PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିଶୁ ଅପହରଣ ଉଦ୍ୟମ ପଣ୍ଡ, ବାଇକ ରୁ ଲମ୍ଫ ମାରି ଦୁର୍ବୃତ୍ତଙ୍କ କବଳରୁ ମୁକୁଳିଲା ୧୨ ବର୍ଷର ଶିଶୁ ପୁତ୍ର, ଜଗତସିଂହପୁର ଥାନାରେ ମାମଲା।
  • ||
  • ଢେଙ୍କାନାଳ: ସାଇକୃପା ଆବାସିକ ମହାବିଦ୍ୟାଳୟରୁ ୪ଜଣ ଛାତ୍ର କୋଭିଡ ପଜିଟିଭ ଚିହ୍ନଟ, ଆରଟିପିସିଆର ଟେଷ୍ଟ ପାଇଁ ୨୬୦ ଜଣଙ୍କର ସାମ୍ପଲ ପାଠାଗଲା
  • ||
  • କମ୍ପିବ ବିଧାନସଭା: ମମିତା ମେହେର ହତ୍ୟା ଘଟଣା, ଧାନମଣ୍ଡି ଅବ୍ୟବସ୍ଥା, ଦୁର୍ନୀତି ପ୍ରସଙ୍ଗରେ ସରକାରଙ୍କୁ ଘେରିବ ବିଜେପି
  • ||
  • ନରସିଂହପୁର: ପିଉସୀ ଘରକୁ ବୁଲିବାକୁ ଆସିଥିବା ବେଳେ କୂଅରେ ପଡ଼ି ଚାଲିଗଲା ବାଳକ ଜୀବନ
  • ||
  • ନରସିଂହପୁର: ନରସିଂହପୁରରେ ମାତିଲେ ଦୁର୍ବୁତ୍ତ, ସ୍କାଏ ଲାଇଟ ଭାଙ୍ଗି ଲୁଟିନେଲେ ଟଙ୍କା ଆସବାବପତ୍ର
  • ||
  • ଜଗତସିଂହପୁର : ଆରମ୍ଭ ହେଲା ୨ଦିନିଆ ସାଗର କବଚ ଓଡି -୨୧ ସମରାଭ୍ୟାସ
  • ||
  • ଚନ୍ଦ୍ରଶେଖରପୁର : ଜଣଙ୍କ ପାଇଁ ଦୁଇ ପ୍ରେମିକ ମଧ୍ୟରେ ହଣାମରା, ବିଚ୍ ରାସ୍ତାରେ ଚାଲିଲା ଖଣ୍ଡଯୁଦ୍ଧ
  • ||
  • ସୋନପୁର : ସୋନପୁରରେ ଇଷ୍ଟଦେବୀ ସୁରେଶ୍ଵରୀ ମନ୍ଦିରରୁ ଚୋରି
  • ||
  • ଭୁବନେଶ୍ୱର : ଆଜି ଅଭିନେତ୍ରୀ ଗୁନ୍‌ଗୁନ୍‌ଙ୍କ ବିବାହ, ଅଭିସ୍ମିତଙ୍କ ସହ ପଡିବ ହାତଗଣ୍ଠି
  • ||
  • ଭୁବନେଶ୍ୱର : ଆସୁଛି ସମ୍ଭାବ୍ୟ ବାତ୍ୟା ‘ଜୱାଦ୍‌’, ୩ ତାରିଖ ଯାଏଁ ଥରାଇବ ଶୀତ, ୪ରେ ନିର୍ଧୁମ ବର୍ଷା ସମ୍ଭାବନା
  • ||
  • ସୁକିନ୍ଦା : ଶତାୟୁ ପଦ୍ମଶ୍ରୀ ନନ୍ଦ ସାର୍ କରୋନା ସଂକ୍ରମିତ, ଘରୋଇ ହସ୍ପିଟାଲରେ ଭର୍ତ୍ତି
  • ||

କମିଶନରେଟ ପୁଲିସରେ ପୁଣି ବଦଳ: ବିଦା ହେଲେ ପୁରୁଣା

source:play.google.com

ଭୁବନେଶ୍ୱର,୨୦ା୨(ବ୍ୟୁରୋ): ନିର୍ବାଚନ କମିଶନରଙ୍କ ଗାଇଡ୍‌ ଲାଇନ୍‌ ମୁତାବକ କମିଶନରେଟ୍‌ ପୁଲିସ୍‌ରେ କିଛି ଦିନ ତଳେ ଏକ ଅଦଳବଦଳ ହୋଇଥିଲା । ୩ ବର୍ଷରୁ ଅଧିକ ଦିନ ରହିଥିବା ଅଫିସ୍‌ରଙ୍କୁ ସହରରୁ ବଦଳି କରାଯାଇଛି । ଦ୍ୱିତୀୟ ପର୍ଯ୍ୟାୟରେ ଅତିରିକ୍ତ ଡିସିପି, ଏସିପି ଓ ଇନ୍ସପେକ୍ଟରସ୍ତରରେ ଅଦଳବଦଳ କରାଯାଇଛି । ୧୫ଜଣ ଇନ୍ସପେକ୍ଟର ଓ ୫ଜଣ ଏସିପିଙ୍କୁ କଟକ ଓ ଭୁବନେଶ୍ୱରର ବିଭିନ୍ନ ଥାନା ଓ ଅଫିସରେ ଅବସ୍ଥାପିତ କରାଯାଇଛି । କମିଶନରେଟ ପୁଲିସ ପକ୍ଷରୁ ବୁଧବାର ଏନେଇ ବିଜ୍ଞପ୍ତି ପ୍ରକାଶ ପାଇଛି ।
କମିଶନରେଟ ମୁଖ୍ୟାଳୟରେ ଥିବା ଏସିପି ଯତୀନ୍ଦ୍ର ପଣ୍ଡାଙ୍କୁ କଟକ ଟ୍ରାଫିକ ଏସିପି, ନାରାୟଣ ଚନ୍ଦ୍ର ବାରିକଙ୍କୁ କଟକ କମିଶନରେଟ ଜୋନ-୩ ଏସିପି, କିଶୋର ଚନ୍ଦ୍ର ଦାସଙ୍କୁ ଭୁବନେଶ୍ୱର କମିଶନରେଟ ମୁଖ୍ୟାଳୟର ଜୁଡିସିଆଲ ସେକ୍ସନ ଏସିପି, ସ୍ପେଶାଲ ସ୍କ୍ୱାଡ୍‌ ଏସିପି ସଞ୍ଜୀବ ଶତପଥୀଙ୍କୁ କଟକ କମିଶନରେଟର ଆଇୟୁସିଏଡବ୍ଲ୍ୟୁ, ସତ୍ୟରଞ୍ଜନ ମଲ୍ଲିକଙ୍କୁ କଟକ କମିଶନରେଟ ଡିଆଇବି ଏସିପି ଭାବେ ବଦଳି କରାଯାଇଛି । କମିଶନରେଟ ମୁଖ୍ୟାଳୟରେ ଥିବା ଅତିରିକ୍ତ ଡିସିପି ଲକ୍ଷ୍ମୀଧର ମହାପାତ୍ରଙ୍କୁ କଟକ ଆଇୟୁସିଏଡବ୍ଲ୍ୟ, ତପସ୍ୱିନୀ ଆରୁଖଙ୍କୁ ଭୁବନେଶ୍ୱର ଅତିରିକ୍ତ ଡିସିପି ଭାବେ ନିଯୁକ୍ତି ଦିଆଯାଇଛି । ଅଶ୍ୱିନୀ କୁମାର ମିଶ୍ରଙ୍କୁ ଭୁବନେଶ୍ୱର ଅତିରିକ୍ତ ଡିସିପି, ଗଦାଧର ପ୍ରଧାନୀଙ୍କୁ ଭୁବନେଶ୍ୱର ଅତିରିକ୍ତ ଡିସିପି, ପ୍ରଶାନ୍ତ କୁମାର ପଟ୍ଟନାୟକଙ୍କୁ ଭୁବନେଶ୍ୱର ଅତିରିକ୍ତ ଡିସିପି ଓ ପ୍ରମୋଦ କୁମାର ସାମନ୍ତରାୟଙ୍କୁ ଭୁବନେଶ୍ୱର କମିଶନରେଟ ମୁଖ୍ୟାଳୟକୁ ବଦଳି କରାଯାଇଛି ।
ସେହିଭଳି ଇନ୍ସପେକ୍ଟର ବିଶ୍ୱରଂଜନ ସେନାପତିଙ୍କୁ ଖାରବେଳନଗର ଥାନାକୁ ବଦଳି କରାଯାଇଛି । ପୂର୍ବରୁ ତାଙ୍କୁ ସହିଦନଗର ଥାନା ଅଧିକାରୀ ଭାବେ ବଦଳି କରା ଯାଇଥିଲା । ସେହିପରି କ୍ୟାପିଟାଲ ଥାନାର ଅତିରିକ୍ତ ଇନ୍ସପେକ୍ଟର ସନ୍ଧ୍ୟାରାଣୀ ସିଂହଙ୍କୁ ବାଦାମବାଡି ଥାନାର ଅତିରିକ୍ତ ଇନ୍ସପେକ୍ଟର ଭାବେ ବଦଳି କରାଯାଇଛି । ଚାଉଳିଆଗଞ୍ଜ ଥାନା ଅଧିକାରୀ ଅଜୟ ଦାସଙ୍କୁ ଭୁବନେଶ୍ୱର ଆଇୟୁସିଏଡବ୍ଲ୍ୟୁକୁ ବଦଳି କରାଯାଇଛି । ଜଗତପୁର ଥାନା ଅଧିକାରୀ ବିରଞ୍ଚି ନାରାୟଣ ପତିଙ୍କୁ ସହିଦନଗର ଥାନା ଅଧିକାରୀ ଭାବେ ବଦଳି କରାଯାଇଛି । ସେହିପରି କମିଶନରେଟ ମୁଖ୍ୟାଳୟରେ ଥିବା ଆଶୁତୋଷ ମିଶ୍ରଙ୍କୁ ଲାଲବାଗ ଥାନା ଅଧିକାରୀ ଭାବେ ଅବସ୍ଥାପିତ କରାଯାଇଛି ।
ପୁଲିସ ମୁଖ୍ୟାଳୟରେ ଥିବା ଅମିତାଭ ମହାପାତ୍ରଙ୍କୁ ମଙ୍ଗଳାବାଗ ଥାନା ଅଧିକାରୀ ଭାବେ ଓ ଚନ୍ଦ୍ରଶେଖରପୁର ଥାନା ଅଧିକାରୀ ଦୀପକ ମିଶ୍ରଙ୍କୁ ଚାଉଳିଆଗଞ୍ଜ ଥାନାକୁ ବଦଳି କରାଯାଇଛି । କମିଶନରେଟ ମୁଖ୍ୟାଳୟରେ ଥିବା ସତ୍ୟଜିତ ଦାସଙ୍କୁ କନ୍ଦରପୁର ଥାନା ଅଧିକାରୀ ଭାବେ ଅବସ୍ଥାପିତ କରାଯାଇଛି । କଟକ ମହିଳା ଥାନା ଅଧିକାରୀ ଅନୁସୂୟା ନାୟକଙ୍କୁ ଭୁବନେଶ୍ୱର ମହିଳା ଥାନାକୁ ବଦଳି କରାଯାଇଛି । ଭୁବନେଶ୍ୱର ମହିଳା ଥାନାର ଅତିରିକ୍ତ ଇନ୍ସପେକ୍ଟର ଅନୀତା ସାହୁଙ୍କୁ ମଙ୍ଗଳାବାଗ ଥାନାର ଅତିରିକ୍ତ ଇନ୍ସପେକ୍ଟର, ବାଲିପାଟଣା ଥାନା ଅଧିକାରୀ ଆକାଶ ରଣାଙ୍କୁ ଫୁଲନଖରା ଟ୍ରାଫିକ ଥାନା, ଭୁବନେଶ୍ୱର ଟ୍ରାଫିକ ଥାନା ଅଧିକାରୀ ସୁରେନ୍ଦ୍ର ବଳଙ୍କୁ କଟକ ଟ୍ରାଫିକ ଥାନା, ବାଦାମବାଡି ଥାନା ଅତିରିକ୍ତ ଇନ୍ସପେକ୍ଟର ରୀନା ଦାସଙ୍କୁ କଟକ ମହିଳା ଥାନା ଓ ଶରତ ଚନ୍ଦ୍ର ପାତ୍ରଙ୍କୁ ଲିଙ୍ଗରାଜ ଥାନା ଅଧିକାରୀ ଭାବେ ବଦଳି କରାଯାଇଛି । ତେବେ ଇନ୍ସପେକ୍ଟର ଅର୍ପିତା ଖଟୁଆଙ୍କ ବଦଳିକୁ ବାତିଲ କରାଯାଇଛି ।

ସମ୍ବନ୍ଧିତ ଖବର