PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼: ପୁଲିସ ପଞ୍ଝାରେ ଆନ୍ତରାଜ୍ୟ ଡକାୟତି ଗ୍ୟାଙ୍ଗ, ଧରିଲା ବୀରମିତ୍ରପୁର ପୋଲିସ
  • ||
  • ବୌଦ୍ଧ: ବିଦ୍ୟୁତ ଆଘାତରେ ଟଳିପଡିଲେ ଯୁବକ, କଣ୍ଟାମାଳ ବ୍ଲକ ତେନ୍ତୁଳୀଖୁଣ୍ତି ଗ୍ରାମରୁ ଆସିଲା ଦୁଃଖଦ ଖବର
  • ||
  • ବୁର୍ଲା: ରୋଗୀ ସମ୍ପର୍କୀୟଙ୍କୁ ବାରମ୍ବାର ଲୁଟ କରୁଥିବା ୪ ଜଣିଆଁ ଡ଼କାୟତ ଗ୍ୟାଙ୍ଗକୁ ଗିରଫ କଲା ବୁର୍ଲା ପୁଲିସ…
  • ||
  • ରାଜନଗର: ଅଗଷ୍ଟ ୫ରୁ ପର୍ଯ୍ୟଟକଙ୍କ ପାଇଁ ଖୋଲିବ ଭିତରକନିକା, ରାତ୍ରୀଯାପନ ପାଇଁ ମିଳିବନି ଅନୁମତି…
  • ||
  • ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ଗୁଳିବିନିମୟ ଜଣେ ହାର୍ଡକୋର ମାଓବାଦୀ ମୃତ
  • ||
  • ମାଲକାନଗିରି: ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ମାଓ ଓ ଯବାନଙ୍କ ମଧ୍ୟରେ ଗୁଳିବିନିମୟ, ଜଣେ ହାର୍ଡକୋର ମାଓବାଦୀ ନିହତ
  • ||
  • ବଲାଙ୍ଗୀର: ଆତ୍ମସମର୍ପଣ କଲା କେକେବିଏନ ଡିଭିଜନର କ୍ୟାଡରର ମାଓବାଦୀ
  • ||
  • ବ୍ରହ୍ମପୁର: ଖଲ୍ଲିକୋଟ ଏକକ ବିଶ୍ୱବିଦ୍ୟାଳୟ ଉଦଘାଟିତ, ଦାୟିତ୍ୱ ନେଲେ ଭାରପ୍ରାପ୍ତ କୁଳପତି
  • ||
  • ଭୁବନେଶ୍ୱର: କେନ୍ଦ୍ରାପଡ଼ାର ରସାବଳିକୁ ଜିଆଇ ଟ୍ୟାଗ ମାନ୍ୟତା ଦାବି, କେନ୍ଦ୍ର ମନ୍ତ୍ରୀ ପୀୟୂଷ ଗୋଏଲଙ୍କୁ ଭେଟି ଦାବି କଲେ ମୁନ୍ନା ଖାଁ, ସୁବାସ ସିଂ, ମମତା ମହନ୍ତ
  • ||
  • ଭୁବନେଶ୍ୱର: ଥମୁନି କରୋନ ମୃତ୍ୟୁ, ଆଉ ୬୪ ଜଣଙ୍କ ଜୀବନ ନେଲା ମହାମାରୀ
  • ||
  • ଯଶିପୁର ନିକଟସ୍ଥ ବଡ଼ବିଲ କୁଆବଣି ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଗାଡି ଚକତଳେ ଚାପିହୋଇ ଯୁବକଙ୍କ ମୃତ୍ୟୁ…
  • ||
  • ପୁରୀ: ହଟିବ ଜଗା ଦର୍ଶନ କଟକଣା ! ଅଗଷ୍ଟ ୪ରେ ଶ୍ରୀମନ୍ଦିର ସମନ୍ୱୟ କମିଟି ବୈଠକ
  • ||
  • ଭୁବନେଶ୍ୱର: ଓଡ଼ିଶା ସହ ୧୦ ରାଜ୍ୟ ବଢ଼ାଉଛି ଚିନ୍ତା, ୪୬ ଜିଲ୍ଲାରେ ୧୦%ରୁ ଅଧିକ ଟିପିଆର
  • ||
  • ଭୁବନେଶ୍ୱର: ଓଡ଼ିଶାରେ କୁମିଛି ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୪୩୭ କୋଭିଡ୍ ପଜିଟିଭ
  • ||

ଦର୍ଶକଙ୍କ କାନ କାମୁଡ଼ିଦେଲେ ଆଇଟମ୍‌ ଗାର୍ଲ

ଭୁବନେଶ୍ୱର,୨୪ା୨(ବ୍ୟୁରୋ): ଦୁଇ ଶହ ଟଙ୍କାର ଟିକେଟ୍‌ କାଟି ଯାତ୍ରା ଦେଖିବାକୁ ଆସିଥିଲେ । କିନ୍ତୁ ଯାତ୍ରାର ଆଇଟମ୍‌ ଗାର୍ଲଙ୍କୁ ଅଶ୍ଳୀଳ ବ୍ୟବହାର ତାଙ୍କୁ ମହଙ୍ଗା ପଡ଼ିଥିଲା । କାନ କାମୁଡା ଖାଇ ଅଧାରୁ ରକ୍ତାକ୍ତ ହୋଇ ଫେରିଲେ । ଏମିତି ଘଟଣା ଦେଖିବାକୁ ମିଳିଛି ଖଣ୍ଡଗିରି ମେଳାରେ ଯାତ୍ରା ମହାକୁମ୍ଭରେ । ଏପରିକି ତାଙ୍କ ବ୍ୟବହାର ଅନ୍ୟ ଦର୍ଶକଙ୍କୁ ବି ଲଜ୍ଜିତ କରିଛି । ଆଇଟମ୍‌ ଗାର୍ଲ ଜଣଙ୍କ ରାଗି ଯାଇ ପେଣ୍ଡାଲ ଉପରେ ତାଙ୍କ ପୋଷାକ ଖୋଲି ଦେଇଛନ୍ତି । ହେଲେ ପୁଲିସ୍‌ ପାଖରେ ଏ ବିଷୟରେ କିଛି ବି ଖବର ନାହିଁ ।
ପୂରା ଘଟଣାଟି ଥିଲା ଏମିତି । ସଚ୍ଚିଦାନନ୍ଦ ଗଣନାଟ୍ୟର ଛତିଶଗଡ଼ି ଆଇଟମ୍‌ ଗାର୍ଲ ରାନୀଙ୍କ ଆଇଟମ୍‌ ଡ୍ୟାନ୍ସ ଦେଖିବାକୁ ସାଙ୍ଗମାନଙ୍କ ସହ ଆସିଥିଲେ ମୁନା (ଛଦ୍ମନାମ) । ଡ୍ୟାନ୍ସର ମଜା ଉଠାଇବାକୁ ଆଗ ଧାଡିରେ ଟିକେଟ୍‌ କାଟିଥିଲେ । ରାତି ସାଢ଼େ ୧୨ ଟାରେ ମେଲୋଡି ଆରମ୍ଭ ହୋଇଥିଲା । ଦୁଇ ତିନିଟି ଗୀତ ପରେ ରାନୀ ପେଣ୍ଡାଲ୍‌ ଉପରକୁ ଆସିଥିଲେ । ନିଜ ମତୁଆଲା ଡ୍ୟାନ୍ସରେ ଦର୍ଶକଙ୍କୁ ପାଗଳ କରିଦେଇଥିଲେ । ପରିବାର ଧରି ଆସିଥିବା ଦର୍ଶକଙ୍କୁ ଛାଡିଦେଲେ ସଭିଏଁ ଠିଆ ହୋଇ ରାନୀଙ୍କ ସହ ତାଳ ଦେଇ ନାଚୁଥିଲେ । ଦର୍ଶକଙ୍କୁ ଆହୁରି ମତୁଆଲା କରିବାକୁ ରାନୀ ପେଣ୍ଡାଲ୍‌ ଡେଇଁ ତଳକୁ ଆସିଥିଲେ । ଦର୍ଶକଙ୍କ ଭିତରେ ନାଚିଥିଲେ । ଏହି ସମୟରେ ମତୁଆଲା ମୁନା ରାନୀଙ୍କ ପାଖକୁ ଆସି ନାଚିଲେ । ମଉକା ଦେଖି ରାନୀଙ୍କୁ ଜବରଦସ୍ତ ଆଲିଙ୍ଗନ କରିଥିଲେ । ଏହି ଘଟଣା ପରେ ରାନୀ ନାଚି ନାଚି ପେଣ୍ଡାଲ୍‌କୁ ପଳାଇଥିଲେ । ହେଲେ ମୁନାକୁ ପାନେ ଦେବାପାଇଁ ରାନୀ ରାଗ ତମତମ ହୋଇ ପୁଣି ଦର୍ଶକଙ୍କ ଭିତରକୁ ଫେରିଥିଲେ । ମୁନା ସହ ନାଚିଲେ, ଆଲିଙ୍ଗନର ବାହାନା କରି କାନ କାମୁଡି ଛିଡାଇ ଦେଇଥିଲେ । ଏପେଟେ ମୁନା କ୍ଷତାକ୍ତ କାନକୁ ଧରି ତଳେ ଗଡ଼ୁଥିବା ବେଳେ ରାନୀ ପେଣ୍ଡାଲ ଉପରକୁ ଯାଇ ନିଜ ପୋଷାକ ଖୋଲି ଦେଇଥିଲେ ।
ଏହି ଘଟଣା ପରେ ପରିବାର ସହ ଯାତ୍ରାକୁ ଆସିଥିବା ଦର୍ଶକ ଉଠି ପଳାଇଥିଲେ । ଆଉ କିଛି ଦର୍ଶକ ହୋହଲ୍ଲା ମଚାଇଥିଲେ । ଯାତ୍ରା ପରିଚାଳନା କମିଟି ସଦସ୍ୟ ବୁଝା ସୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା । ତା’ପରେ ବହି ଆରମ୍ଭ ହୋଇଥିଲା । ଏତେ ବଡ଼ ଘଟଣା ଘଟିଲା । ହେଲେ ରାତି ସାରା ପଇଁତରା ମାରୁଥିବା ପୁଲିସ୍‌ ପାଖରେ ଘଟଣା ନେଇ କିଛି ବି ଖବର ନାହିଁ । ଏବେ ଖଣ୍ଡଗିରି ଥାନା ପୁଲିସ୍‌କୁ ପଚାରିବାକୁ ସେ ଉତ୍ତର ଦେଇଥିଲେ, ଯଦି କିଏ ଏତଲା ଦେବେ, ଆମେ ତଦନ୍ତ ଆରମ୍ଭ କରିବୁ ।
ବଡ଼ କଥା ହେଉଛି, ବର୍ଷକୁ ବର୍ଷ ଖଣ୍ଡଗିରି ଯାତ୍ରା ମହାକୁମ୍ଭରେ ଅଶ୍ଳୀଳତା ଦିନକୁ ଦିନ ବୃଦ୍ଧି ପାଉଛି । ଯେହେତୁ ଏଠାରୁ ଯାତ୍ରା ପାର୍ଟି ଗୁଡ଼ିକ ବେପାରର ବର୍ଷ ଆରମ୍ଭ ହୋଇଥାଏ, ଦର୍ଶକ ଟାଣିବାକୁ ସେମାନେ ନାନା ଉପାୟ ଆପଣାଇଥାନ୍ତି । ଏ ବର୍ଷ ପ୍ରାୟ ସବୁ ପାର୍ଟି ଆଇଟମ୍‌ ଗାର୍ଲଙ୍କ ଅଶ୍ଳୀଳ ନାଚ ଜରିଆରେ ଦର୍ଶକଙ୍କୁ ଆକୃଷ୍ଟ କରୁଛନ୍ତି । ଏହି ଆଇଟମ୍‌ ଗାର୍ଲଙ୍କ ସମ୍ପର୍କରେ ମାଇକ ଜରିଆରେ ସହହ ବୁଲି ପ୍ରଚାର କରୁଛନ୍ତି । ଆଇଟମ୍‌ ଗାର୍ଲଙ୍କୁ ଦେଖିବା ପାଇଁ ନାହିଁ ନଥିବା ଭିଡ ଜମୁଛି ।