PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରପଞ୍ଚଙ୍କ ହତ୍ୟାକାଣ୍ଡରେ ସଂପୃକ୍ତ ୩ ଆତଙ୍କବାଦୀ ଗିରଫ, ଚାଇନା ପିସ୍ତଲ ଏବଂ ଗୁଳି ଜବତ
  • ||
  • ଜ୍ଞାନବାପୀ ମସଜିଦ ବିବାଦ ମାମଲାରେ ଶୁଣାଣି ଶେଷ, ମଙ୍ଗଳବାର ପ୍ରକାଶ ପାଇବ ରାୟ
  • ||
  • ଭୁବନେଶ୍ୱର : ଆଜି ଉପକୂଳରେ ବଢ଼ିବ ତାତି, କାଲି ପୁଣି ବର୍ଷିବ
  • ||
  • ଗଜପତି : ପାରଳାଖେମୁଣ୍ଡି ଟାଉନ୍‌ ହଲ୍ ପରିସରରେ ଥିବା ପାର୍କିଂରେ ଭୟାବହ ଅଗ୍ନିକାଣ୍ଡ, ଜଳିଗଲା ୫ଟି କାର୍‌
  • ||
  • କରଞ୍ଜିଆ : ଭାରସାମ୍ୟ ହରାଇ କଲଭର୍ଟରେ ପିଟିହେଲା ବରଯାତ୍ରୀ ଗାଡି, ୨ ମୃତ ୫ ଗୁରୁତର
  • ||

ବିଜେପି ଦେଶ ଗଢିବାକୁ ରାଜନୀତି କରୁଛି, ସରକାର ଗଢିବାକୁ ନୁହେଁ: ରାଜନାଥ

ଭଦ୍ରକ ୧୭/୨: ରାଣୀତାଲରେ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ । ଦିନିକିଆ ଓଡିଶା ଗସ୍ତରେ ଆସି ଭଦ୍ରକ ରାଣୀତାଳରେ ବୁଥ୍ ସ୍ତରୀୟ ସମାବେଶରେ ଯୋଗଦେଇଛନ୍ତି ଗୃହମନ୍ତ୍ରୀ ରାଜନାଥ ସିଂହ ।  ଇରମଠାରେ ବିଜେପି କର୍ମକର୍ତ୍ତାଙ୍କୁ ଉଦବୋଧନ ଦେବା ପୂର୍ବରୁ ପୁଲୱାମା ସହିଦଙ୍କ ଉଦ୍ଦେଶ୍ୟରେ ୨ ମିନିଟ୍ ନୀରବ ପ୍ରାର୍ଥନା କଲେ ରାଜନାଥ । କହିଲେ, ‘ସହିଦଙ୍କ ବଳିଦାନ ବ୍ଯର୍ଥ ଯିବନି’ ।

ଦଳୀୟ କର୍ମୀଙ୍କୁ ଉଦବୋଧନ ଦେବା ସହ କର୍ମୀଙ୍କ କାର୍ଯ୍ଯର ପ୍ରଶଂସା କଲେ । କହିଲେ, ବିଜେପି କାର୍ଯ୍ଯକର୍ତ୍ତାଙ୍କ ଅକ୍ଲାନ୍ତ ପରିଶ୍ରମରୁ ଆମେ ଲୋକସଭାର ସଂଖ୍ଯାଗରିଷ୍ଠ । ଏହାସହ ସ୍ୱାଧୀନତା ସଂଗ୍ରାମ କ୍ଷେତ୍ରରେ ଓଡିଶାର ଅବଦାନକୁ ସ୍ମରଣ କଲେ ରାଜନାଥ । କହିଲେ ଭାରତକୁ ୯୦ ତମ ସ୍ଥାନରୁ ୫ମ ସ୍ଥାନକୁ ଆଣିଛି ବିଜେପି । ୨୦୩୦ ସୁଦ୍ଧା ଭାରତ ବିଶ୍ୱର ଶ୍ରେଷ୍ଠ ୩ଟି ସ୍ଥାନରେ ରହିବ ।

ସମାବେଶରେ କଂଗ୍ରେସକୁ ଟାର୍ଗେଟ୍ କରିବାକୁ ଭୁଲିନାହାନ୍ତି ରାଜନାଥ । ନରେନ୍ଦ୍ର ମୋଦିଙ୍କୁ ଚୌକିଦାର କହିବା ପ୍ରସଙ୍ଗରେ ଧୁମ୍ ବର୍ଷିଲେ । କହିଲେ  ‘ଚୌକିଦାର ଚୋର ନୁହେଁ । ଆମେ ସବୁ ସମସ୍ୟାର ସମାଧାନ କରିଦେବୁ । ନରେନ୍ଦ୍ର ମୋଦିଙ୍କୁ ନେତୃତ୍ୱରେ ଭାରତ ହେବ ବିଶ୍ୱଗୁରୁ । ବିଜେପି ସରକାର ଗଢିବାକୁ ନୁହେଁ, ଦେଶ ଗଢିବାକୁ ରାଜନୀତି କରୁଛି ବୋଲି କହିଥିଲେ । କହିରଖୁଛୁ କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ଯ  ଉପସ୍ଥିତ ଥିଲେ । ସମାବେଶରେ ଭଦ୍ରକ ସମେତ ବାଲେଶ୍ବର, ମୟୂରଭଞ୍ଜ ଓ କେନ୍ଦୁଝରର ବୁଥ୍ କାର୍ଯ୍ୟକର୍ତ୍ତା ସାମିଲ ହୋଇଥିଲେ ।