PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ଗୁଜ୍ଜର ଆନ୍ଦୋଳନରେ ବ୍ୟାପିଲା ହିଂସା: ୩ ପୁଲିସ ଭ୍ୟାନ୍‌ ଜାଳିଦେଲେ

ଜୟପୁର,୧୦ ।୨(ଏଜେନ୍ସି): ରାଜସ୍ଥାନରେ ୫% ସଂରକ୍ଷଣ ଦାବିରେ ଗୁଜ୍ଜର ସମୁଦାୟ ଦ୍ୱାରା କରାଯାଉଥିବା ଆନ୍ଦୋଳନରେ ଆଜି ବ୍ୟାପକ ହିଂସାକାଣ୍ଡ ସଂଘଟିତ ହୋଇଛି । ରବିବାର ଢୋଲପୁର ଜିଲାରେ ତିନିଟି ପୁଲିସ ଭ୍ୟାନକୁ ଜାଳି ଦିଆଯାଇଥିଲାବେଳେ ଫାଙ୍କା ଗୁଳି ଚାଳନା ବି କରାଯାଇଛି । ଢୋଲପୁର ଜିଲା ଆରକ୍ଷୀ ଅଧୀକ୍ଷକ ଅଜୟ ସିଂଙ୍କ ଦ୍ୱାରା ଦିଆଯାଇଥିବା ସୂଚନା ଅନୁସାରେ, ଜିଲା ଦେଇ ଯାଇଥିବା ଆଗ୍ରାମୋରେନ ରାଜପଥକୁ ଆନ୍ଦୋଳନକାରୀମାନେ ଅବରୋଧ କରି ରଖିଥିଲେ । ସେମାନଙ୍କୁ ଘଉଡାଇବା ପାଇଁ ପୁଲିସ ଉଦ୍ୟମ କରିବାରୁ ଉଭୟ ପକ୍ଷ ମଧ୍ୟରେ ସଂଘର୍ଷ ହୋଇଥିଲା । ବିକ୍ଷୋଭକାରୀମାନେ ଉତ୍ତ୍ୟକ୍ତ ହୋଇ ତିନୋଟି ପୁଲିସ ଭ୍ୟାନ୍‌ ସହ ଦୁଇଟି ଜିପ୍‌ ଏବଂ ଗୋଟିଏ ବସ୍‌ ଜାଳି ଦେଇଥିଲେ । ଏହି ସମୟରେ କେତେକ ଦୁର୍ବୃତ୍ତ ଫାଙ୍କାରେ ୮ରୁ୧୦ ରାଉଣ୍ଡ ଗୁଳି ଚାଳନା କରିଥିଲେ । ଆନ୍ଦୋଳନକାରୀମାନେ ମଧ୍ୟ ପୁଲିସ ଉପରକୁ ପଥର ମାଡ଼ କରିଥିଲେ । ଏହାଯୋଗୁ ୪ ଜଣ ଯବାନ ଆହତ ହୋଇଥିଲେ । ଏହାପରେ ପୁଲିସ ବିକ୍ଷୋଭକାରୀଙ୍କୁ ସେଠାରୁ ତଡ଼ିବା ପାଇଁ ଟିୟର ଗ୍ୟାସ୍‌ ସେଲ ମାଡ଼ କରିଥିଲା । ଏବେ ସେହି ମାର୍ଗ ଦେଇ ଯାନବାହନ ଚଳାଚଳ ସ୍ୱାଭାବିକ ହୋଇଛି । ଅନ୍ୟପଟରେ, ରାଜ୍ୟର ସୱାଇ ମାଧୋପୁର ଜିଲା ଅନ୍ତର୍ଗତ ମାଲରନା ଡଙ୍ଗର ଅଞ୍ଚଳରେ ଥିବା କେତେକ ରେଳ ଧାରଣାକୁ ଏହି ସମୁଦାୟର ବିକ୍ଷୋଭକାରୀମାନେ ଗତ ଶୁକ୍ରବାର ସନ୍ଧ୍ୟାରୁ ଅବରୋଧ କରି ରଖିଛନ୍ତି । ରାଜ୍ୟ ସରକାରଙ୍କ ନିବେଦନ ସତ୍ତେ୍ୱ ଗୁଜ୍ଜର ନେତା କିରୋରି ସିଂ ବୈଂଶଲା ଆନ୍ଦୋଳନ ପ୍ରତ୍ୟାହାର କରିବାକୁ ମନା କରିଦେଇଛନ୍ତି । ଶନିବାର ରାଜ୍ୟ ସରକାରଙ୍କ ଦ୍ୱାରା ଗଠିତ ଏକ ଉଚ୍ଚ ସ୍ତରୀୟ କମିଟିର ସଦସ୍ୟମାନେ ତାଙ୍କ ସହିତ ଏହି ସମସ୍ୟାର ସମାଧାନ ପାଇଁ ଆଲୋଚନା କରିଥିଲେ ମଧ୍ୟ ସମାଧାନର କୌଣସି ସୂତ୍ର ବାହାରିପାରିନଥିଲା । ବୈଂଶଲା କହିଛନ୍ତି କି ରାଜ୍ୟ ସରକାର ଗୁଜ୍ଜର ଏବଂ ଆଉ ୪ଟି ଓବିସି ଜାତିଙ୍କୁ ସରକାରୀ ଚାକିରି ଏବଂ ଶିକ୍ଷାନୁଷ୍ଠାନରେ ୫% ସଂରକ୍ଷଣ ଦେବା ପାଇଁ ଦେଇଥିବା ପ୍ରତିଶ୍ରୁତି କାର୍ଯ୍ୟକାରୀ ନକରିବା ଯାଏଁ ଏହି ଆନ୍ଦୋଳନ ଜାରି ରହିବ ।