ନୂଆଦିଲ୍ଲୀ ୨୪/୮ : ଆଇପିଏଲ୍ର ପରବର୍ତ୍ତୀ ସଂସ୍କରଣ ପାଇଁ ଆର୍ସିବି (ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର) କୋଚ୍ ଓ ସହକାରୀ ଅଫିସିଆଲ୍ ପରିବର୍ତ୍ତନ କରିଛି । ଆର୍ସିବି କୋଚ୍ ଗେରି କିର୍ଷ୍ଟେନ ଓ ଆଶିଷ ନେହେରାଙ୍କୁ ବାଦ୍ ଦେଇଛି । ଉଭୟଙ୍କ ସ୍ଥାନରେ ନ୍ୟୁଜିଲାଣ୍ଡର ପୂର୍ବତନ କୋଚ୍ ମାଇକ୍ ହେସନ କ୍ରିକେଟ୍ ପରିଚାଳନା ନିର୍ଦ୍ଦେଶକ ଏବଂ ଅଷ୍ଟ୍ରେଲିଆର ସାଇମନ କାଟିଚ୍ଙ୍କୁ ମୁଖ୍ୟ କୋଚ୍ ନିଯୁକ୍ତ କରାଯାଇଛି ।
ଆର୍ସିବି ଅଧ୍ୟକ୍ଷ ସଞ୍ଜୀବ ଚୌରିୱାଲା କହିଛନ୍ତି, ହେସନ ଆର୍ସିବିର କ୍ରିକେଟ୍ ପରିଚାଳନା ବ୍ୟତୀତ ନୂଆ ରଣନୀତି, ପରଫର୍ମାନ୍ସ ମ୍ୟାନେଜମେଣ୍ଟ ଦିଗରେ କାର୍ଯ୍ୟ କରିବେ । ସେହିପରି କାଟିଚ୍ ମୁଖ୍ୟ କୋଚ୍ ଭାବେ ଦାୟିତ୍ୱ ଗ୍ରହଣ କରିବେ । ହେସନ ଓ କାଟିଚ୍ଙ୍କ ଅଭିଜ୍ଞତା ଦଳକୁ ସଫଳ କରିପାରିବେ । ପୂର୍ବତନ କୋଚ୍ କିର୍ଷ୍ଟେନ ଓ ନେହେରାଙ୍କୁ ସେମାନଙ୍କ ଅବଦାନ ପାଇଁ ସାଧୁବାଦ ଜଣାଉଛି । ଉଭୟ ଯୁବ ଖେଳାଳିଙ୍କୁ ଦଳରେ ସାମିଲ କରିବା ଏବଂ ଆତ୍ମବିଶ୍ୱାସ ବଢ଼ାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ ।’
ସୂଚନାଯୋଗ୍ୟ, ହେସନ ପୂର୍ବରୁ କିଙ୍ଗ୍ସ ଏକାଦଶ ପଞ୍ଜାବ ମୁଖ୍ୟ କୋଚ୍ ଭାବେ କାର୍ଯ୍ୟରତ ଥିଲେ । ସେହିପରି କାଟିଚ୍ ପୂର୍ବରୁ କୋଲକାତା ନାଇଟ୍ ରାଇଡର୍ସର ସହାକାରୀ କୋଚ୍ ଦାୟିତ୍ୱ ନିର୍ବାହ କରିଥିଲେ ।