ବିଜେପି କାଟିଲା ଶତ୍ରୁଘ୍ନ ସିହ୍ନାଙ୍କ ଟିକେଟ୍, କଂଗ୍ରେସରେ ହୋଇପାରନ୍ତି ସାମିଲ

ନୂଆଦିଲ୍ଲୀ,୨୩।୩: ଆଜି ବିଜେପି ବିହାରରେ ଏନଡିଏର ୪୦ଟି ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା ହୋଇଛି। ତେବେ ଏହି  ପ୍ରାର୍ଥୀ ତାଲିକାରେ ନାହାଁନ୍ତି ଶତୃଘ୍ନ ସିହ୍ନା। ଶତୃଘ୍ନ ବିଜେପିରେ ରହି ଦଳକୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବହୁବାର ସମାଲୋଚନା କରୁଥିବାରୁ ତାଙ୍କୁ ଟିକେଟ୍‌ ମିଳି ନାହିଁ ବୋଲି ଆଶଙ୍କା କରାଯାଉଛି। ଶତୃଘ୍ନଙ୍କ ବଦଳରେ କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦଙ୍କୁ ବିଜେପି ପାଟନା ସାହିବରୁ ପ୍ରାର୍ଥୀ କରିଛି। ରବିଶଙ୍କର ପ୍ରଥମଥର ପାଇଁ ଲୋକସଭା ନିର୍ବାଚନ ଲଢ଼ିବେ। ଶତ୍ରୁଘ୍ନଙ୍କ ସହିତ  ଶହନୱାଜ ହୁସେନ୍‌ଙ୍କୁ ମଧ୍ୟ  ଟିକେଟ୍‌ ମିଳିନାହିଁ। ତେବେ ଶହନଓ୍ବାଙ୍କୁ କାହିଁକି ଟିକେଟ୍ ମିଳିନାହିଁ ତାହା ସ୍ପଷ୍ଟ ହୋଇପାରିନାହିଁ। ଆଗକୁ ଶତ୍ରୁଘ୍ନ କଂଗ୍ରେସରେ ସାମିଲ ହୋଇପାରନ୍ତି ବୋଲି ଚର୍ଚ୍ଚା ହେଉଛି।

ଅନ୍ୟପକ୍ଷେ ନୱାଦାର ସାଂସଦ ତଥା କେନ୍ଦ୍ରମନ୍ତ୍ରୀ ଗିରିରାଜ ସିଂହଙ୍କୁ ଦଳ ଏଥର ବେଗୁସରାଇରୁ ପ୍ରାର୍ଥୀ କରିଛି। ନୱାଦା ଆସନରେ ଏନ୍‌ଡିଏର ସହଯୋଗୀ ଦଳ ଏଲଜେପି ଚନ୍ଦନ କୁମାରଙ୍କୁ ପ୍ରାର୍ଥୀ କରିବ। ଜମୁଇରୁ ଏଲଜେପିର ଚିରାଗ ପାଶ୍ୱାନ ପ୍ରାର୍ଥୀ ହେବେ। ପୂର୍ବ ଚମ୍ପାରନ୍‌ରୁ କେନ୍ଦ୍ର କୃଷିମନ୍ତ୍ରୀ ରାଧା ମୋହନ ସିଂହ, ପାଟଲିପୁତ୍ରରୁ ରାମକ୍ରିପାଲ ଯାଦବ, ଆରାରୁ ଆର.କେ ସିଂହ, ବକସାରରୁ ଅଶ୍ୱିନୀ ଚୌବେ ଓ ସାରନରୁ ରାଜୀବ ପ୍ରତାପ ରୁଡ଼ି ପ୍ରାର୍ଥୀ ହୋଇଛନ୍ତି।ବିହାରର ୪୦ଟି ଆସନରୁ ବିଜେପି ଓ ନୀତୀଶ କୁମାରଙ୍କ ଜେଡିୟୁ ୧୭ଟି ଲେଖାଏ ଆସନରେ ପ୍ରାର୍ଥୀ ଦେଇଥିବା ବେଳେ ରାମବିଲାସ ପାଶ୍ୱାନଙ୍କ ଏଲଜେପି ୬ଟି ଆସନରେ ଲଢ଼ିବ। ତେବେ ଦଳ ପକ୍ଷରୁ ଏପର୍ଯ୍ୟନ୍ତ ୫ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି।

   ସମ୍ବନ୍ଧିତ ଖବର


ED ସ୍କାନରରେ ପଞ୍ଜାବ ମୁଖ୍ୟମନ୍ତ୍ରୀଙ୍କ ପୁଅ

ଇମ୍ରାନ୍‌ଙ୍କୁ ଝଟକା : ପୂର୍ବଭଳି ଗ୍ରେ ଲିଷ୍ଟରେ ପାକିସ୍ତାନ, FATF କହିଲା…

୬ ବର୍ଷ ବୟସରେ ଇନ୍ସପେକ୍ଟର ! ସମ୍ଭାଳିଲେ ଏହି ଦାୟିତ୍ୱ

ଭାରତକୁ କ’ଣ ପାଇଁ ଆସିଥିଲା ଗିରଫ ହୋଇଥିବା ଚୀନ୍‌ ସୈନିକ? ତା ପାଖରୁ ସେନାକୁ ମିଳିଥିଲା ସ୍ଲିପିଙ୍ଗ୍‌ ବ୍ୟାଗ୍‌ ଓ ଷ୍ଟୋରେଜ ଡିଭାଇସ୍

୯ ମାସ ହେଲା ଗାଏବ କିମ୍‌ ଜୋଙ୍ଗ ଉନ୍‌ଙ୍କ ପତ୍ନୀ : ଏମିତି ଚାଲିଛି ଗୁଜବ !

ଆଗାମୀ ୨୦ ବର୍ଷ ଯାଏ ରହିବ କରୋନା, ଏଭଳି ଯୁକ୍ତି ରଖିଲା ସିରମ୍‌ ଇନଷ୍ଟିଚ୍ୟୁଟ୍‌