PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୬୨୮ ପଜିଟିଭ୍ ଚିହ୍ନଟ
  • ||
  • ନୂଆଦିଲ୍ଲୀ : ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ ମୋଦି
  • ||
  • ଭୁବନେଶ୍ୱର : ବଙ୍ଗୋପସାଗରରେ ଆଉ ଏକ ଲଘୁଚାପ, ୧୮ରୁ ପୁଣି ବଢ଼ିବ ବର୍ଷା, ଉତ୍ତର ଓଡିଶାରେ ପ୍ରବଳ ଛେଚିବ
  • ||
  • ସମ୍ବଲପୁର : ସମ୍ବଲପୁର ବିଧାୟକ ଜୟନାରାୟଣ ମିଶ୍ର ଅସୁସ୍ଥ, ହସ୍ପିଟାଲରେ ଭର୍ତ୍ତିି
  • ||
  • ପୁରୀ : ଆଜି ଶ୍ରୀମନ୍ଦିରରେ ବାମନ ଜନ୍ମ ଓ ସୁନିଆଁ ପର୍ବ ପାଳନ, ଜଗା ଦର୍ଶନ ବନ୍ଦ
  • ||
  • ଭୁବନେଶ୍ୱର : ଆଜି ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଓଡ଼ିଶାର ପୁରପଲ୍ଲୀ ଚଳଚଞ୍ଚଳ
  • ||
  • ନୀଳଗିରି : ଡାକବଙ୍ଗଳା ରାସ୍ତାରେ ବୁଲୁଛି ଭାଲୁ
  • ||
  • ସାନଖେମୁଣ୍ଡି : ଗାଧୋଇ ଯିବା ବେଳେ ଧକ୍କା ଦେଲା ଅଜଣା ଗାଡ଼ି, ୨ ମହିଳା ମୃତ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ସହର ୧୨ ଘଣ୍ଟିଆ ବନ୍ଦ, ୪ ଦଫା ଦାବି ନେଇ ବନ୍ଦ ଡ଼କରା ଦେଇଛି ଟ୍ରକ୍ ମାଲିକ ସଙ୍ଘ
  • ||
  • ଜଳେଶ୍ଵର : ବିପଦ ସଙ୍କେତ ଉପରେ ପ୍ରବାହିତ ହେଉଛି ସୁବର୍ଣ୍ଣରେଖା, ଜଳମଗ୍ନ ୫ଟି ପଞ୍ଚାୟତ
  • ||
  • ପାଟଣା : ଦାଉ ସାଧିଲା ଲଗାଣ ବର୍ଷା, ବନ୍ଧ ଭାଙ୍ଗି ବାଲି ଚରିଗଲା ଏକର ଏକର ଚାଷ ଜମି
  • ||

ରାସନ କାର୍ଡକୁ ନେଇ ମା’କୁ କୁରାଢ଼ିରେ ହାଣିଲା ପୁଅ

ଜଳେଶ୍ୱର,୧୭/୦୮: ସାମନ୍ୟ ରାସନ କାର୍ଡ଼କୁ କେନ୍ଦ୍ର କରି ଜଣେ ପୁଅ ନିଜ ମା’ଙ୍କୁ କୁରାଢ଼ିରେ ମରଣାନ୍ତକ ଆକ୍ରମଣ କରିଛି । ଏ ଘଟଣା ଜଳେଶ୍ୱର ସହରରର ଝାଡ଼େଶ୍ୱରପୁର ଗ୍ରାମରେ ଘଟିଛି ।

ପ୍ରାପ୍ତ ସୂଚନା ଅନୁଯାୟୀ, ଝାଡ଼େଶ୍ୱରପୁର ୧ନଂ ୱାର୍ଡ଼ର ବାସିନ୍ଦା ମୋଇଦ୍‌ ଖାଁଙ୍କ ପତ୍ନୀ ଗୁଲସନ ବିବି(୬୦)ଙ୍କ ନାମରେ ରାସନ କାର୍ଡ଼ ରହିଛି। ଗୁଲସନ ବିବି ବଡ଼ପୁଅ ଅଜମେର ଖାଁ ଓ ପତ୍ନୀ ଚୁମୁକି ବିବିଙ୍କ ସହିତ ରହୁଥିବା ବେଳେ ସାନପୁଅ ସାଜନ ଖାଁ ନିଜ ସ୍ତ୍ରୀ ସୋନା ବିବି ଓ ବାପା ମୋଇଦ୍‌ ଖାଁଙ୍କ ସହିତ ଅନ୍ୟ ସ୍ଥାନରେ ରହନ୍ତି ।

ସାନପୁଅ ନିକଟରେ ଗୁଲସନ ବିବିର ରାସନକାର୍ଡ଼ଟି ଥିବାରୁ ସବୁ ଥର ସେ ସମସ୍ତ କଣ୍ଟ୍ରୋଲ ସାମଗ୍ରୀ ଚାଉଳ, ଗହମ ପ୍ରଭୃତି ଡିଲର ନିକଟରୁ ନେଇଯାଇଥାଏ । ଏହି ଘଟଣାକୁ କେନ୍ଦ୍ର କରି ଗୁଲସନ ବିବି ସଂପୃକ୍ତ ଡିଲରକୁ ସେମାନଙ୍କର ଭାଗରେ ଥିବା ସାମଗ୍ରୀ ସାନପୁଅ ସାଜନ ଖାଁକୁ ନଦେବା ପାଇଁ ତାଗିଦ କରିଥିଲେ । ପ୍ରତ୍ୟେକ ମାସ ଭଳି ଚଳିତ ମାସ ସାଜନ ଖାଁ ସେହି କାର୍ଡ଼ଟିକୁ ନେଇ ଡିଲର ପାଖରୁ ସମସ୍ତ ସାମଗ୍ରୀ ଆଣିବାକୁ ଯାଇଥିବା ବେଳେ ଡିଲର ତା’ ମା କଥା କହି ପୂରା କୋଟା ଦେଇ ପାରିବ ନାହିଁ ବୋଲି ନିଜର ଅକ୍ଷମତା ପ୍ରକାଶ କରିଥିଲା ।

ସେହି ଘଟଣାକୁ ନେଇ ସାନପୁଅ ସାଜନ ଖାଁ ମା’ ଗୁଲସନ ବିବି ସହିତ ପାଟିତୁଣ୍ଡ କରିବା ସହ ଏକ କୁରାଢ଼ିରେ ମୁଣ୍ଡ, ବେକ, କାନ ଓ ଛାତିକୁ ହାଣିଥିଲା । ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଗୁଲସନ ବିବିଙ୍କୁ ଜଳେଶ୍ୱର ଜି.କେ. ଭଟ୍ଟର ହସପିଟାଲ ଭର୍ତ୍ତି କରାଯାଇଥିଲା । ପରେ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିବା ବେଳେ ଅବସ୍ଥା ଉଦ୍‌ବେଗଜନକ ହେବାରୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଏହି ଘଟଣା ସମ୍ପର୍କରେ ବଡ଼ଭାଇ ଆଜମେର ଖାଁଙ୍କ ପତ୍ନୀ ଚୁମୁକି ବିବି ଜଳେଶ୍ୱର ଥାନାରେ ଲିଖିତ ଅଭିଯୋଗ ଦେଇଛନ୍ତି । ସାଜନ ଖାଁ, ତା’ ସ୍ତ୍ରୀ ସୋନା ବିବି ଓ ବାପା ମୋଇଦ୍‌ ଖାଁଙ୍କ ବିରୋଧରେ ମାମଲା ରୁଜୁ ହୋଇ ତଦନ୍ତ ଜାରି ରହିଛି ।