ସୁଟିଂ ପାଇଁ ଆସିଥିଲେ ଯୁବତୀ, ମଦ ପିଆଇ କଲେ ଦୁଷ୍କର୍ମ
aajtak.intoday.in
ଉତ୍ତରପ୍ରଦେଶ ୧୫।୮ : ନୋଏଡା ଥାନା ସେକ୍ଟର-୨୦ ଅଞ୍ଚଳରେ ଜଣେ ଯୁବତୀଙ୍କ ସହ ତାଙ୍କ ସହକର୍ମୀଙ୍କ ଦ୍ବାରା ଦୁଷ୍କର୍ମ କରାଯାଇଥିବା ମାମଲା ସାମ୍ନାକୁ ଆସିଛି। ଯୁବତୀଙ୍କ ଅଭିଯୋଗ ଆଧାରରେ ପୋଲିସ ମାମଲାର ଯାଞ୍ଚ କରୁଛି। ପୋଲିସର ଅତିରିକ୍ତ ଡେପୁଟି କମିଶନର (ଜୋନ୍ ୧) ରଣବିଜୟ ସିଂହ କହିଛନ୍ତି କି, ଗାଜିୟାବାଦର ବୈଶାଲୀ ସେକ୍ଟର-୫ରେ ରହୁଥିବା ଜଣେ ଯୁବତୀ ନୋଏଡା ଥାନା ସେକ୍ଟର-୨୦ରେ ଅଭିଯୋଗ କରିଛନ୍ତି।
ଯୁବତୀଙ୍କ କହିବାନୁସାରେ, ଅଗଷ୍ଟ ୧୩ ତାରିଖରେ ନିଜ ସାଙ୍ଗ ରୋନି ଓରଫ୍ ପୃଥ୍ବୀ ଏବଂ ଅନ୍ୟ ଲୋକଙ୍କ ସହିତ ସେକ୍ଟର-୩୧ରେ କର୍ପୋରେଟ୍ ସୁଟ୍ ପାଇଁ ଯାଇଥିଲେ। ସେ କହିଛନ୍ତି କି, ୧୧ଟାରୁ ୧୨ଟା ମଧ୍ୟରେ ସେଠାରେ ଏହି ଲୋକମାନେ ଖାଇବା ଖାଇଥିଲେ ଏବଂ ମଦ ପିଇଥିଲେ।
ପୋଲିସର ଅତିରିକ୍ତ ଡେପୁଟି କମିଶନର କହିଛନ୍ତି ଯେ, ଏହା ପରେ ଅଗଷ୍ଟ ୧୩ରେ ପ୍ରାୟ ୪ଟାରେ ଯୁବତୀଙ୍କୁ ମଦ ପିଆଇ ତାଙ୍କ ସହ ଦୁଷ୍କର୍ମ କରାଯାଇଥିଲା। ଯୁବତୀଙ୍କ ସହିତ ଯାଇଥିବା ତାଙ୍କ ସାଙ୍ଗ ଘଟଣା ସମୟରେ ଶୋଇପଡ଼ିଥିଲେ। ପୋଲିସ ମାମଲାର ତଦନ୍ତ କରୁଛି। ପୀଡ଼ିତାର ମେଡିକାଲ ଯାଞ୍ଚ ପାଇଁ ଜିଲ୍ଲା ହସ୍ପିଟାଲ ପଠାଯାଇଥିଲା। ମେଡିକାଲ ରିପୋର୍ଟରେ ଦୁଷ୍କର୍ମ କରାଯାଇଛି ବୋଳି ସ୍ପଷ୍ଟ ହୋଇଛି। ପୀଡ଼ିତା ଜଣକ ଘଟଣା ସମ୍ପର୍କରେ ପ୍ରଥମେ ତାଙ୍କ ମା ବାପାଙ୍କୁ ଜଣାଇଥିଲେ। ଏହା ପରେ ଥାନାରେ ମାମଲା ରୁଜୁ ହୋଇଥିଲା। ଯୁବତୀଙ୍କ ଅଭିଯୋଗ କ୍ରମେ ପୋଲିସ ଅଭିଯୁକ୍ତଙ୍କୁ ଗିରଫ କରିଛି।
