ମୁମ୍ବାଇ,୦୩/୦୬: ଚାକିରିକୁ ନେଇ ଏକ ଭଲ ଖବର ସାମ୍ନାକୁ ଆସିଛି। ନିଯୁକ୍ତି ପୋର୍ଟାଲ ଇନ୍ଡିଡ୍ ପକ୍ଷରୁ ଜାରି କରାଯାଇଥିବା ରିପୋର୍ଟ ମୁତାବକ ମାର୍ଚ୍ଚ ୨୦୨୩ ଓ ୨୦୨୪ ମଧ୍ୟରେ ନିର୍ମାଣ ଓ ରିୟଲ୍ ନିଯୁକ୍ତିରେ ୮୬ ପ୍ରତିଶତ ଉଲ୍ଲେଖନୀୟ ବୃଦ୍ଧି ହୋଇଛି। ରିପୋର୍ଟରେ ଏହି ବୃଦ୍ଧି ସହିତ ଚାକିରି ପାଇଁ ଆଶାୟୀଙ୍କ ସଂଖ୍ୟାରେ ୫୭ ପ୍ରତିଶତ ବୃଦ୍ଧି ହୋଇଛି, ଯେଉଁଥିରେ ଦିଲ୍ଲୀ, ବେଙ୍ଗାଲୁରୁ ଏବଂ ମୁମ୍ବାଇ ପ୍ରମୁଖ ସହର ଅଟେ।
ଇନ୍ଡିଡ୍ର ରିପୋର୍ଟ ମୁତାବକ, ନିର୍ମାଣ କ୍ଷେତ୍ରରେ ୫.୦୫ ପ୍ରତିଶତ ଭାଗିଦାରି ସହିତ ଦିଲ୍ଲୀରେ ସବୁଠାରୁ ଅଧିକ ନିଯୁକ୍ତି ଦେଖିବାକୁ ମିଳିଛି। ଏହା ପରେ ବେଙ୍ଗାଲୁରୁ (୪.୬୮%) ଏବଂ ମୁମ୍ବାଇ (୪.୧୩ %) ବୃଦ୍ଧି ଘଟିଛି। ଏର୍ନାକୁଲମ (୨%), କୋଚ୍ଚି (୧.୫୦%) ଲକ୍ଷ୍ନୌ (୧.୩୮ %) ଏବଂ କଲିକଟ (୧.୨୫%) ଭଳି ଛୋଟ ସହରରେ ଚାକିରି ଆଶାୟୀ ଉତ୍କଣ୍ଠା ବଢ଼ିବାର ଶିର୍ଷ ରାଷ୍ଟ୍ର ଅଟେ।
ଚାକିରି ପୋଷ୍ଟିଂରେ ସର୍ବାଧିକ ଭାଗିଦାରି ହାସଲ କରିଥିବା ଭୂମିକା ଗୁଡ଼ିକ ମଧ୍ୟରେ ଇଞ୍ଜିନିୟର୍ ପାଇଁ (୧୭.୧୮%), ପ୍ରୋଜେକ୍ଟ ଲିଡ୍ ଏବଂ ସୁପରଭାଇଜର (୮%) ଏବଂ ମାନୁଫ୍ୟାକ୍ଚରିଂ ପାଇଁ (୫%) ସାମିଲ କରିଥିଲେ । ଏହାକୁ ଏକ ଶକ୍ତିଶାଳୀ ବ୍ୟବସାୟୀକ ବାତାବରଣ, ବର୍ଦ୍ଧିତ ଶିଳ୍ପ ଆବଶ୍ୟକତା, ସ୍ଥାନାନ୍ତରଣ ବଢ଼ିବା ସହିତ ବ୍ୟବସାୟିକ ଗୃହ ଆବଶ୍ୟକତା ଏବଂ ଉତ୍ପାଦନ ସୁବିଧା ଖୋଲିବା ସହିତ ଯୋଡ଼ା ଯାଇପାରିବ।
ଇନ୍ଡିଡ୍ ଭାରତର ବାଣିଜ୍ୟିକ ମୁଖ୍ୟ ଶଶି କୁମାର କହିଛନ୍ତି ଯେ ନିର୍ମାଣ ଶିଳ୍ପ ଅର୍ଥନୈତିକ ଅଭିବୃଦ୍ଧିର ଏକ ପ୍ରମୁଖ ଚାଳକ ହୋଇ ରହିଛି, ଯାହାକି କୁଶଳୀ ବୃତ୍ତିଗତ ଠାରୁ ଆରମ୍ଭ କରି ଅର୍ଦ୍ଧ-କୁଶଳୀ ଶ୍ରମିକ ପର୍ଯ୍ୟନ୍ତ ସମସ୍ତଙ୍କ ପାଇଁ ଅପାର ସୁଯୋଗ ପ୍ରଦାନ କରିଥାଏ। ନିଯୁକ୍ତି କ୍ଷେତ୍ରରେ ଯଥେଷ୍ଟ ବୃଦ୍ଧି ଚାକିରି ଆଶାୟୀ ଏବଂ ନିଯୁକ୍ତିଦାତାମାନଙ୍କ ପାଇଁ ଆଶାଜନକ ସମ୍ଭାବନାକୁ ସଂକେତ ଦେଉଥିବା ବେଳେ ଚାକିରି ଖୋଜୁଥିବା ଲୋକଙ୍କ ଆଗ୍ରହରେ ଉଲ୍ଲେଖନୀୟ ବୃଦ୍ଧି ମଧ୍ୟ ଶିଳ୍ପରେ ଏକ ଶକ୍ତିଶାଳୀ ଗତି ପ୍ରତିଫଳିତ କରେ। ”
You can also read: ଭାରତର ଚନ୍ଦ୍ରଯାନକୁ କପି କଲା ପାକିସ୍ତାନ; ଚୀନ୍ ସହିତ ମିଶି ଲଞ୍ଚ କଲା ମୁନ୍ ମିଶନ