରୀ: ଶ୍ରୀମନ୍ଦିରରେ ପୁଣି ନୀତି ବିଭ୍ରାଟ, ଜଗମୋହନରେ ବାନ୍ତି କଲେ ଭକ୍ତ
  • ||
  • ସମ୍ବଲପୁର: ହୀରାକୁଦ ଅଶୋକ ନିବାସରେ ହାଇକୋର୍ଟ ବିଚାରପତି ସି.ଆର୍ ଦାସଙ୍କ ସମୀଖ୍ୟା ବୈଠକ, ସାମିଲ ହୋଇଛନ୍ତି ବିଭିନ୍ନ ଜିଲ୍ଲାର ବିଚାରପତି
  • ||
  • ସମ୍ବଲପୁର: ହାତୀ ଆକ୍ରମଣରେ ଜଣେ ମୃତ
  • ||
  • କେନ୍ଦୁଝର: ଇସ୍ପାତ କାରଖାନା ଦାବିରେ କେନ୍ଦୁଝରରେ ବିଜେପି ଯୁବ ମୋର୍ଚ୍ଚାର ପକ୍ଷରୁ ବିକ୍ଷୋଭ
  • ||
  • ଭୁବନେଶ୍ବର: ରାଜଧାନୀରେ ବିଚ୍ ରାସ୍ତାରେ ମର୍ଡର, ସିଆର୍‌ପିଏପ୍ ଛକ ନିକଟରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଲକ୍ଷ୍ମୀପୁର: ଭଡ଼ା ଘରୁ ମହିଳାଙ୍କ ମୃତଦେହ ଉଦ୍ଧାର କଲା ଲକ୍ଷ୍ମୀପୁର ପୋଲିସ, ଯୁବକ ଅଟକ
  • ||
  • ଭବାନୀପାଟଣା: ଜିଲ୍ଲା ସେସନ ଜଜ କୋର୍ଟ ଉଦ୍‌ଘାଟନ୍ କଲେ ମୁଖ୍ୟ ବିଚାରପତି ହାଇକୋର୍ଟ ଡ଼. ଏସ ମୁରଲୀଧର
  • ||

୨୫ ଯାଏଁ କୁହୁଡ଼ି, ତା’ ପରେ ବର୍ଷା

source:www.telegraphindia.com

ଭୁବନେଶ୍ୱର,୨୧ା୧(ବ୍ୟୁରୋ): ପିଛା ଛାଡୁନି କୁହୁଡ଼ି । ରାତି ଅଧରୁ ସକାଳ ୯ଟା ଯାଏଁ ଉପକୂଳ ଓଡ଼ିଶାକୁ ଢାଙ୍କି ରଖୁଛି । ପାଣିପାଗ ପୂର୍ବାନୁମାନ ଯାହା, ଆସନ୍ତା ୨୫ ତାରିଖ ଯାଏଁ ଏମିତି କଲବଲ କରିବ ଘନ କୁହୁଡ଼ି । ଉପକୂଳ ଓଡ଼ିଶା ସମେତ ପାଶ୍ୱର୍ବର୍ତ୍ତୀ ଆଭ୍ୟନ୍ତରୀଣ ଜିଲ୍ଲାଗୁଡ଼ିକରେ ବି ଘନ କୁହୁଡ଼ି ଆଚ୍ଛାଦିତ କରିବ । ୨୬ରୁ ପାଗ ବଦଳିବା ସହ । କେତେକ ସ୍ଥାନରେ ବର୍ଷା ସମ୍ଭାବନା ରହିଛି ।
ଶିକ୍ଷା ଓ ଅନୁସନ୍ଧାନ (ଡିମ୍‌ଡ ଟୁ ବି ୟୁନିର୍ଭସିଟି)ର ପରିବେଶ ଓ ଜଳବାୟୁ କେନ୍ଦ୍ରର ସୂଚନାନୁଯାୟୀ ଉତ୍ତର ପଶ୍ଚିମ ଆଡ଼ୁ ପୂର୍ବ ଆଡ଼କୁ ଓଡ଼ିଶାକୁ ପଶ୍ଚିମା ବାୟୁ ପ୍ରବାହ ରହିଛି । ଓଡ଼ିଶା ଉପକୂଳରେ ଗୁରୁଚାପ ସୃଷ୍ଟି ହେବା ଯୋଗୁ ଅଳ୍ପ ମାତ୍ରାରେ ଜଳୀୟବାଷ୍ପ ସ୍ଥଳଭାଗକୁ ଆସୁଛି । ବାୟୁ ପ୍ରଦୂଷଣ ହେବା ଯୋଗୁ ଏହା ଓଡ଼ିଶାର ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ ଘନ କୁହୁଡ଼ି ସୃଷ୍ଟି କରାଉଛି । ଏଭଳି ଘନ କୁହୁଡ଼ି ଆସନ୍ତା ୨୫ ତାରିଖ ପର୍ଯ୍ୟନ୍ତ ଜାରି ରହିବ । ଘନ କୁହୁଡ଼ି ଯୋଗୁ ପୁରୀ, ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, କଟକ ଓ ଖୋର୍ଦ୍ଧାରେ ୨୦୦ ମିଟର ପର୍ଯ୍ୟନ୍ତ ଦୃଶ୍ୟମାନ ହେବ ନାହିଁ ।
ସେହିପରି ଅନୁଗୁଳ, ଢେଙ୍କାନାଳ, ବାଲେଶ୍ୱର, ନୟାଗଡ଼ ଓ ଯାଜପୁରରେ ମଧ୍ୟମ ଧରଣର କୁହୁଡ଼ି ସମ୍ଭାବନା ରହିଛି । ୨୪ ଓ ୨୫ ତାରିଖରେ ଓଡ଼ିଶାର ଆଭ୍ୟନ୍ତରୀଣ ଜିଲ୍ଲାଗୁଡ଼ିକରେ ମଧ୍ୟମ ଧରଣର ଘନ କୁହୁଡ଼ି ପ୍ରଭାବ ରହିବ । ୨୫ରୁ ୨୮ ତାରିଖ ପର୍ଯ୍ୟନ୍ତ ଆଭ୍ୟନ୍ତରୀଣ ଜିଲ୍ଲାଗୁଡ଼ିକରେ ମଧ୍ୟମ ଧରଣର ବର୍ଷା ସମ୍ଭାବନା ଅଛି । ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ ମଧ୍ୟ ୨୮ ତାରିଖ ପର୍ଯ୍ୟନ୍ତ ବର୍ଷା ହୋଇପାରେ ।
ଆଞ୍ଚଳିକ ପାଣିପାଗ କେନ୍ଦ୍ର ନିର୍ଦ୍ଦେଶକ ଏଚ୍‌.ଆର୍‌.ବିଶ୍ୱାସଙ୍କ ଆକଳନ ହେଲା, ଆସନ୍ତା ଦୁଇଦିନ ଖୋର୍ଦ୍ଧା, ପୁରୀ, ନୟାଗଡ଼, କଟକ, ଜଗତସିଂହପୁର, ଯାଜପୁର, କେନ୍ଦ୍ରାପଡ଼ା, ଭଦ୍ରକ, କେନ୍ଦୁଝର, ଢେଙ୍କାନାଳ, ଅନୁଗୁଳ ଓ କନ୍ଧମାଳ ଜିଲ୍ଲାରେ ଘନରୁ ଅତି ଘନ କୁହୁଡ଼ି ସମ୍ଭାବନା ରହିଛି । ୨୪ରେ କୁହୁଡ଼ି ସାମାନ୍ୟ କମିବ । ତଥାପି ଉପକୂଳ ଓଡ଼ିଶାର ଅନେକ ଜାଗାରେ ମଧ୍ୟମ ଧରଣର କୁହୁଡ଼ି ସମ୍ଭାବନା ରହିଛି । ୨୫ରୁ କୁହୁଡ଼ି କମିବ । ୨୬ରୁ ଆଭ୍ୟନ୍ତରୀଣ ଓଡ଼ିଶାର ସ୍ଥାନେ ସ୍ଥାନେ ହାଲ୍‌କା ବର୍ଷା ହୋଇପାରେ ।