PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୬୨୮ ପଜିଟିଭ୍ ଚିହ୍ନଟ
  • ||
  • ନୂଆଦିଲ୍ଲୀ : ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ ମୋଦି
  • ||
  • ଭୁବନେଶ୍ୱର : ବଙ୍ଗୋପସାଗରରେ ଆଉ ଏକ ଲଘୁଚାପ, ୧୮ରୁ ପୁଣି ବଢ଼ିବ ବର୍ଷା, ଉତ୍ତର ଓଡିଶାରେ ପ୍ରବଳ ଛେଚିବ
  • ||
  • ସମ୍ବଲପୁର : ସମ୍ବଲପୁର ବିଧାୟକ ଜୟନାରାୟଣ ମିଶ୍ର ଅସୁସ୍ଥ, ହସ୍ପିଟାଲରେ ଭର୍ତ୍ତିି
  • ||
  • ପୁରୀ : ଆଜି ଶ୍ରୀମନ୍ଦିରରେ ବାମନ ଜନ୍ମ ଓ ସୁନିଆଁ ପର୍ବ ପାଳନ, ଜଗା ଦର୍ଶନ ବନ୍ଦ
  • ||
  • ଭୁବନେଶ୍ୱର : ଆଜି ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଓଡ଼ିଶାର ପୁରପଲ୍ଲୀ ଚଳଚଞ୍ଚଳ
  • ||
  • ନୀଳଗିରି : ଡାକବଙ୍ଗଳା ରାସ୍ତାରେ ବୁଲୁଛି ଭାଲୁ
  • ||
  • ସାନଖେମୁଣ୍ଡି : ଗାଧୋଇ ଯିବା ବେଳେ ଧକ୍କା ଦେଲା ଅଜଣା ଗାଡ଼ି, ୨ ମହିଳା ମୃତ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ସହର ୧୨ ଘଣ୍ଟିଆ ବନ୍ଦ, ୪ ଦଫା ଦାବି ନେଇ ବନ୍ଦ ଡ଼କରା ଦେଇଛି ଟ୍ରକ୍ ମାଲିକ ସଙ୍ଘ
  • ||
  • ଜଳେଶ୍ଵର : ବିପଦ ସଙ୍କେତ ଉପରେ ପ୍ରବାହିତ ହେଉଛି ସୁବର୍ଣ୍ଣରେଖା, ଜଳମଗ୍ନ ୫ଟି ପଞ୍ଚାୟତ
  • ||
  • ପାଟଣା : ଦାଉ ସାଧିଲା ଲଗାଣ ବର୍ଷା, ବନ୍ଧ ଭାଙ୍ଗି ବାଲି ଚରିଗଲା ଏକର ଏକର ଚାଷ ଜମି
  • ||

ଅଯୋଧ୍ଯାରୁ ଶ୍ରୀଲଙ୍କା ପର୍ଯ୍ଯନ୍ତ ଦର୍ଶନ କରାଇବ ରାମାୟଣ ଏକ୍ସପ୍ରେସ୍

ନୁଆଦିଲ୍ଲୀ ୨୦/୮: ଭାରତୀୟ ରେଲୱେ ପୁଣି ଥରେ ରାମାୟଣ ଏକ୍ସପ୍ରେସ୍ ଚଲାଇବାକୁ ଯାଉଛି । ଏହି ଟ୍ରେନ୍ ୩ ନଭେମ୍ବରରେ ଦିଲ୍ଲୀର ସଫଦରଜଙ୍ଗ ଷ୍ଟେସନ୍ରୁ ବାହାରି ୧୬ ଦିନରେ ଭାରତ ଓ ଶ୍ରୀଲଙ୍କାର ଯାତ୍ରା ପୁରା କରିବ ଏବଂ ଭଗବାନ ରାମଙ୍କ ସହିତ ଜଡିତ ସ୍ଥାନଗୁଡିକରେ ଶ୍ରଦ୍ଧାଳୁଙ୍କୁ ନେଇ ବୁଲାଇବ । ପର୍ଯ୍ଯାପ୍ତ ସୁରକ୍ଷା ବ୍ଯବସ୍ଥା ସହିତ ଟ୍ରେନରେ ଏକ ଟୁର୍ ମ୍ୟାନେଜର ମଧ୍ଯ ରହିବେ ଯିଏକି ଗାଇଡର ଭୂମିକାରେ ରହିବେ ଏବଂ ଯାତ୍ରୀଙ୍କୁ ସମସ୍ତ ସୂଚନା ଉପଲବ୍ଧ କରାଇବେ । ଟ୍ରେନର ୮୦୦ ଯାତ୍ରୀଙ୍କ ମଧ୍ଯରୁ ୪୦ ଯାତ୍ରୀ ଶ୍ରୀଲଙ୍କା ମଧ୍ଯ ଯିବେ । ଏହି ଟ୍ରେନ୍ ରେଲୱେର କମ୍ପାନୀ ଆଇଆରସିଟିସିର ସଞ୍ଚାଳନରେ ଚଲାଯିବ ।

ଏମିତି ହେବ ଶ୍ରୀରାମାୟଣ ଏକ୍ସପ୍ରେସର ଯାତ୍ରା
ଶ୍ରୀ ରାମାୟଣ ଏକ୍ସପ୍ରେସ ଯାତ୍ରାକୁ ୨ ଭାଗରେ ବିଭକ୍ତ କରାଯାଇଛି । ଗୋଟିଏ ଭାରତରେ ଏବଂ ଅନ୍ଯଟି ଶ୍ରୀଲଙ୍କାରେ । ଏହି ଟୁରରେ ଶ୍ରୀଲଙ୍କା ପାଇଁ ଯାତ୍ରାର ଶୁଳ୍କ ଅଲଗା ରହିବ । ଏହି ଯାତ୍ରାରେ ଭାରତରୁ ଶ୍ରୀଲଙ୍କା ପାଇଁ ବିମାନର ବ୍ୟବସ୍ଥା ମଧ୍ଯ ରହିଛି । ରାମାୟଣ ଏକ୍ସପ୍ରେସର ଯାତ୍ରା ସମୁଦାୟ ୧୬ ଦିନର ରହିବ । ଏହି ଟ୍ରେନରେ ୮୦୦ ଯାତ୍ରୀ ଯାତ୍ରା କରିପାରିବେ ଏବଂ ୪୦ ଶ୍ରଦ୍ଧାଳୁ ଶ୍ରୀଲଙ୍କା ପର୍ଯ୍ଯନ୍ତ ମଧ୍ଯ ଯାତ୍ରା କରିବେ ।

ଭାରତରେ ଏହି ଟ୍ରେନ୍ ଅଯୋଧ୍ଯା, ନନ୍ଦୀଗ୍ରାମ, ଜନକପୁର, ବାରାଣସୀ, ପ୍ରୟାଗ, ଶୃଙ୍ଗୱେରପୁର, ଚିତ୍ରକୁଟ, ହମ୍ପି ଓ ରାମେଶ୍ୱରମର ଦର୍ଶନ କରାଇବ । ଶ୍ରୀଲଙ୍କା ପର୍ଯ୍ଯନ୍ତ ଯାଉଥିବା ଶ୍ରଦ୍ଧାଳୁ କଲମ୍ବୋ, କେଣ୍ଡି, ନୁୱାରା ଏଲିଆର ଦର୍ଶନ ମଧ୍ଯ କରିପାରିବେ ।

ଗତ ବର୍ଷ ମଧ୍ଯ ଚାଲିଥିଲା ଟ୍ରେନ୍
ଗତ ବର୍ଷ ମଧ୍ଯ ୧୪ ନଭେମ୍ବରରେ ଦିଲ୍ଲୀରୁ ଏବଂ ୨୨ ନଭେମ୍‌ବରରେ ଜୟପୁରରୁ ଏହି ଟ୍ରେନ୍ ଚାଲିଥିଲା । ଦିଲ୍ଲୀରୁ ଚାଲିଥିବା ଟ୍ରେନର ସମସ୍ତ  ୮୦୦ ସିଟ୍ ବୁକ୍ ହୋଇଯାଇଥିଲା । ଗତବର୍ଷ ଭାରତରେ ଦର୍ଶନ କରିଥିବା ଶ୍ରଦ୍ଧାଳୁଙ୍କ ପାଇଁ ଟ୍ରେନ ଭଡା ୧୫୧୨୦ ରଖାଯାଇଥିଲା । ସେହିଭଳି ଶ୍ରୀଲଙ୍କା ପର୍ଯ୍ୟନ୍ତ ଯାଇଥିବା ଶ୍ରଦ୍ଧାଳୁଙ୍କ ପାଇଁ ଟିକେଟ୍ ମୂଲ୍ଯ ୩୬୯୭୦ ଟଙ୍କା ରଖାଯାଇଥିଲା । ଏଥରକ ମଧ୍ଯ ପ୍ରାୟ ସେତିକି ଖର୍ଚ୍ଚ ହେବାର ଆକଳନ କରାଯାଇଛି ।