PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ହିମାଚଳ ସୀମାରେ ଉଡ଼ିଲା ରାଫେଲ

ନୂଆଦିଲ୍ଲୀ,୧୨।୮: ଚୀନ୍‌ ସହିତ ସୀମାରେ ତିକ୍ତତା ଲାଗି ରହିଥିବା ପରିପ୍ରେକ୍ଷୀରେ ଭାରତୀୟ ବାୟୁସେନାର ରାଫେଲ ଯୁଦ୍ଧବିମାନ ଏବେ ହିମାଚଳ ପ୍ରଦେଶ ସୀମାରେ ରାତ୍ରକାଳୀନ ଉଡାଣ ଭରୁଛି । ଯଦି ପରିସ୍ଥିତି ବିଗିଡିଯାଏ, ତା’ହେଲେ ଏହି ଯୁଦ୍ଧବିମାନଗୁଡିକୁ ଯେପରି ସେଠାରେ ସହଜରେ ବ୍ୟବହାର କରିହେବ ସେଥିପାଇଁ ଏପରି କରାଯାଉଛି ।

ଜୁଲାଇ ୨୯ରେ ଭାରତ ୫ଟି ରାଫେଲ ବିମାନକୁ ବାୟୁସେନାରେ ସାମିଲ କରିଥିଲା । ଫ୍ରାନ୍ସ ନିର୍ମିତ ଏହି ଯୁଦ୍ଧବିମାନକୁ ନେଇ ବାୟୁସେନା ଗୋଲଡେନ୍‌ ଆରୋଜ୍‌ ନାମକ ଏକ ସ୍କ୍ୱାଡ୍ରନ ଗଠନ କରିଛି । ଭାରତ ସମୁଦାୟ ୩୬ଟି ବିମାନ କିଣିବାକୁ ଥିବାବେଳେ ଏହା ମଧ୍ୟରୁ ୧୮ଟିକୁ ଅମ୍ୱାଲାରେ ଏବଂ ବାକି ୧୮ଟିକୁ ଭୁଟାନ୍‌ ସୀମାକୁ ଲାଗିକରିଥିବା ହାସିମାରା ଘାଟିରେ ମୁତୟନ କରିବାକୁ ଯୋଜନା କରିଛି ।

ହେଲେ ଏବେ ଏହି ବିମାନର ଉଡାଣ ହିମାଚଳ ସୀମାରେ କରାଯିବା ପଛରେ ଏକ କାରଣ ଅଛି । ତାହା ହେଲା ଚୀନ୍‌ ସେନା ପାଖରେ ଯେଉଁ ଇଲେକ୍ଟ୍ରୋନିକ ରାଡାର ରହିଛି, ତାହା ବେଶ୍‌ ଅତ୍ୟାଧୁନିକ ଅଟେ । ଆମେରିକୀୟ ବାୟୁସେନାର ମୁକାବିଲା କରିବା ପାଇଁ ଚୀନ୍‌ ସେନା ଏହାର ନିର୍ମାଣ କରିଛି । ଏହା ସାହାଯ୍ୟରେ ଶତ୍ରୁ ଯୁଦ୍ଧବିମାନର ଫ୍ରିକ୍ୱେନ୍ସି ଜଣାପଡିବ ଏବଂ ଯୁଦ୍ଧ ସମୟରେ ତା’ ସାହାଯ୍ୟରେ ଉକ୍ତ ବିମାନର ଇଲେକ୍ଟ୍ରୋନିକ୍‌ ପ୍ରଣାଳୀକୁ ଜାମ୍‌ କରିହେବ । ଭାରତୀୟ ବାୟୁସେନା ପାଖରେ ଥିବା ଅନ୍ୟ ଶ୍ରେଣୀର ଯୁଦ୍ଧବିମାନକୁ ଏବେ ଲଦାଖ କିମ୍ୱା ହିମାଚଳ ସୀମାରେ ଉଡାଇଲେ ଭାରତ ସେଇ ସମସ୍ୟା ଭୋଗିବ । ତେଣୁ ଏହାକୁ ଏଡାଇବା ପାଇଁ ସେଠାରେ ରାଫେଲକୁ ବ୍ୟବହାର କରାଯାଉଛି ।

କାରଣ ରାଫେଲ ବିମାନରେ ଏଭଳି ଟେକେ୍‌ନାଲୋଜି ଲଗାଯାଇଛି ଯାହା ମାଧ୍ୟମରେ ସିଏ ନିଜର ଫ୍ରିକ୍ୱେନ୍ସି ବଦଳାଇ ଦେଇପାରିବ । ତେଣୁ ଅଭ୍ୟାସ କରିବା ସମୟରେ ଏହାର ଫ୍ରିକ୍ୱେନ୍ସି ଯାହା ଥିବ, ଯୁଦ୍ଧ ସମୟରେ ସେଇଆ ନଥିବ । ଭାରତର କିଛି ପ୍ରତିରକ୍ଷା ବିଶେଷଜ୍ଞ ପରାମର୍ଶ ଦେଇଛନ୍ତି ଯେ ଲଦାଖ ସୀମାରେ ବି ଏହି ବିମାନର ଉଡାଣ କରାଯାଉ । ରାଫେଲ ବିମାନରେ ଫ୍ରାନ୍ସ ନିର୍ମିତ ମିଟିଓର ଏବଂ ସ୍କାଲ୍‌ପ ମିସାଇଲ ଲାଗିଛି । ମିଟିଓର ମିସାଇଲ ଆକାଶରୁ ଆକାଶରେ ମାଡ଼ କରିପାରିବ । ଏହାର ରେଂଜ ହେଉଛି ୧୨୦ରୁ ୧୫୦ କିମି । ସେହିପରି ସ୍କାଲପ୍‌ ହେଉଛି ଆକାଶରୁ ଭୂପୃଷ୍ଠରେ ମାଡ଼ କରାଯାଇପାରୁଥିବା ଏକ କ୍ରୁଜ୍‌ ମିସାଇଲ । ଏହା ସାହାଯ୍ୟରେ ଶତ୍ରୁର ସୈନ୍ୟ ଘାଟି ଏବଂ ଅନ୍ୟ ସଂରଚନାକୁ ନଷ୍ଟ କରାଯାଇପାରିବ ।